|
ألطريق آلمبهم ... " ألطريق آلمبهم " http://www.bntpal.com/vb/img/bntpal_1422145877_108.jpg يسعد مساكوا الجميع، "العشاق" بأغلب الاحيان بواجهوا صعوبات ومشاكل بغض النظر إن كانت بسيطه او معئده، بس احياناً كبر الحب يللي بيكون بيناتون بيتغلب على هاي الصعوبات، واحياناً لاء لمن تكون الظروف هيي الاقوى، فكيف لو كل واحد فيهون كان من ديانه مختلفه؟! هدا هوي موضوعي لليوم .. مع إنه يمكن كل واحد فينا بيعمل حساباته إنه ما يوئع حاله بشي علائه مستحيله، إلا إنه الحب بيجي فجأه، وئتها ما فينا نمنعه، لإنه الحب "مشاعر"، الحب ولا بعمره ما بيتطلع هدا ديانته كذا وهداك ديانته كذا .. هل فعلا من حئ كل إنسان يعيش مع الشريك اللي بدو اياه حتى لو كان من ديانه مختلفه؟ ولا لازم يحترم العادات والتقاليد المجتمع اللي عايش فيه؟ وشو ممكن يعمل الانسان لحتى ما يفوت بهيك علائه خصوصاً إذا كان حاسس إنها علائه مستحيله؟ لإنه بيتعلئ كل إنسان وين عايش، مع إنه في ناس مفش عندون اشي إسمه مستحيل بقاموس حياتون، يعني ممكن يتغلبوا ع كل الاشياء اللي بتأثر ع حبون ويخلوه يكمل للنهايه .. وخلينا نفرض إنه الاهالي والمجتمع إتفهموا الموضوع ووافئوا، هل برأيك هيك حب ممكن يستمر وينجح؟ وإذا استمر شو نهايته؟ هل حياتون الزوجيه رح تكون ناجحه؟ خلينا نئول حياتون الزوجيه نجحت، شو مع موضوع الانجاب؟ يللي ممكن بأي لحظه يوصلوه .. يمكن الاغلب بعاد عن هيك موضوع وما بيفكروا، بس حابه اعرف آرائكوا :137: .. |
كلعاده سمره مواضيعك رائعه ومفضله عندي هل برأيك هيك حب ممكن يستمر وينجح؟ من هلناحيه م بعتقد انها تنجح لانو نجاح العلاقه مرتبط بأكثر من نقطه مو مجرد هو يحبها وهي تحبو خلص هيك العلاقه نجحت هو هيكون الو فكر وهي فكر تاني خالص ومستحيل يتلاقو م في دين شبه دين تاني وإذا استمر شو نهايته؟ طبيعي يكون الفشل الرجل المسلم مش هيرضى بأسلوب البنت المسيحيه والبنت المسلمه مش هترضى بأسلوب الرجل المسيحي مثلا هل حياتون الزوجيه رح تكون ناجحه؟ خلينا نئول حياتون الزوجيه نجحت، شو مع موضوع الانجاب؟ يللي ممكن بأي لحظه يوصلوه بلنسبه لانهم يصلو لحياه زوجيه مستحيله الا في حاله وحده لو كان المسلم الي فيهم قليل دين وم عندو دين نهائي غير بهويتي مجرد كلمه لانو متل م قلت كل واحد لالو فكرو وعقيدتو م بينفع يتخطى فيها الامور الحمرا وولادهم مثلا شو هيطلعو نصهم مسلم والنص التاني مسيحي ولى الاولاد مسيحين والبنات مسلمين هيك علاقات من منظوري استحاله تستمر وتنجح تحياتي سمره |
طبتِ صبآح ي انيقةة,,~ لآيوجد مستحيل ,, او لاينجح كل شئ يمكن ان ينجح ولكن ,, عندمآ يتنازل كل من طرفين عن بعض الاشياء ,, ,, سلمتِ يمينك ي فآتنةة ع هكذآ طرح قبلات الجوري لروحك |
ما رح جاوب ع كلشي رح اعطي وجهة نظر تلخص نوعا ما أجوبتي . . بدنا نميز بين حالتين : الحالة الاولى : عرب من اديان مختلفة عايشين بمجتمع عربي القانون ما بيسمح بهالشي و الدين ما بيسمح فيه وعقلية مجتمع كامل ما بتسمح فيه وحتى العرف يعني التصرف يلي كلنا متعارفين عليه رافض هي المسالة يعني عقولنا رافضة هيك مسالة اذا بدنا نحسبا : قانون + شرع + عرف + عادة رافضين التصرف ف نسبة النجاح = 0% . . الحالة التانية : عرب من أديان مختلفة عايشين بمجتمع أجنبي القانون بيسمح بهالشي و الدين ما الو قيمة وعقلية مجتمع كامل متقبلة الموضوع ومتعارف على الزواج من غير أديان و متعودين على هالقصص بدنا نحسبا : عرف + قانون + عادة متقبلين الموضوع ف نسبة نجاح العلاقة = 100% منستنتج أنو هي المسالة مسألة مجتمع و هالمجتمع هو يلي بيلعب دور بنجاح او فشل هيك حب مو الاشخاص وبما انو مجتمعنا رافض هيك شي .. فالمجتمع أكبر و أقوى من هيك حالات شخصية صغيرة و بيقمعها بسهولة وبما انو هيك علاقة ما رح تنجح اصلا ف ما في داعي اتطرق ل قصة الإنجاب وحابب قلك وجهة نظر شخصية المجتمع متل الطبيعة والبشر ما فيهون يقاومو غضب الطبيعة وشكرا لطرحك :136: |
بعتزر ع ردي المتأخر، اهملت الموضوع ئلة انتباه مني :137:، شكرا ع ابداء رأيكوا مشاغبه ايزل وسيم، حبيت فكر مشاغبه إنه مفش اشي مستحيل بالدنيا، ايزل، إذا فعلا برأيك هيك زواج مستحيل ينجح طب لكان ليش عنا بالشمال (عرب 48) كتير مسيحيه اخدو اسلام وصار عندون ولاد، ومبسوطين لإنون اخدو بعضون عن حب وقناعه ورضا الاهل، وسيم ومن كل تحليلاتك منستنتج انه المجتمع الغربي بيعرف يفكر اكتر من المجتمع العربي يللي لا بيفهم ولا بيشحر .. فينا نحل هيك مشكله حتى لو كنا متمسكين بالدين، مش ضروري نضل نتطلع ع الدين ع إنه مشكله، لإنه انا شخصيا بآمن انه ئد ما كانت المشكله "معئده" لا بُد يكون إلها حل لانه مفش مشكله بالدنيا مالاش حل .. كل الشكر ويعطيكوا العافي :137: .. |
بنسبالي كل الحلول بتقف عند الدين ولما اخلف انا ومسيحيه شو هنعلم اولادنا ؟؟ الدين الاسلامي ولى المسيحي ولى اعطيهم حريه الاختيار انا برأيي انو بيكون زواج فاشل جدا وم بيظبط لانو احنا المسلمين عنا عادات وتقاليد م بنقبل نغيرها الا لو كان الي تجوز مسيحيه هو بس مسلم بلهويه الحاجه الوحيده الي انا مستحيل اني اغلط فيها هي ديني لهيك بحكيلك انو زواج فاشل |
راح اختصر رايي انا كمان دام انو الدين محرم هيك علاقة اعتقد نسبه النجاح 0% لهيك بتصور احيانا ﻻزم الانسان يتحكم بمشاعرو اكتر ويستخدم عئلو كمان موضوع جدا يستحق النقاش طالما كنتي مميزة سمرة تحياتي لالك |
اكيد مش عم بطلب منك تصير كافر وتنسى دينك، بس اكيد في حل، فيها تتحول لدينك متلا وتصير مسلمه، هدا حل برضه صح؟ ومتل ما انا بعرف من معارفي الاسلام دايما بيحكولي انه المسلم بيئدر يتزوج مين مبدو لو كانت روسيه كمان .. شكرا :137: .. |
مزبوط كلامك ملك، بس لا بد يكون في حل للمشكله اذا استخدمنا العئل مع الئلب بنفس الوئت .. لانه بالنسبه الي فش اشي مستحيل وبعدين بيتعلئ وين انتي عايشه، البيئه يللي بيخلئ فيها الانسان بتأثر ع افكاره .. نورتي :137: .. |
علآقةة فآشلةة 100 % لـآزم الوآحد بس يدخخل علآقة يحسبهآ صح بعقلو !! ومآ فينآ نحكي قلبي يلي آختآر و هيكك قصص !! شآن هآي علآقة المفروض تككون دآئمةة مو شغلةة مؤقتةة :3 يسلموـو سمرة ع الموضوع ورده بآآي |
| الساعة الآن 02:28 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.