|
نعم انت منافق ! يسعد مساكوا الجميع :137: .. شو فيني ائول غير اني انا وانت وهني منافقين لمن مئابيلنا يكون منافق بتصرفاته، شو رح تكون ردة فعلنا غير ابتسامه عريضه مزيفه ونشاط زايد عن حده، ما بعرف إذا هدا فعلا بكون نفاق او مجامله ؟! كل واحد فينا بتعرف ع اشخاص كتير بحياته، منون بيحبون ومنون ما بيرتحلون لدرجه انه بيكرهون من تصرفاتون وحكيون وشرون الظاهر والباطن، ئدامك بيحبوك وبسايروك اما من ورا ظهرك بخلوش حكي عليك والمشكله انك انت متلون ! مثال من المواقف اللي منضطر نكون منافقين فيها وبتصير بالحياة اليوميه، لمن يجي لعندك ضيف وانت هالضيف ما بتطيئه وبتكرهه، وضيفك مش رح يفل الا بعد ما يدء 3 مرات ع الباب طبعا ما فيك ما تفتحش الباب لإنه احتمال الضيف يكون عارف انك فالبيت يعني رح يضل يدء وممكن تحس انه رح يكسر الباب من كتر ما بدء، ويمكن يحط فرشه مع مخده ع باب البيت شو بعرفك =/ بتفتحله الباب "معلش اصلا كنا نايمين"، بتضطر انك ترحب فيه وتستئبله بإبتسامه عريضه وحلوه ومن كتر ما بتوزع ابتسامات بتحس الفك رح ينشل ههههه وبتحطله واجب وتسايره بس بينك وبين نفسك عم تئول "هدا ما عاد يروح" ومع العلم انه ضيفك منافق اكتر منك ! بس يئوم يروح ما بتصدء بس بتشد فيه يضل ئاعد "ئال يعني" .. طبعا مستحيل يكون عندك الجرأه تطرد ضيفك من بيتك بيوم من الايام، واحتمال تخفف واجب كرمال يفهم بس ما بيفهم =) .. هدا مثال معين، لسه في كتير شغلات .. / هل مضطرين نكون منافقين مع اللي منكرهون؟ ليش مضطرين يعني؟ ولا لازم نكون صريحين وإنه وبيكفي نكذب ع حالنا وعليهون؟ ان كان بالواقع او حتى بالنت .. الضيف متلا، لمن يكون حدا بتكرهه، هل مضطر تنافق لسبب انك عم تئوم بالعادات اللازمه والواجب؟ ولا لازم تكون صريح ومستقيم وتئله الصراحه انك مش طايئه لحتى ما يرجع يجي ع بيتك بالمره؟ وهل النفاق صار امر حتمي بهالزمن؟ ليه؟ وشو بيمنع الانسان بشكل عام انه يكون ع طبيعته بدون نفاق وصريح ع الاخر؟ :137: |
بارك الله فيكي |
موضوع رائع سمره ونقاش حلو الضيف متلا، لمن يكون حدا بتكرهه، هل مضطر تنافق لسبب انك عم تئوم بالعادات اللازمه والواجب؟ هلاء هون المشكله انا لو من الاول م عملت معاه علاقه توصلو لدرجه انو يجيني ع البيت كان م وصل للبيت يعني مثلا زميل لالي بلشغل انا م بحبو دمو تقيل ع قلبي هلاء بيبدأ الموضوع بلمجامله (بلنفاق)لشغل ببينلو اني بحبو فبيوصل المووضوع انو يجيني كزميل شغل ع البيت وانا م بكون طايق فبطر كمان مره اجاملو (انافقو)عشان صاير جاي ع بيتي لهيك انا بمنع نفسي من الاول من النفاق ومن اول م صير م حبو خلص بقطع معو بلصراحه المطلقه عنا واحد بجامعه قدام اسير الصمت الي هون معنا بلمنتدى قلتلو انتا دمك تقيل ع قلبي لا تمزح معي قلي شو عملتلك قلتلو ولى شي بس انا م حبيتك وعادي يعني ولا لازم تكون صريح ومستقيم وتئله الصراحه انك مش طايئه لحتى ما يرجع يجي ع بيتك بالمره؟ بلظبط هيك وهل النفاق صار امر حتمي بهالزمن؟ ليه؟ هون المشكله التانيه انو الكل صار بدو ينافق ليصل لغرضو م بيعرفو انو هلشي مش منيح ولو انتا نافقتو هيجي الي ينافقك م في شي اسمو مجامله المجامله انو امك تعملك اكله وتكون الاكله مش حلوه بس تجاملها لانك بتحبها تقللها حلوه الاكله المجامله انك تكون بتحب حدا فتجاملو لانك بتحبو مش المفهم الغلط الي عند الناس وشو بيمنع الانسان بشكل عام انه يكون ع طبيعته بدون نفاق وصريح ع الاخر؟ الي بيمنعها انو هيصيرو مكروهين من فئه كبيره من الناس لهيك بيحكيلك لاء انافق ولى اكون مكروه بس انا واحد من الناس م بيفرق معي كون مكروه وبقول الحقيقه لو على حساب انهم يكرهوني |
باختصار نحنا عايشين بعالم منافق وهلشي بعتبرو مرض وضعف شخصيه بتشكرك ع الطرح تحياتي |
انا قرءت الموضوع كامل وكلامك كلو موجود سواء على ارض الواقع او بالانترنت ورح ارد بشكل عام على طرحك في ظل ما نراه من ظروف واحاول احبرنا على ان نكون منافقين اذاا كان النفاق على مستوى ضيف او شخص نكرهه فهذا بسيط جدا لكن تلامر تعجى اكبر من هذا اصبحنا منافقين على انفسنا حتى في أراءنا منافقين اصبح الاعلام منافق صاحب المسؤوليه ان لم تكن منافق ومجامله معه ستكون وظيفتك مهدده ومصدر رزقك مهدد هذا على سبيل المثال هذا بالنسبه للحد الكبير من النفاق على مستوى المتعارف عليه من وجهة نظري وان شاء الله ان لا يكون فيه رياء او نفاق فيجب ان نعطي كل شخص ما يستحق الموضوع ليس بحاجه لسؤال الموضوع بحاجه فقط الى قوة شخصيه تقول للمنافق انته منافق فقط كي لا اقع معه بالنفاق بالمستوى العام وعلى حسب الاجواء الي بعيشها بالحي او العمل بنظري الشغله ما يدها خجل يعنس حرتنا ضيقه وبنعرف بعض اصل الشيئ معروف فلماذا اعطيه اصل اخر باختصار هذا |
يسلموو كتير موضوع رائع |
اقتباس:
شكرا :137: .. اقتباس:
حبيت صراحتك، يمكن ئليل متلائي حدا متلك، وانا بحب الناس الدغريين حتى لو ع حساب انه يصير كره، هدا بيدل ع الئوه الشخصيه، مع انه احتمال يصير مشاكل لإنه بيتعلئ بنية الانسان اللي ئبالك ممكن يختصر وينساك ويمكن يعملك مشاكل .. شكرا ايزل :137: .. |
موضوع رائع مشكوره اختي احسني |
اقتباس:
بالزبط، مع إنه ما بظن في اشي يمنع الانسان من انه يكون صريح، إذا بيفكر شوي بيلائي انه بصراحته بيعيش مرتاح اكتر بحياته .. وهون بيجي دوره ليعمل اي اشي ويمحى وجود هيك عاده مقرفه بالمجتمع، لإنه الشغله بإيده .. شكرا :137: .. اقتباس:
كلامك مزبوط، بتحس وكإنه النفاق صار شرط لنعيش هالحياه، بس مستحيل الانسان يكون راضي عن نفسه، ورح يضل يفكر بينه وبين نفسه بهالموضوع، لحد ما تجيه الجرأه، هاي اذا اجته الجرأه، لإنه الانسان الدغري والصريح بعتبره جرئ بهالمجتمع .. هاي حقيقه محداش بنكرها المنافق محبوب والصريح مكروه .. شكرا وسام :137: .. اقتباس:
العفو اسير، نورت :137: .. |
اقتباس:
العفو اميره، كلك زوء، منوره :137: .. |
| الساعة الآن 01:20 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.