|
يسعد مساكم بليز الكل يشوف هالموضوع ويجاوبني .. يسعد مساكم ..كيفكم .. سؤال خطر ببالي .. هلأ بالاسواق او الاماكن العامه بيجتمعه الشباب والصبايا بهالامكان ..او بتكاسي .. يعني انا لما اشووف شب " محترم بالمعنى الصح يلي للاحترام " بحكي الله يفتحه عليك ويخليك لاهلك لانو محترم ومأدب وبعرف الاخلاق .. هلأ البنات << كيف بتعرفي انو الشب محترم وومأدب وبتددعيلو بالخير ؟؟ والشباب << كيف بتحكي الله يستر عليكي " طبعا للبنت المحترمة " بدي اشوف لما تشوفي الشب مو تحكي معه او لما تشوف البنت مو تحكي معها لتحكيلها اله يستر عليكي ؟؟ ونصيحة لكل الصبايا .. اخلاقك ثم اخلاقك ثم جمالك .. يعني انتبيهي لاخلاقك .. ولما تحكي مع شب ع جوال ع فيس .... الخ بتصغري بعينو كتيرر ما بتكبري خلي بالك من حالك .. اخلاقك ماتنسيها .. بتمنى اشوف اجوبه مقنعه .." |
البنت مثل قطعة القماش البيضاء اي خدشة فيها راح بتبان للكل فبتمنى لكل البنات المحافظة على بياض اقمشتهن .. موضوع جيد للنقاش يعطيكي العافية اخوكي ابوضياء |
ومين هو لحتى احكيله الله يخليك لأهلك، شو هالتصرف اللي مالو طعمه، اذا مفش اشي بيربطني فيه لشو ائله الله يخليك لأهلك؟ بمجرد إني شفته عائل من تصرفاته وشكله الخارجي؟ مهو يمكن يكون مغطى بئشوره وعامل حالو قمة الاخلاق .. ممكن لمن اشوف شب ساعد شخص بالشارع ان كان ختيار او صبيه، سيعتا بحكي بعئلي "هدا انسان مزوء"، او ممكن ائله "شكرا" لمن اكون طلبت منه شغله وساعدني فيها، ما بتوصل الدعاوه مش لهالدرجه يعني، وانا عم بحكي لمن نكون بالشوارع او محلات عامه، بس موضوعك شوي مخربط لإنك رجعتي حكيتي عن الفيس والنت، النت صار موضوع تاني، ع العموم ع الجهتين الواحد يضل بحالو بكون اريحله ان كانت بالنت او بالواقع، إلا إذا حدا ساعده بشي شغله، بظن كلمة شكرا احلى كلمه، لازم نحكيها من باب الزوء، وبظن هالكلمه بتكفي، ان كان بعالم النت او بالواقع .. شكرا :137: .. |
لك يسلم لسانك سمرة انا اكتفي برد سمرة وبضم صوتي لصوتها يسلمو سمو ع الموضوع تحياتي |
اقتباس:
فهمتي غلط .. ما تحكيلو الله يخليك لاهلك يخوي لا مش قصدي هيك .. بينك وبين حالك طبعا هو مايسمع او يعرف .. يعني في ناس بتبين من اخلاقهم .. فهمتي غلط .. يعني بكرا انا شوفت بنت محترمة بجد بحكي ببالي الله يستر ليها .. فهمتيني يا سمرة انتي وملك |
اقتباس:
فعلا اخي .. الله يعافيك |
اقتباس:
فهمتي غلط كمان .. ما تسمعيه . ولو كيف بتتوقعن اصلا اني بفكر هيك .. يعني مبين من موضوعي تذا ما بتعرفني او مش صديقات . الموضوع بحكي عكس تعليقك |
مسائك خير خيتو سمو طبعا بنشوف مواقف كتير بحياتنا في بنات بنشوفهم بلف وجهي عنهم من قرفهم وفي ما بحاول اطلع فيهم من احترامهم لنفسهم وبحكي الله يستر علينا وعليهم يعني بالنهاية انا بشوف الي بحترم بحترم نفسه بكل شيء بلبسه بمعاملتو مع الناس بتصرفاتو باخلاقو بكل شيء موضوغك كتير حلوو خيتوو ما ننحرم من حضورك الاحلى كل الود |
اقتباس:
اخي وطن .. اكيد الاحتررام بيتعامل معه باحترام .. انرت متصفحي . كون بالقرب .. لروحك الجوري |
اخت مها بمجتمعنا صعب الواحد يشوف بنت سواء محترمه او مش محترمه يحكي معها بصفته شووووو؟ ما بصير لانه في احراج الها بكفي لو شاف منها زوء واخلاق يدعيلها بقلبه مو ضروري يسمعها والعكس صحيح لساتنا بمجتمع شرقي ما برحم لا منيح ولا عاطل ممكن عالنت لو تعرف عبنت وعجبته اخلاقها يحكيلها الله يستر عليكي ويكون اخ او صديق الها ولو حبها ممكن يكون صادق معها هادا فقط مجالنا ما عنا شي تاني او مجال اخر اشكرك اخت مها |
| الساعة الآن 03:46 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.