|
سمت بدن على هالصبح !! دخلت تمشي وخرجت محموله بنعش !!! صباحكم /مسائكم ورد وجوري رجعتلكم بسمه بدن جديدة / سامحوني بس شي لفت نظري وحابه احكيلكم عنو واتزكرو شعاري تنهيف ... زناخة ... سمت بدن خبريتي اليوم عن المواطنه ريم صبحي الي اجتها الام المخاض بالشهر التامن واضطر زوجها لنقلها لمستشفى جنين للوﻻدة راح اختصرلكم الموضوع http://www.bntpal.com/vb/img/bntpal_1423124096_768.jpg ريم بحاله وﻻدة مبكرة وقد تولى حالتها دكتور وممرضة بمستشفى جنين حيث طلب الدكتور من زوج ريم احضار كبسوﻻت من الصيدليه لعدم توفرها بالمشفى .. وهم عباره عن 16 كبسوله وذلك لتاخير عمليه الوﻻدة وايقاف المخاض زوجها المسكين اسرع واحضر الكبسوﻻات حيث باشرت ريم بابتلاعها وعند اول حبه بدات ريم بالاستفراغ فاخبرهم زوجها انها صائمة .. بكل برود حكى الطبيب انو الاستفراغ شي طبيعي !! ريم بلعت التانيه ... التالته .. الرابعة وبعد كل حبه حالتها تسوء اكتر واكتر والممرضة المحترمة اتهمتها بالدلع !! وعند الحبه السابعة من الكبسوﻻات ريم اصابتها حاله من التشنج وضيق النفس وكما ذكر الزوج فجأه اختفى الطبيب والممرضة والشرطة اتواجدت بممرات المشفى ليكتشف انو ريم توفت !!!!!! فاتت لتضع مولودا وخرجت بنعش !!! فعلا سمت بدن !!! الاخطاء الطبيه مسؤؤليه مين !! الطب عنا لوين !! المسؤؤلين .. القوانين .. وزارة الصحة حابه احكيلكم انو احنا بشر مو فيران تجارب لمتدربين !!! اعضاء منتدانا الغالي هاي حاله من الاف الحالات الموثقة فعلا ارائكم انتم ؟؟؟ |
كتير صارت حالات زي هذه وبتغلق مستشفى وبالاخر بطلعو من الموضوع وكانه ما صار العاتق برجع على الحكومه قبل اداره مستشفى لانه مستشفى لازم تعين اطباء اكفاء والحكومه لازم تحاسب المخئ مهما كان مو لانه تابع لفلان او فلان يطبطب الموضوع والله يرحمها يسلمو |
لا حول ولا قوة إلا بالله .. مثل هيك حــاله المفروض مآ يكون واحد متدرب يعآآلج المفروض يكون دكتور موثوق فيه ويجيبو من أخر الدنيآآ لأنو هيك حالة ما فيهآآ صبر وبعدين والله الي عآآملينو ما بيدخل الرآآس 8 حبآآت ولو !!!! شو بدنآآ نحكي ع الفآآضي مثل ما حكت ملكة الحرف بيسكر المستشفى سبووعين وبيرجعو يفتحووه وفعلآ هآآد إلي بيصيير ربـــي يرحمهآآ ويصبر جوزهآآ ع هالمصيبة موضوع إجآآ بمحلُ يسعد صبآآحك ملك وتسلمي ع سمة هالبدن إحترآآمي |
نسبة لانو اخويا دكتور و حكالي كتير عن هيك امور . ف صار هالشي شبه طبيعي . الطب حاليا و بفلسطين خصوصا صار "تجارة" و"منافسة" مش طب . الدكتور بيتعين بالواسطة طبعا والمدير كمان بيكون متعين بالواسطة . والجهل عاد بيصير بلاوي . وكلها بيحطوها تحت اسم "خطأ طبي" لحماية "الي داخل بالواسطة" (الي ممكن احتمال كبير ميكنش معو شهادة طب اصلا) الطب صار منصب هون وبغزة تحديدا . و حيصير سمعة عاطلة بالمستقبل كمان . لانو مافي الا القليل جدا من الاطباء الي حاطين مخافة الله بشغلهم . اما الباقي ماخد الطب تجارة و وظيفة واسمه "موظف" مو قد كلمة دكتور و طبيب . احنا عايشين بجهل وبوضع مزري . ما بيتعدل الا بتغيير انفسنا ونظرتنا . كل شيء بيصير نحنا السبب فيه . صمتنا هوا السبب الي بيدفع حقه الضعفاء والفقراء من مجتمعنا . و عادي . الموضوع هادا حيمشي وينتسا بغضون ايام او حتى ساعات . متلو متل اي موضوع تاني قبلو .. |
يعني الي اله ضهر بخرب بيت الطبيب والي مسكين ومسخم بتروح عليه الله يرحمها وينتقم من الطبيب الحمار لانه احنا مش حقل تجارب بس يتخرج الواحد بجيبو يتدرب علينا بدل ما يكون تحت ايد دكتور عنده تجربه يتعلم منه يتخرج ونافش ريشه ولا حدايقدر يحكي معه انا مره مسحت الارض بدكتور لانه نبهته لشي عمله غلط حكيتله بدل ما تضل تعطي ابوي دوا التهاب خود عينه واعملها زراعه وشوف نوع الدوا بدل ما تضل تجرب نشف ريقه وصفن من الصدمه حكالي وانت شو بتعرف في الطب قلتله بحطك بجيبتي الصغيره روح تعلم منيح وارجع للمشفى وبدي اضربه واكسرله وجهه بس فزعوله واجت الشرطه بس اكل بهدله بعدد شعر راسه بس طلع اصلع ما عنده شعور ههههههههههه حكيتله ولا انا صح مهندس بس بفهم اكتر منك بالطب الله يعين العالم عهيك اطباء حيوانات شكرا ملك سمه بدن عساعه الضهر |
لا حول ولا قوه الا بالله هاي مسؤليه كبيره وصارت اكثر من مره بدي احكيلكم عن جارتنا ختياره بتشوف بعين وحده راحت تعالج العين يلي ما بتشوف فيها قامو الدكاترا بعلاج العين يلي بتشوف فيها وصار معهم خطأ بالعلاج وبطلت تشوف بالمره |
اولا لا اعتراض على حكم الله والى رحمة الله الاخطاء الطبيه شائعه وبكثر وهذا لا شك فيه سواء بفلسطين او خارجها لكن جعلنا لكل موتا سببا لا انفي اي خطئ طبي بهذه الايه لكن قبل أن اعطي رئي هناك الطب الشرعي يبين سبب الوفاة وقبل ان اتهم فلان وفلان اعطيني سبب الوفاة بالنسبة للاخطاء الطبيه هي مسؤليه وزارة الصحه لانه اغلب الشهادات التي يحملونها الاطباء او الممرضين من روسيا ويتم شرائها كما نشتري السلعه وكثيرا ما سمعت ورأيت مثل تلك الشهادات لنبدء بالاصل ومن بداية الموضوع وبشكل مختصر جدا جدا الغرب ... الانسان اغلى ما نملك العرب ... العكس تماماً عند الغرب تجدين الحرص الطبي لدى المرضى يفوق الخيال حتى بالارشادات واتعامل حتى المريض لديه الوعي الكافي للمعرفه وهذا لم يأتي من عبث يأتي من المتابعه الحثيثه للمعلومات والارشادات عكس ما لدينا تماما لا وعي فكري ولا رقابه صحيه حتى من انفسنا واعطيكي مثال ابوي عليم الله اي حبة دوى بتناولها عادي عندو اذا راسو بيجعو اي حبة دوى بشوفها ببلعها وسرعان ما نلقي اللوم على ونندب الحظ وفورا تأتينا المرجله بالتكسير والضرب وغيره انا معك هذا اهمال حكومي لكن انا كمواطن حينما اشتري الشهاده اي ضميري وبعد عودتي من الخارج ادفع ألاف النقود للوساطات حتى اتعين بمستشفى مثلما يقع على المريض الحكومه اللوم يقع على الفرد ايضا اللوم الحكومه تستقبل وتسجع والفرد يقدوم بقلة عقله يوافق ويثابر على الخطئ الامر ما بين الاثنين |
مشكورة ملك بس هالشئ عم اشوفه كتير بمجال عملي وياريت بس علي ولادة خاطئة خدي عنك مقص يتوجد بعد العملية داخل المريض قطع الامعاء بدون قصد اخد ما المعده بالخطا واووووووووووووووووووووووووووووووووووووووووووو شو لاحكي خليها علي ربك السلامة للجميع يارب ودي ملك |
الله يبشرك بلخير o_O الله يرحمها ويصبر اهلها مشكوره عالنقل تحياتي |
اقتباس:
بصراحة عم اسمع عن كتير حالات واكيد الحكومة عندها علم بهيك امور بس ما بزن انو في رادع او عقاب كافي لهيك اطباء نورتي ملكة |
| الساعة الآن 03:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.