|
السلفي .. وما ادراكم ما السلفي صباح الخير اعضاء منتدانا الغالي كيفكم اليوم / براسي موضوع حكيت فيه امبارح مع صديقة لالي واتناقشنا فيه وضحكنا كتير وحبيت آخد رايكم بالموضوع اكيد بتتفئو معي انو السلفي ظاهرة منتشرة بشكل مش طبيعي حتى انو في دراسات معموله حكو انو السلفي تأخد بمعدل 700 صورة للشخص الواحد باليوم!!! معناتو وصلنا حد الهوس ي جماعة وحكت الدراسه انو 1000.000.000سلفي باليوم بتنزل عالم النت !! ما تستعربو وع راي محمد اسكندر العالم جنو ي الله المهم انا مو ضد السلفي بس سؤال للشباب وللصبايا انو ضروري تلعبو بتعابير وجوهكم مع السلفي !! يعني مرة بوزك ع جنب ومرة عيونك محوله طيب ما علينا انتو حرين http://www.bntpal.com/vb/img/bntpal_1422774070_979.jpg بس كمان ضروري تجننونا فيها افتح فيس بتلائيهم بوجهك افتح انستغرام كمان بوجهك !! دخيل ربكم ما ضل الا تاخدو سلفي وانتو بالحمام !! حتى العم غوغل مل منكم وحكالكم السلفي دليل على اضطراب نفسي لحتى ترحموه شوي من هالمناظر ... كمان ع الفاضي ههههههه المهم سؤالي لالكم اخواني وخواتي افتحو جوالكم ؛ ئديش سلفي لالك بالجوال؟؟ ممكن تنزلها فيس او انستغرام ؟؟ فكرك هالظاهرة راح تخلص؟؟ طيب شو رايك انت بهيك نوع من الصور؟؟ وانا هون بكون خلصت يلا خاطركم رايحة اخد سلفي هههه ملك روحي |
صبآح الورد زمآن كنآ نعرف سلفي يعني اخوه لزوجي اليوم صآر ليهاآ مفهوم تاني هههههههه اناآ ما عمري تصورت صورة سلفي الفكرةة حلوةة انو انا اصور نفسي بس الشغلة صآرت فكآهة و شبه مسخرةة عوآفي لإلك .~ |
بصراحه ما فهمت ولا شي انا بعرف السلفي انما سلفي يعني بمشي عالسنه والسلف الصالح وسلفي اخو جوزي غيرهيك ما مر علي ولا بعرف يمكن انا موضه قديمه لو حدا غيري بعرف شي يحكيلنا ويرد يسلمو دياتك ملك شكرا |
اقتباس:
وصباحك ميناس فعلا وصلت الظاهرة حد المسخرة كل شي بيزيد عن حدو بيصير بلا طعم وبطل سلفي يعني اخو الزوج هههههههه نورتي حبيبتي |
اقتباس:
ماشي مؤيد راح فهمك هلا بالعادة الجوالات الهم كام امامي يعني بتئدر تاخد صورة لالك وانت شايف ااشاشه او الصورة كيف راح تطلع هاي اسمها سلفي في ناس وصلو حد الهوس صارو ياخدو سلفي وهم ياكلو وهم يشربو وهم بالحمام وهم نايمين .... جننونا مؤيد بالسلفي تاعهم اما السلفي الي بتحكي عنهم بتلائيهم بالسجون هههه يسعد صباحك |
ههههههههه صباحو عسولتي ايه والله مزبوط كلامك انو السلفي سار بطعمة وبلا طعمة بإيآمنآ يعني متل ما بيئولوا هالشعب ما بينحط حطاط شغلة هههههههههه بس رح تخلوص ويطلع شي جديد يغطي عليها ورح تتنتسى انا والله العظيم بعمري ما اخدت لحالي صور سلفي بنوب وبيعين الله ع العئول الضاربة وبيبئوا صحاب العئول براحة فعلا كل ودي لإلك ع أفكاراتك الجنونية |
صدمتيني روز كنت مفكرتك من النوع الي بتحبي السلفي ليكي راح كون سادئه معك انا بحب السلفي وبعملها كتير وخصوصا لما اكون ﻻبسه لبس جديد هههههه بس الحمدلله ما وصلت حد الهوس والجنون الي بعملوه البنات والشباب ههههه نورتي روز وصباحك عسل |
هلا فهمت ال يعني اتحمم واعمل سلفيعمري ما عملتها ولو بدي اعملها مو بالحمام ههههههههه عالمرايه يمكن مره مرتين اكيد فاهمه:58: واحكيله خوش علي خوش نتحمم تحت الدوش هههههههههه |
اي فاهمة ههه وانا بعمل سلفي ع المرايه هههه |
يعني بصراحة مش فاهم انتي واقفة للناس كده ليه يتصوروا وينبسطو ويستمتعوا بلحظاتهم وين المشكلة في الموضوع ولا انتي ما عندك جوال تتصوري سيلفي ^ ^ بعدين التقاط الصور ليس بجديد لطالما استخدمه المشاهير فما المانع أن نستخدمه نحن ونصور أنفسنا كالمشاهير ونستمتع ونشعر بوجودنا ونسجل لحظات الفرح بالصورة والصوت والكلمة. كما ان التقاط صور السيلفي يهدف إلى تدوين اللحظة وأنه عندما يقوم الفرد بتصوير نفسه في رحلة سياحية مثلا يوثق لحظات استمتاع في أماكن مختلفة وهو ليس أمراً مستحدثا والجديد هو نشرها على مواقع التواصل الاجتماعي وهو أمر فرضته الحياة الجديدة فلدينا أصدقاء نحاول أن نعرفهم على أنفسنا. عالعموم انا ما تصورت سيلفي بعد و مليش على السليفي ومش فاضي للسليفي :54::54: |
| الساعة الآن 11:00 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.