|
ستي وأنا ستي ي جماعة الخير كبيرة بالعمر اكتر من 80 سنه عايشه ع ايام زمان والحاضر ابدا ما الها فيه اسألها شو اتغديتي بتحكيلك والله ما بتذكر طيب ي ستي متذكرة لما احتلونا اليهود ؟! وئتها بتصير مؤرخة وبتحكيلك كل شي بأدق التفاصيل بيوم كنت انا وهي قاعدين بالحوش الا بتحكيلي ستي ي جميله قومي هاتي القمحات بدنا نجرشهن ع الطاحونة "ستي اي قمحات بتحكي عنهم " "ولك الي بالبرميل الكبير قومي خلينا نطحن ونعجن قبل ييجي سيدك من الارض مع الغنمات ؛ وقولي لامك تجهز الصاج مشان نخبز شراك" "ستي الله يهديكي من زمان بطلنا نعجن ونخبز ؛هلا بنجيب من المخبز خبز سخن " " ول عليكم من جيل مايل ؛ ولك سيدك ما باكل الا من خبزي" " ي ستي سيدي مات وعظامو صارو مكاحل " ساعتها اطلعت فيي بكره وحزن بنفس الوقت ورجعت تحكيلي " طيب قومي هاتي برميل المي لنروح نعبي من العين " هون انا فرطت من الضحك وحكتلها : " يا ستي فوتي الدار وبدل العين في عشرة " " بعرف ولك بس المي جوة مش طيبه ؛مي العين أطيب" " يا ستي العين الي بتحكي عنها صارت مكب زباله للبلديه من زمان !" رجعت سكتت وصفنت حبيت اناغشها شوي " ستي احكيلي كيف اتعرفتي ع سيدي ؟حبتيه ؟" " حب يرقمك انشالله ؛ عيب ي ستي هالحكي لحدا يسمعنا شو بدك يقولو عنا ؟ بنات فالتات ؟؟" "حقك علي ؛ طيب قوليلي كيف اتعرفتي عليه ؟" " آخ ي جميله ذكرتيني باحلى ايام عمري ؛ كنا ي ستي نرد ع العين لنعبي ؛ وكانو الصبايا يلبسو المطرز والمخرز ؛وتكون الكحله من الحد للحد ؛وشباب البلد يكونو يرعو بالغنمات حد العين وكل وحدة ونصيبها ؛ بيوم شفتو لسيدك أما شو شبوبيه ؛طول بعرض ؛ حسيت رجلي ما حملوني وكنت بدي اقع لوﻻ ستر الله " " اوف من نظرة صار كل هاد " " وﻻ مفكرين متل جيلكم سنه وانتو تتعرفو ع بعض وبعدين تحكو ما اتفقناش!" "طيب كملي كملي" " هم يومين ي ستي وبكيت بدارهم !!" " عنجد ؟!" " اجا ابوه وامه علينا بيوم ؛ وطلبو ايدي وحطو مهري 200دينار ؛وابوي جهزني فيهم وبيومين كنت اتفتل بحوشهم " "200دينار؟؟" "يقطعكم من جيل الواحد منكم ﻻزم يبيع حالو ومالو ليتجوز ؛ اه يختي 200 دينار وﻻ طلبنا دار وﻻ حتى غرفت نوم رحت عندهم باواعيي " " حياتكم كانت حلوة ي ستي" " وﻻ شو مفكرة انتي ؛ مفكرين حياتكم حياه !مقضيينها ع المخسوف وع المسخم هاد الزغير الي بايدك تطقطقو " قصدك الكمبيوتر والجوال ي ستي" " اه هاد الجوال؛قومي فزي اعمليلنا كاسه شاي ؛اجعتي راسي ؛ على امك طالعة ؛ بتخلصيش برم" هاي ستي وهاد كان ماضيهم !! وهاد واقعنا!! لي عودة |
سلمت يداكي |
الماضي رائع ملك رغم الفقر والبساطه الذي كان يعيشونه لكن اعلمي جيدا في هذا السن علميا يبدء شريط الذاكرة بالعوده الامور الحديثه لا يتذكرها ابدا لكن القديم يتذكرة بكل تفاصيله وعندي قريب مثل هذه الحاله الف مرة حكيتلو زوجنا اخوي وكل ما يشوفني جوزتو اخوك ولسى لسى يا حبيبي صار عند شي عشريت ولد قال ابدا ما معي خبر وما عزمتوني والله برجع بعد شوي وبقول هو اجوز ولا لسى :70: يا ربي ألطم انا ههههههههههههههههه الواقع والحال الي وصلنا ألها كلو مقدمات للخراب صدقيني اذا ما رجعنا لطريق الصحابه والجماعه وسنة الحبيب كل ما ابتعدنا عن فروض الله كل ما حالنا زاد سوء لروح كل الامتنان والشكر |
بعض الأشخآص عند عمر محدد بتوقف ذآكرتهم و بتبلش تعمل دليت للمموري اللي موجودةة بالدمآغ وو بيمحوو كل شي >> لنقطة معينة و كبآرنآ عم يعيشوو هالحآلة الحآضر مآ بيتذكروه لكن مآضيهم و زمن شبآبهم حآفظينوو بصم ربي يجيرناآ و يكون معناآ بمكبرناآ و يرحم كبآرناآ بدآية القصة جميلة و مشوقة كَ شخصيتي إستمتعت بالقرآءةة و سأكون من المتآبعين لهاآ تقييمي .~ |
رااااائعه كروعتكي ملك سلمت يداكي |
ههههههه قصه حلوه ومضحكه بس والله ايام زمان حلوه |
اقتباس:
|
رائعة حد السماااء ملك روحي بتعرفي انك بجد فوتي الفرحة بقلبي قصة هي مش قصة هاي احداث من واقعنا اجدادنا كلهم هيك حلوين كلامهم بيشهينا نرجع لزمانهم لنعيش تفاصيله رغم قساوته لكن هو انقى من زمان عشنا احنا فيه ايامهم كانت حلوة بطيب قلبهم الوفاااء وحق الجيرة والاهل مزروع بقلوبهم ورداتي وكل شي حلو لروحك + تقيمي واعجابي كوني دوما هكذا |
قصة رائعة ملك يسلمو اديكي تحياتي الك |
اقتباس:
وستي هيك والله مجننه العيله بس ئصصها روووعة وبنموت فيها نورت وسام |
يا عيني لما الواحد فيهم يصير بدو يغني عليم الله بجيبو اغاني ما بعرف منها اشي في اغنيه بظل يحكيها سيدي لستي قبل لا يموت قال يا صبحا هاتي الصنيه ههههههههههههههههههه |
هههههههههه بتزكر وانا زغيرة لما كتنت تئطع الكهربا وتكون ستي عنا بزيارة انام بفرشتها وتحكيلي ئصة جبينه و نص نصيص ههههه جد احلى شي يكون بالبيت ختيار |
اقتباس:
سعيدة لمرورك وبتشرف بتواجدك هنا يسلمو ع التقييم ورداتي |
اقتباس:
نورتي |
الماضي جميل ملك وايام زمان ما كان في هموم ومشاكل كان في تعلون وؤراحة وحياة بسيطة لكن ملئها السعادة مش متل اليوم كل شئ متوفر لكن بدور علي الراحة مافي راقني موضوعك وسلمي علي ستك كتير ودي |
من اروع ما قرات هاي المواضيع الحصريه الي بتستاهل هههههههههه يا ربي ما احلا كلامهم بتشعر انك بعالم تاني عالم جميل ماضي بجنن ايام بسيطه لكن اجمل من حياتنا وكل ما تقدما في العلم والتكنولوجيا كا ما بعدنا عن بعض اكتر واكتر اسمى كنتي رائعه جدا حروف رائعة ومعاني اروع واسمى سلمت لنا روحك وعذب إحساسك تقبلي مني أرق تحية تقييمي ونجومي |
موضوعك كثير حلووو حبيته بذكرني بستى اللهه يرحمها لما كنت صغيره شو تحكي والله العجايز بجننو بالبيت بس للاسف راحو الطيبين والزمان الطيب كمان |
يمكن الموضوع فكاهي بالنسبه للبعض، بس انا محسيتوش فكاهي، تأثرت الصراحه، يمكن لإنه خطر ببالي ابوي عمرو 76 كبير بالسن الله يطوللي بعمره، بعدو ورح يضل متأثر بحياة الماضي، كل هالزمن اللي صرنا عايشين فيه اليوم وهالتطورات مستحيل تأثر او تغيره، دايما بحكيلي عن حياته بالماضي وتجاربه وئصصه وبحس بالفرء، دايما بتعلم من خبرته بالحياة، يمكن لو إننا عايشين متل ايام زمان كان مستحيل يصير كل هالمشاكل البشعه يللي عم نشوفا ونسمعا كل يوم، يا ريت الزمن يرجع .. الله يطول بعمر ستك والاهل :137: .. |
اقتباس:
نورتي اميرة حبيبتي |
اقتباس:
يسعدك رفيعة الشأن شهادة اعتز فيها جدا منك ومشكورة ع التقييم ﻻ عدمنا حضورك ورداتي |
اقتباس:
نورت متصفحي ويسلمو لمتابعتك دوما ورداتي |
اقتباس:
وستي بتسلم عليكي نورتي |
اقتباس:
رايك ع طول بهمني وبتشرف فيه نورت ي غالي |
اقتباس:
نورتي انجل |
اقتباس:
نورتي سمرة |
م عشنا هلايام الحلوه يمكن كانت افضل بكتير من هلايام الله يخليكم اياها ويطوللكم بعمرها يسلمو ملك ع الموضوع تحياتي |
الله يسلمك ماجيك ويخليلك احبابك نورت |
ياااااااااااااه على الزمن الجميل ياه على الماضي الرائع بكل تفاصيله وطقوسه المختلفة فكرتيني بستي لما كانت تغنيلي وتحكيلي حكاوي وقصص زمان رائعة جداً ملك استمتعت بكل حرف قرائته وشميت رائحة وعبق الماضي الجميل بحروفك وشتان بينبنات زمان وبنات اليوم اليوم ما بعرفوا يقلوا بيض ولا يعملوا كاسة شاي متل الخلق والناس وبتتأفف الوحدة منهم من اقل شيء |
مالهم بنات اليوم قصي ؟؟ بلشنا نقصف بجبهات بعض وﻻ شو هههههههه بجد زممن كتير حلو خالي من التعقيدات ووجع الراس نورت قصي |
ﻻ دخيلك بكفي ههههههههههههه |
| الساعة الآن 01:28 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.