|
سمت بدن على هالصبح !! اتزكرو شعاري دائما تنهيف ... زناخة ...سمت بدن !!! وضع شماغه في قلب عقاله وعلقهما على شبك الحماية كما يفعل كل مساء ، ثم خلع ثوبه البيتي ورماه على الفرشة القريبة وبقي جالساً بالشبّاح ،وبحركة لا إرادية وضع وسادة على ركبتيه وفوقها الريموت كنترول ، هناك كأس عصير بودرة حلّ بنكهة أخت البرتقال وضعته البنت الوسطى وانصرفت ، بحث متلمساً عن باكيت الجولواز فوجده قد سقط بين الفرشتين ، أشعل سيجارته دون ان يرمش رمشة واحدة و بقي منشدّاً لنشرة الأخبار. أم يحيى تجلس قبالته غير مكترثة لمجمل الأحداث ، مشغولة بخياطة وجه مخدّة بالٍ ، لا يقل شرخه عن شرخ القلق في وجه ابي يحيى ،ام يحيى تماماً مثل الحكومة كلما أخاطت الشرخ من جهة انمزع من جهة أخرى، لذا فهي دائمة الترقيع .. وبدأت تنادي بطولة بال وهي تقطع الخيط بأسنانها : ابو يحيى !! أبو يحيى : مالك؟ أم يحيى :انت أي سنة اجيت؟ أبو يحيى وهو يتابع الأخبار: سنة الثلجة . أم يحيى : وأنى ؟ أبو يحيى : سنة الجراد. ام يحيى : ويحيى ؟ أبو يحيى : سنة الم?zحِلْ ؟ أم يحيى : وانتصار ؟ أبو يحيى : سنة النكسة . أم يحيى : وشريفة ؟ أبو يحيى : سنة الفقسة . أم يحيى: طيب هاي سنة شو. أبو يحيى: سنة شو يعني ؟ تسمم برام الله ، تسمم بنابلس ، تسمم بغزة تسمم بالخليل ، واللحمة زي ما انت شايفه مش قادرين نتسممها ..وفوق هيك كل يوم قرارات بتسم البدن .. وبتسأليني سنة شو: سنة سمّة البدن طبعاً هاي سمت بدن وﻻ مش سمت بدن ي متعلمين ي بتوع المدارس!!! |
سلمت يمينك على هيك اطروحات وربي يعطيك الف الف عاااافيه لا حرمنا الله منك ولا من هيك عطاء منتظرين القادم والاجمل بكل شوق ولك احترامي وتقديري |
هههههههههههه يقطع شرك من الصبح سمة بدن ههههههه يسسلموا ي قمر |
اقتباس:
نورتي ملكة الحرف لمرورك يسعد صباحك |
اقتباس:
هههههههه يعني تغيير جو كل يوم بنصحى ع شي خبر حلو وبتفاؤل وضحك خلونا اليوم نصحى ع سمه بدن هههههههه نورتي نبض |
أصبحنا وأصبح الملك لله .. ههههههههههه إيه شو سمت هالبدن على هالصبح أسمى .. بس والله حكيو لأبو يحيى صحيييح %100 ريتك ما تبلي ي عسولة .. هههههه |
هههههههه حكتلكم راح اصبحكم كل يوم بشي نهفة او خبر تسم البدن هههههه طبعا كلامو صحيح لابو يحيى نورتي ميوش وصباحك ورد |
أي والله سًمة بًدنْ كاانتْ ولـآ زآأآلتْ مأسأآأةة هالشًعبْ طوولْ عمروْ ،, فٍ شي بٍ القًًةة جًمييلْ ،, عواافي عسوله ^^ |
كل حياتنيا نكسات وسمات بدن صرنا منكوسين نسيتي سنه الزلزال وايام سفر برلك وغيرهم وغيرهم صدقتي ملك وهــآآي وآآقع ــية يســــلمو دياتك وإنتي دآآئمــآآ متآآلقة ورآآئعة دمتـٍ بخ ــير |
شكلك مقرره رفع هالشعار دايما هههههههه مشكوره طيب |
| الساعة الآن 02:31 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.