|
تقدر تعملها؟ السلام عليكم ورحمة الله وبركاته لنا فترة كسل بدنا نشغل العقل شوي وعلي فكرة نقاشاتي من واقع حياتي لفت انتباهي من فترة صديقة مقربة لي جدا اخوها مخلص هندسة معمارية وللاسف مفيش قبول ولا وظائف قبلته رغم انه قدم كتير ووسط الكلام قالت لي اخيرا اخي اشتغل فرحت الحمدلله التخصص حلو والله يسعده طيب شو اشتغل اخوكي شو تتوقعوا صدمت وذهلت اخوها اشتغل حارس لبناية يعني ينظف ويشطف وخلافه يمكن انا انصدمت مو لانه الشغل عيب او حرام بس ما توقعت هالشخص عنده جراة هيك واشتغل بهيك شغلة وكل شغلة شريفة اليها احترامها السؤال ؟ يا شباب الجامعات والتخصصات تقدر تعملها وتوافق تشتغل بهيك شغلة رغم تخصصك العالي تقدر تعمل بغير تخصصك حتي لو عمل ينتقده الناس وومن حولك كما عودتكم اجابات دبلوماسية ومش واقعية ما بحبها بدي اجابات اقتنع فيها منتظرة ارائكم واجاباتكم ودي |
وعليكم السلام ورحمة الله وبركاته طالما أنك طلبتي إجابة محددة بعيدة عن الدبلوماسية والفلسفة فما بعملها تحياتي لك |
بصراحة كل الاحترام للشاب يعني احكيلك شي الشباب هلا صارت احلامهم كتير بسيطة يمكن لانهم عارفين او مدركين انو وئتنا كتير صعب وانو تشتغل شغل يدر عليك معاش مرتب بدها حز وواسطة كمان اكيد الشباب اليوم بحاجة لمصروف يومي واحتياجات وضروري يفكر كيف يامنهم وما يمد ايدو لابوه او اخوه وهو خريج جامعة عنجد لو كل الشباب فكرو متلو كان اكيد نسبه البطاله خفت شوي وكمان متل ما حكيتي الشغل ابدا منو عيب العيب تكون رجال وفيك تشتغل اي شي وتمد ايدك لابوك او اخوك يسلمو ريما للطرح تحياتي |
العب بالمقصقص تيجيك الطيار انا هيك بقول من الاخر والشغل مش عيب |
حكاية صديقتكِ مثل حكاية أخي الكبير خلص من 7_6 تقريباً هندسة حاسوب وللأسف هلأ بيشتغل على شهادة الخبرة إلي خذها من أمكان أخر وبيشتغل في شغل المفروض أصحاب شهادات الدبلوم هما إلي يشتغلوه بكل صراحة أنا لو مكان الشب ما بشتغل هيك شغلة لو كانت شغلة أخرى في مؤسسة أو شغلة في أي مجال مش مهم تكون بنفس رتبة شهادتني لكن ما بشتغل هيك شغلة وأنا مخلص هندسة أما لو شهادة دبلوم ممكن أشتغل هيك شغلة مع إنو الشغل مش عيب مهما كان العيب الحقيقي تنتظر أعانات من حد نقاش جميل |
بعجبني هاد النوع من الشباب لو انا بعملها انا معي شهادة والا ما في يوم اشتغل عليها بس ليه اضل استنى الوظيفه ونفس رأي وسام العب بالمقصقص تيجيك الطيار مشكوره ريما طرح حلو للنقاش |
انا بحكي انهم يقبلو لانو الشغل مش عيب واليوم وبهالوقت ما في وظائف بصراحه قصه الشب اعجبتني وبحيه كل شب متلو |
الشغل مش عيب بأي شي ... بسس عتندي سؤال واقعي لماذ لا يتم تدريس مادة ( الباطون ، التنظيف ) في الجامعات الفلسطينيه..؟؟ علما بأن 90% من خريجين الجامعات بشتغلو في الباطون وهياتك عم تحكي بالتنظيف و حارس ليشش . !!! من عندي الواحد بدو يعيش و لازم يتحمل ويشقى و متل م بيحكو اكل العيش مر يعطيكي العافية ع طرحك الراقي تحياتي |
الشب بهالوضع اللي نحنا فيه رح يشتغل بأي شي لو كان معاه ماجستير لانه الاعدة والبطالة ما بطعمي خبز واللي عنده ولاد ما بهمه الشغل المهم المردود والدخل يناسبه هاد واقغ ريما الغلاء والشغل القليل خلتنا نشتغل باي شغل مع احترامي للشباب انا بحكي اللي عم بشوفه |
اسمعيني ريما الشغل بالعاده عمره ما كان عيب بس لوانا بمكان هذا الشاب وقدراتي الماديه لا تنحمل معيشتي او مسئولياتي باعملها بس باكون مضطره للشغل انما لو انا وضعي المادي كويس استحاله اعملها ودي واحترامي |
| الساعة الآن 10:27 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.