|
مذكرات مدرسيه ح 3 حبيب العمر
|
يسعد صباحك وسام منور مؤيد متابعة لكم يعطيكم العافية ودي |
فكرةَ جميلةُ والمدرسةَ فيهآ احلى ذكرياتَ مع اني مش ذآكر منها شيء ، بآنتظار حبيب العمرَ وذكريآته فيهآ .. |
إخًتيآأآرْ مُميزْ لً شًخصيةة مُميزةة ^^ بٍ إنتظآآرْ زكرياااتكْ مؤيدْ عواافي وسسًآأآمْ ^^ |
يا عيني عليك ي وسام حطيت مؤيد بخانه اليك هههههههه اختيار جدا موفق ومتابعة لكل ذكرياتك مؤيد يعطيكم العافيه |
يسلملي ئلبك وسام شكرا للمقدمه والكلمات الحلوه واستضافتك الجميله شو اتزكر لاتزكر ايام وراحت هههههههه رح حاول اجمع زكرياتي الطفوليه لا تخلو من جمال وحزن ووحده وشقاوه وبراءه انتظروني في المساء |
متل اي طفل كان اول يوم دراسي عادي جدا كنت متعود لاني فت روضه ما كان الها رهبه ولا خوف مسكت بايد ابن عمي محمد اكبر مني بسنه ورحنا المدرسه وكنت شاطر كان عندي كتير معلومات عن المنهج ضليت من صف اول لنهاية تالت ابتدائي كل شي مشي طبيعي كنت مبسوط وعايش متل باقي الاطفال كنت قوي مع ابن عمي ما حدا يسترجي يطب في لانه هو زعيم عصابه والكل يعمل حسابه لما حدا يغلط علي او يضربني مثلا كنت احكيله لمحمد نستناه ليخرج من المدرسه واحكيله هادا هو وهات يا شلاليت هههههههههه وفي شي مهم ما كنت اشتري اي نوع اكل من المدرسه الا الشكولاته والشبس وهيك شغلات بس كانت امي تحطلي سندويشه كل يوم لبنه و زعتر او جبنه او معجنات وتفاحه او برتقاله او موزه وشيكلين مصروف متل اخوتي هادا اول جزء من طفولتي المدرسيه الجزء التاني درامي جدا انتظروني عالسهره |
خلصت تالت ابتدائي واجت الفرصه وظهر مع امي مرض اللوكيميا سرطان الدم انا ما بعرف وقتها شو يعني مرض قضيت الفرصه كلها وهي من المشفى للبيت ومن البيت للمشفى سالت ابوي شو مالها امي حكالي معها التهاب ولا تخاف حبيبي وفي يوم اجا ابوي عالبيت بسرعه حكا البسوو بدي اخدكم لبسنا بسرعه وخرجنا رحنا المشفى كانت امي حاكيه لابوي جيب الولاد اودعهم كآنت في غرفه الانعاش ممنوعه من الزياره الا واحد واحد فاتو اخوتي قبلي فت تاتت واحد حكتلي ماما رجلي مو حاسه فيهم قلت بلى موجودين حكت ارفعني اشوف رفعتها حكت ااااااه موجودين حضنتني وصارت تبكي وانا ابكي حكت لا تخاف ولا تزعل انا يمكن اروح اسافر بس رح طول كتير ورح نلتقي مع بعض بالسما ماشي حبيبي خرجت من عندها قلت ابوي ماما مسافره فوت شوفها امنعها ما بدي تسافر ما بدي فات عندها خرج بعد شوي حكالنا سافرت خلاص:81: ومن هنا بدات المعاناه كان عمري 10 سنين لكن الله عوضني عن امي أمين اختي الكبيره وابوي الله يطول بعمره وبدات المدرسه ودخلت الصف الرابع انسان جديد طفل جديد اسف لهون الليله بكره بكمل :30::30::30: |
ههههههههههههههههههههههههههههههههه كمان كمان قول يا معلم قول لا تبخل علينا بشي |
الله يرحمها الوالدة ويخلي اختك والوالد مؤيد متابعة انا ~~ |
ربي يًرحمهآ الوالدةة ويًغفرلهآ والله حًزنتْ ، وكنتْ دأبًكي ، ربي يسًعدْك والحمدُ لله عوضًكْ خيرْ بٍ أختكْ ، مُتاابعًةة ^^ |
مذكرآت بنكهة الألم ربي يرحم الوآلدةة و يحميلك بآقي الأهل متآبعة معك مؤيد شكراً وسآم .~ |
بدي ادبحك وسام ولك بتضحك وانا مبارح كنت اكتب وابكي حس يا دب ما عندك شعور ولا اصلع ههههههههههههه ملك روحي يسعدك ربي غجريه يبعد عنك الهم والحزن خيتي اليوم بكمل |
ما في ألم يا اخوان كلنا على الطريق الله يرحمها ويدخلها فسيح جنانه لكن ما ان نفكر ونقول سنكون مثلها اكمل بارك الله لك |
اه بجد معاناه وحزن الله يكون معك والله يخليلك اهلك والله لو امي يصرلها شي لموت حالي وراها يا سيدي الله يرحمها هم السابقون ونحن الاحقون |
اقتباس:
انت عم تحكي وكلامك مؤلم لا شك فيه وانا عارف حجم الوجع لكن راح فكري لبعيد عندك ناس بتتمنى لو اتظل امها عايش وتبوس رجليها وعندك ناس اعوذ بالله منهم لانو رح لذاكرة حادثه صارت عنا واحد سلخ امه بجرة الغاز فبضحك على الوضع بشكل عام مو قصدي والله انا حكيت قبل هيك انا ملازم امي وابي عطول ومش راضي اتركهم ابدا بدي اكسب الرضا وبعرف شو يعني ام واذا غابت الام انقطع الحنان كله اعتذر منك حقك علي |
لا حبيبي انت عزيز بس بمزح معك الله لا يحرم حدا من والديه |
الله يرحمها الوالدة ويخلي البابا واحبابك يارب متابعة يا غالي كمل ودي |
دخلت صف رابع كانت حالتي النفسيه صعبه ودايما سرحان ومش مركز لكن مع مرور الوقت والطفل بينسى بسرعه خلصت السنه لكن ما جبت نتيجه حلوه طلعت للخامس وبلشت اهتم بدروسي وحطيت امامي هدف لازم احققه وخلصت السادس والاعدادي بتفوق ملحوظ اخر يوم بالاعدادي بوداع الطلاب للانتقال للمدرسه الثانويه استاذ الانجليزي امام الصف كله حكالي انت مؤيد تعال هون اوقف وقفت حكالي نزل ايديك ضربني كف مرتب طلع الشرار من راسي وانا ولا حرف لاني ما عملت شي حكا يا شباب تعرفو ليش ضربته لانه جاب معدل 89 بالانجليزي وهو عقله اكبر من هيك الكف عشان تدخل الثانوي وتركز بالانجليزي وفعلا الكف جاب نتيجه دخلت اول ثانوي وركزت عالانجليزي وطلعت الاول عكل الصفوف بجميع الدروس واخدت درع التفوق الاول وحطو صورتي واسمي على اللوحه الاعلانيه للمتفوقين دخلت تاني ثانوي نفس الشي لكن بصراحه ما كنت احب اعمل علاقات صحبه كان يكفيني شخص واحد يكون صديق واخ ودخلت اخر سنه توجيهي علمي وكنت حاطط هدف اني اطلع من اوائل الضفه لكن تجري الرياح بما لا تشتهي السفن صار اجتياح لنابلس من قبل الجيش والكل بعرف شو صار بالاجتياحات وكان موعد الامتحانات والجدول مرتب حسب كل ماده باي يوم يفتح منع التجول اروح للامتحانات اكون عامل حسابي ماده تطلع ماده تانيه صار خربشه كبيره بالمواعيد المهم باختصار جبت معدل 95 % وما قدرت اخد منحه ودخلت الجامعه على حسابي الخاص يتبع مع الفصل الاخير الدارسه الجامعيه |
الكف بعمل هيك ؟؟؟ تبا للتربيه ليش مانعة الضرب هههههههه متابعة انا |
اسمى كف عن كف بختلف هادا كف تنبيه مش انتقام |
صحيح حبيب العمر الضرب بجيب نتيجه بنت خالي السنه هاي جابت 93 والله اكلت ضرب لشبعت |
اخي وسام شكرا جزيلا للاستضافه الى هنا بنتهي بعطي مجال لغيري تحيتي الك ولكل من تابع |
يعطيك العافية مؤيد وربي يجعل ايامك سعادة وبقولها اليك هالمنتدي خلاني اكسب اخ عظيم مثلك الله لايحرمني منك يارب وسام يعطيك العافية وعلي فكرة وسام توقيعك في منتهي الجمال عجبني كتير ودي |
| الساعة الآن 02:58 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.