|
أنجلينا جولي تتبنى موسى.. طفل سوري لاجئ بتركيا http://www.turk-now.com/wp-content/u...2015/01/51.jpg بعد عدة أشهر من المفاوضات السرية نجحت النجمة “أنجلينا جولي” في الحصول على الموافقة واستكمال جميع الإجراءات القانونية بتبني طفل من سوريا توفي والداه في الحرب. وتعرفت جولي عليه خلال إحدى زياراتها مخيم اللاجئين، باعتبارها سفيرة الأمم المتحدة للاجئين والنازحين في وقتٍ سابق هذا العام الماضي. وحصل الزوجان على هذا الطفل من مجمع للاجئين السوريين موجود بتركيا، فيما سرد مسؤول الإغاثة تفاصيل انتقاء هذا الطفل قائلاً: لقد عرفت “جولي” بهذا الطفل من المترجمة الخاصة بها وعندما رآها “موسى” لأول مرة كان يبتسم بسعادةٍ كبيرة ولكن “جولي” لم تستطع أن تسيطر على دموعها، وقبل أن تصل إليه تقدم إليها وعانقها، وهي كانت حنونة وعاطفية معه للغاية، الأمر الذي أضحك الجميع رغم تأثرهم، بحسب ما نقلت “إيلاف”. يُذكر أن “موسى” سينضم لأبناء “جولي” و”بيت” الستة وهم مادوكس 13 عاماً، باكس 11، وزهرة التي تبنتها من “إثيوبيا” 9 سنوات، وشيلوه 8 والتوأم فيفان ونوكس البالغان من العمر 5 سنوات. تعليقي على الخبر: انو شو صدرت النا (التورة )؟صارو اطفالنا للبيع بالمال لمشاهير العالم لحتى يكسبو ع ضهرهن السمعة والشهرة وتزيد تخمتهن من الملايين من انجلينا وغيرها ولسى الجايي اعظم!! يمكن توفر لها الطفل كل وسائل الرفاهية وينصف ديكور ضمن خزانة مقتنياتها الثمينة لكن اي عقل وضمير ووجدان رح يتربى عليه وهو عم يتربى ع غير ملة الاسلام وغير اخلاقنا؟!! انا ما بدي احكي الا شو صدرت النا هيك (تورة)؟! لهي الدرجة القتل والاجرام والتشريد والتهجير وبيع الاطفال وحرمانهم من التعليم وهي تغيير ديانتهم؟ شو بقي كمان تصدرلنا هيك (تورة)؟! |
والله معك حق اختي ورده يسحبونهم إلى دينهم ولأجل الشهره يالله ترحم حال المسلمين وتعزهم واشكركي على غيرتك بأخوانك المسلمين ونعم المرآه انتي |
انجلينا جولي مو بحاجة للشهرة لحتى تستغل الطفل موسى هاد اول شي مو دفاع عنها اكيد بس دفاع عن انسانبتها وحروبنا ودمنا المسفوك ما نعلئو ع شماعة حدا نحل مشاكلنا ونوفر لاطفالنا اقل حقوقهم وبعدين نحكي انا عجبني كتير الموضوع وعجبني تعليقك بس موضوع انو عم تستغل الطفل للشهرة بصراحة انا ضدها نقبلي رايي تحياتي |
لكل الحضور الاكارم التقدير والتحية ملك انا ما علقت على جولي وعملتها شماعة القي عليها بنتائج التورة انا كلامي و موضوعي وتعليقي بهدف محدد شو ياللي وصل انو اطفالنا اصبحو يتبنون ضمن صفقات هي بيع وشراء مو الثورة؟! للي لسى الى الان بيتغنوا بهيك تورة وبعدين مين جاب سيرة انسانية جولي هي سفيرة الامم المتحدة اولا واخيرا فاكيد اختاروها لانها ممثلة مشهورة عالميا فهي انسانيتها موجهه من خلال دورها بالامم المتحدة كسفيرة الهن اما حياتها الشخصية فلا انا ولا انتي بتقدري تحكمي على انسانيتها وتعاملها فعليا خلف الكاميرات لهيك ما بتقدري تعطي تقييم لانسانيتها مع احترامي لوجهه نظرك انا نقلت خبر لحتى برهن اثر من أثار التورة على شعبنا شو ضل اكتر من بيع اطفالنا لحتى يربو على غير دينهن ومذهبهن؟ وللي لسى الى الان في ناس بتتعاطف معها شو استفاد الشعب السوري القتل والتخريب والدمار وضياع جيل كامل والغاء عروبة اطفال بهالشكل والغاء دينو شو ضل ؟ مين اللي بيتحمل نتيجة هاد كلو مو النظام والتورة؟! التنين بنفس السلة من الاجرام سوا! مو المهم انجلينا ولا غيرها من المشاهير المبدأ ليش لحتى اطفالنا توصل لهالوضع؟ مو من هيك تورة!!! تحياتي . |
مرحبا من جديد الموضوع مثير ولكن من وجهة نظري طبيعي جدا وما في اي شئ حتى ورح احكيلك ليش طبعا رح احكي بالعاميه لحتى توصل معلوتي بشكل منيح احنا بنشوف نسبه كبيرة من المواقف ضد هيك عمل من اجلينا جولي وهي بالاصل ليست بمسلمه لسى هاد الخبر والعمل اهون من الي بصير بمخيمات الاجئين من تجار الزواج الي بيقطع بلاد لحتى يوصل المخيم حتى يتزوج بنت بعمر الزهور لمدة لا تزيد عن شهر او شهرين وبعدها يطلقها وكم المهر شئ رمزي وين المسلمين بالاردن حصلت بتركيا بلبنان وين ما كان اصبح اللاجئ السورس سلعه للمسلم قبل الغربي فقبل ما نلوم الغرب على اعمالهم نلوم فئه من المسلمين واظن الكل سمع هاي الاخبار وحالات كثيرة تم مقابلتها وحكو عن نفس المعانه بنات لا تتجوز اعمارهم ال 20 سنه اصبحة مدمنت تدخين بسبب شو ؟ فأنا بشوف انو هالخبر طبيعي جدا لا وجود لثورات بعد هذا الدمار بكل البلاد العربيه حتى بتونس شعلة الثورات كانت ثورتها فاشله مع احترامي للجميع التوانسه لان جميع الثورات التي حصلت لم تنجز اي هدف ما راحت الا على الي انقتلو فيها وبالنهاية العارضه تربعت على كرسي الحكم والوزارات وبالاصل لم يشاركو بالثورة الا من الخارج لو تكلمنا عن الثورة ليس هناك ثورة الا بفلسطين فالهدف واضح كوضوح الشمس حتى التشريد الي طالنا والتهجير كان بكرامه وشرف اعتذر عن الاطاله لكن ليس لانها مشهورة نثير الموضوع ومن خلفها مسلمين من ابناء جلدتنا يمارسون افضع من هيك ودي |
انا معك وردة ليلكيه انو الثورة والنظام كان ضحيتها الشعب اوﻻ واخيرا ومين انا لاحكم على انجلينا جولي او غيرها بالعكس انا كتير مزعوجة انو اطفالنا وصلو لهيك حل بس سواء اختلفت او اتفقت معك عنوان موضوعك تبني انجلينا جولي للطفل يوسف وتعليقك بالاخر انها تبحث عن شهرة وهاد سبب تبنيها للطفل طيب بدي اسالك سؤال ما كان من باب اولى للحكومات العربيه انها تتبنى اطفال سوريا وفلسطين الامارات بليله راس السنه انفقت ملاييين الملايين على العرض الي عملتو براس السنه ما كان الاطفال اولى بهيك اموال وبلا انجلينا جولي او غيرها ع كل حال سواء الثورة او النظام احنا وصلنا للحضيض اسفة للمداخله التانيه تحياتي |
بالضبط ملك روحي وهاد الي لازم ينحكي الحكومات العربيه او المسلمه حتى ان صح التعبير انها تتولى هاي الامور لولا في تقصير لما جاء الغرب ليضع بصمته ليبين للعالم انه بصورة السلام والمزيف احسنتي السؤال بصراحه |
والله خيو من الئهر يعني اطفال غزة وسوريا بالبرد والتلج عايشين بخيمة ومن تحتهم انابيب نفط رايحة لامريكا واسرائيل بجد وضع ببكي الحجر وازا انجلينا جولي شفئت ع طفل ﻻجئ انشالله العالم كلو يصير انجلينا جولي |
ام الانسانية والطيبة والحنان والله ما نفسي الا العرب يصيرو يتعلمو من صرمايتها الانسانية وين البقرة امير قطر ولا الامارات يروح يشوف احوال اللاجئين سواء السورين او الفلسطينين الي في لبنان مش فاضين لهيك كلام وابو مازن ع راسهم مش هو اولى بشعبو سوريا ورئيسها كلب ابن كلب ومش قادر يطلع من جحرو طيب ابو مازن الي دوبو يروح باريس وامريكا وين دينو هاد يا شيخ لعنة الله علي كل رؤساء العرب والله ما بدها الا وتقوم هالقيامة والكل يرتاح ويريح |
اعتذر عن المداخله نتكلم عن طفل سوري واننظر في تركيا هذا الخبر الذي احضرة الاخ ادم الاعب التركي الطفل الي اشتراه برشلونة ب 3 مليون دولار |
صحيح انها غير مسلمة لكن الشي يلي عملتو احسن من مليون عربي مسلم . خصوصا نحنا بنعرف انو في ناس معهم مبالغ مالية بقدرو ياخدو ولاد ايتام ويربوهم ، بس م في من هالشي . ولانها سفيرة للامم المتحدة ، الدول العربية او الاجنبية ما بتمنح هاد المكان الا بسبب صفات موجودة بالشخص بحد ذاتو . ومع هيك نحن شعوب بنصفن ببعض وبنصفق للغربي يلي ببادر لهاد الشي وازا العربي فكر يعمل نفس الخطوة . بحكولك شوفة حال ، أو بمسكو وانت معهم ومع امور سياسية غير مقبولة . وكمان شي نحن يلي وصلنا شعوبنا لهالامور في موت مقدر ومكتوب ولاسباب من عند الله . ومها موتة من فعل البشر متل يلي صار بالعراق وسوريا وغزة بغض النظر عن المجرم يلي استنزف دمهم بشكل بارد . الله يجيرنا ويعينا صار شعبنا محل للشفقة مو اكتر . يسلمو وردة ع الموضوع . عوافي |
لك الله ي سوريا لهيك وصل حالك الكل هلاء بيحاول يعمل انو الخير وانو كويس عشان ينال شهره وشو راح يكون وضعو هلطفل المسلم في بيت م في اسلام وم في تربايه متل م اهلو كان هيربوه عنجد لكٍ الله تحياتي |
بسم الله الرحمن الرحيم بداية الشكر للجميع ولوردة التي قدمت الخبر وانا اقول رأي بكل صراحة قبل الدخول في الرد كي يفهم الجميع موقفي السياسي من تورة بلدي بشكل خاص انا ضد النظام وضد المعارضة( عنوان رئيسي لقناعتي السياسية \ ضد الاثنين \ (كلهم في سلة تخريب وقتل واجرام ) اقول : لا زلنا في مشكلتنا الكبيرة نحن امة لا تقرأ اولا ولا نختار توقيت القراءة المناسب ولاالغاية مما نريد من قرائتنا تلك ولازلنا متسرعين جدا جدا بقرائتنا وثانيا ان قرأنا لا نقرأ بهدوء وتمعن وتفكير لما نقرأ ولا نعي ما نقرأه بشكله الصحيح فكيف ستكون النتيجة لهذه القراءة ؟.! تأكيدا بمفاهيم مغلوطة لما يريد الناقل او الكاتب ان يوصله لنا من طرحه للموضوع الموضوع برمته يرمي الى مضمون عريض وكبير ( نتائج هيك تورة والباقيات الاتيات منها بكل يوم وبكل ساعة) الموضوع لايرمي لشخصية جولي وانسانيتها ولا عدمها \ ولا اسباب هيك تورة ولا مسبباتها هنا الموضوع واضح النتائج المريرة والمدمرة للشعوب من تورات القتل والدمار لهيك امة بالعام وبالخاص لسوريا وكل خبر صغير او كبير ناتج عنها انسانيا مؤلم وواقعه مرير ويدمي القلب يجب ان يذكرنا ولا يحبطنا ولا يضعف عزيمتنا من اظهار ولو كسرة صغيرة من الحقيقية واسترجع اقوال والدي وامي وتعليمي وبحثي واطلاعي الشخصي الخاص واسقطها هنا بردي على الموضوع بان الاقوال الشعبية للزمن القديم (قالوا الاولين \ ما تركوا شي الا قالوه ) واغلبها بمثابة رد على الاحداث \ واعتقد ان قسما منكم يعلمها واريد التذكير بها امامكم : منها : الرمد اهون من العمى الجلوس تحت الوكف اهون من الجلوس تحت المزراب والوكف بعاميتنا ( الرطوبة الزائدة في فصل الشتاء على الجدران ) اللي ما الوه كبير ما اله تدبير فليفتش عن كبير وامثلة واقاويل عديدة كلها تصب في شيء : اعرف عدوك اولا قبل ان تحاربه وتقوم عليه بثورة تنعكس نتائجها عليك سلبيا وكل منكم ان يكون قاضيا ويضع النتائج بكفة الميزان وليعمل جردة حساب مؤقتة لما صدرته هكذا تورة وثانيا من لايعرف التاريخ والدين ( بشكله الحقيقي ) والجغرافيا يجب ان لايتحفنا بتنظيراته التي لايرى فيها بعدا حقيقيا للامور الا من خلال زاويته الضيقة بما يحمل من ثقافة وعلم ومعرفة لعلوم الانسانية في جميع مجالاتها قلنا لهم ثورتكم محقة بالاهداف الرئيسية لها ولكن .! التوقيت غلط والطريقة غلط والاسلوب غلط تعلموا من الجيل القديم جيل ابائكم واجدادكم وخذوا منها العبر واضرب هنا مثلا كما يرويه لي والدي ومن خلال بحثي المتواصل في التاريخ وعن تاريخ رجالات سوريا وسوريا ام الانقلابات السياسية في العالم العربي كانت المؤامرة تحاك ليلا في بيروت باحد الغرف المظلمة للانقلاب وباوامر من مخابرات الاتحاد السوفيتي سابقا او المخابرات الامريكية ومن يديرها من اليهود ( اقصد هنا جماعة الانقلاب تابعين اما روسيا حاليا او لامريكا ) تبادل المصالح على الارض والدول هي القطع التي يتلاعبون بها وتنفذ تلك المؤامرة فجرا في دمشق . ثلاث مراكز اساسية لفقدان اي سلطة وحكم في سوريا وباي بلد يشابه سوريا القصر الجمهوري الاركان العامة الاذاعة والتلفزيون تطوق هذه المراكز من قبل العناصر المسلحة في الجيش والتي تخضع لامرة قادة الانقلاب وتخرج الدبابات من معسكرات قطنا التي تبعد عن دمشق ساعة فجرا الساعة الواحدة تتحرك باتجاه دمشق وتطوق تلك المراكز وتجبر جميع قاطنيها على الاستسلام باقل الاضرار البشرية والمادية وفي الساعة السادسة صباحا يعلن الراديو خبر الانقلاب وتصدر قيادة الانقلاب بياناتها المتلاحقة وتخضع البلد كلها الى الحكومة الانقلابية المركزية في دمشق وقلة من المحافظات في الساعات الاولى ترفض الانقلاب وسرعان ما تهدأ الامور بالتراضي مع من يرفض الانقلاب او بالقوة العسكرية لاسكات رفضه الان ممكن يقول لي احدهم : ان الظروف والامكنة والاوضاع ومصالح الدول وظهور العولمة في زمننا هذا مختلفة عن ذالك الزمن اقول كلامك صحيح وسليم ولكن ارمي من كلامي بالتذكير واستخلاص العبرة منه (العبرة من التاريخ ومن تصرفاتهم واعمالهم هي الهدف من التذكير ) اسف لاني اطلت الرد بسرد ولو جزء صغير على اكمال الصورة للموقف العام وهناك الاف الاف القصص وكلها ترمي بالخاص وليس العام وديننا الاسلامي دين الجماعة كلها وليس دين بعض من الناس يجبرون الاخرين لتقبل افكارهم وارائهم هنا تسقط الانانية الفردية مقابل الجماعة وتطفو المصلحة الجماعية من العيش المشترك اشكرك وردة لتقديم صورة صغيرة جدا جدا من ملايين الصور المؤلمة لنتائج الاحداث الجارية في سوريا ملاحظة : انسانية جولي من منظور الامم المتحدة لاتعكس حقيقية الامر عن الشخص المعني وانا من المعجبين بجولي تمثيلا في افلامها .! وهي الان مصابة في مرض الجدري وادعو لها بالشفاء ليس كونها مسيحية ( بل انسانة ) ولجميع مرضى المسلمين والمؤمنين وجميع مرضى العالم ( انسانيا وليس دينيا او مذهبيا او عرقيا ) شكرا للجميع تحياتي |
شكرا جزيلا لكل الحضور يالي ناقشوا الامر من زوايا الحقيقة المختلفة الاخ وسام الامير انا ما عم قود هجوم على انجليناانها بتنال شهرة من وراء هيك عمل انا بتكلم عن حالة عامة لنتائج هيك تورة الطفل السوري ليش ليصير سلعة تباع وتشترى باي صورة بالتبني وخصوصي بحالة الطفل موسى ياللي رح يتحول للديانة المسيحية!! او بالصورة ياللي ادرجتها حضرتك بتعقيبك وانا ما ذكرتها بتعليقي لحتى ما يفهم البعض ان الموضوع هجوم على الدول العربية او استجداء لمشاعر العطف او الشفقة على شعبنا مابدنا شفقة من احد وخصوصا كل من كان له يد باللي جرى في سوريا وخلي دولارهم تنتفع فيه نسائهم فقط بالمكياج اللي بيصرفوه اميراتهم وقصصهم العاطفية ونزواتهم البهيمية اللي بيمارسوها في العالم مع الغير مع الاجنبي وكل ياللي بيصير من انتهاكات لكرامة شعبنا من قبل العرب و الغرب واستغلالهن من قبل الغرب لدعوات سلام مزيف متل ما حضرتك قلتو في تعقيب الك سببه واحد الثورات العشوائية والانظمة المتخلفة اللي بتتحمل نتائجها شعوبنا وما منتوقع من كروش الخليج او اي مواطن عربي وعيه مغيب وضميره ميت انو يتعامل مع اللاجئين على انن اخوة الو في العروبة والاسلام لهيك مظاهر الاستغلال الوسخ كلها موجودة لكن شو ياللي وصل المواطن السوري الى هيك نتائج؟ هاد كان الطرح مو جاية لاناقش انسانية جولي وياللي عملتو منيح ولا مو منيح ولا شو دوافعها الشخصية الموضوع اكبر من جولي القضية قضية شعب كامل يا سادة لا يا ملك مو متل ما قلتي يا ريت كلنا نصير جولي من منظور انسانيتها فشرت هي وغيرها بتلميع صورتها الانسانية اعلاميا نكون متلها !!! لكن نحن ما بيقول المتل (الفرنجي برنجي) منصير منصفق الهن شو ما عملو وناسيين انو اساس الوضع هو مطابخ سياستهن واللي افرزت زرع الصهاينة بفلسطين وتمزيقنا كل ممزق وعم نستجمع كل قوانا هلأ لندافع عن انسانية جولي يا امة ضحكت من جهلها الامم ايمتى بدنا نفيق بس! تحياتي للجميع. |
بلظبط هادا هو الكلام السليم مين الو مصلحه بهيك شي عم يصير ولسى بيصير سوريا كانت من اجمل الدول وارقاها مين م كان نفسو بس يمشي من جنبها يشم ريحتها وانسانيه انجلينا جولي ؟؟؟ عنجد بتحكو هاي الامريكيه الي بتعمل كل هادا عشان بس نقول ي الله م احسنهم الامريكان طبعا مهي ممثله عنهم ومزال اعجبنا بشي هي قامت فيه طبيعي هنعجب بشعبها وحكومتها الي هما اساس وراء كل كارثه عربيه ع العموم انا قلتها لكٍ الله ي سوريا الحبيبه وان شاء الله بينفك كل شي بيصير معها وحسبنا الله ونعم الوكيل بكل واحد الو دخل فيها وبتنتصر بلنهايه |
الاخ ادم بتشكرك لحضورك خيي والحكام العرب اغسل ايدك منن مو فاضيين هدول مقاولين سياسة الملفات بتتمرر الهن وهنن بينفذو وبيقبضوا التمن هنن ادوات بايد الكبار فقط تحياتي لالك خيي. |
ظل شكرا جزيلا الك خيت انتي صدقتي لما قلتي لنو الامر لما بيوصل لشي عملتو شخصية من الغرب منوقف ومنصفق الها مبهورين نحنا فيهن للاسف وهنن اصل البلاء في الدول العربية كلها من الخليج للمحيط . تحياتي الك خيت ولمداخلتك القيمة. |
آنآ كتير بحترمهآ ع الأقل مو مسلمةة و بتتعآمل بـ آنسآنيةة عكس البعض من المسلمين آنجلينآ بهنيكي ع آنسآنيتك النآدره و آخلآقك الرآئعةة يسلمو وردة ع الموضوع |
الاخ الماجيك شاكرة الك مداخلاتك خيي وان شاء الله سوريا الشعب رح تنتصر مو النظام المجرم ولا المعارضات العميلة كلهن بنفس سلة الاجرام وان شاء الله فلسطين بتتحرر وهي كانت بشارة النبي صلى الله عليه وسلم والنصر قريب بإذن الله والحمد لله ع كل حال. |
جمال شاكرة حضورك وتعقيبك وما بقي الي شي لحتى اقولو بعد ردك. تحياتي الك. |
سمايل ننوش شكرا لحضورك خيت بس حاولي تقرأي الموضوع وتدققي في المضمون منيح ..نحني ما عم نهني جولي بانسانيتا الفذة نحني عم نسأل شو ياللي وصل اطفالنا لوضع التبني من قبل جولي او غيرها وهالطفل موسى مثلا على شو رح يتربى على مبادئ الدين الاسلامي ؟! هالثورة هي شو جلبت للشعب السوري؟ هاد كات التساؤل المطروح مو تهنئة لجولي ع تبنيها للطفل موسى ! تحياتي الك خيت. |
اقتباس:
وآنـآ عملت ككومنت من بآب محبتي لهيك إنسآنةة و لو ركزتي بكلآمي حكيت هي مو مسلمةة بس آخلأقهآ آحسن من البعض من المسلمين يعني لو في مسلم عندو هيك إنسآنية مآ آجآ حد من الغرب و تبنى الطفل يلي حكيتو آختصآر لـ النقآش بتمنى فهمتي قصصدي ؟ !! |
خيت مو قلة مسلمين عم تساعد السوريين نحن هنا في تركيا الكثير من الاتراك والمسلمين عم يساهمو اهل الخير ما انقطعو لكن الاعلام عم يسلط الاضواء على مين؟ وعلى كل الشعب السوري مو مستني من انظمة عربية معروف مين بيوجهها اي عون وهي سبق وقلتها . انا بعرف انو لجولي الها معجبين كتير وبعرف انو من باب اعجابك فيها كتبتي التعليق بس انا مو موضوعي جولي ولو اني المثال ياللي طرحتو جولي مو القصد انو ياللي عملتو شي انساني او شو هدفها انا بتكلم على وضع الشعب السوري جوهر القضية بذاتو مو المثال المطروح الطفل موسى او غيرو شو ياللي وصلو لفقدان والديه شو ياللي وصل هالطفل لوضع التبني تشريد لالاف الاطفال ويتمهن والقتل والتهجير ياللي وصلنا الو مو من ورا الثورة هاد اللي كنت بدي اوصلو توضيح جانب بسيط من نتائج الثورة على شعبنا السوري فياريت الموضوع ما يتحول للحديث عن جولي او ما ارادته جولي من تبني الطفل انظرو لوضع الطفل وكثير من الاطفال ياللي رح يتحولو عن ديانتهن بسبب التبني من الغرب مين ياللي وراء هالشي. شكرا لالك سمايل ننوش ولمشاركتك النقاش خيت بتمنى انا كمان كون وضحت لالك صلب موضوعي شو هو. |
اقتباس:
الاحترام للجميع سواء مسلمة او غير مسلمة شوبهن المسلمات الحق كنت بتمنى تقولي على الاقل عندها ذرة انسانية وبتتمني تكون جولي مسلمة ومعتنقة الاسلام وبتتمني تكون عزيمة المسلمات بعزيمة ( انسانية )جولي لاني بالاخر المسلمات الشريفات الحرائر لو بتعيش جولي بكل انسانيتها مئات السنين ما بتصل للمراءة المسلمة التي زكاها القرأن شكرا الك سمايل واسف وردة لتدخلي بالرد |
الاشي يلي خايفة منو هوا دين هاد الطفل المسلم شو رح يصير فيه رح يصير مسيحي كثلوكي او شو !؟؟؟ اسئلة صعب الإجابة عنها عوافي لروحك |
تماما عشق هاد جزء من المأساة لهالطفل ولكل طفل رح يتبنى من قبل عائلات غربية مو بس يتم وتحويل ديانة وتفكير وشو اثر هالشي على نفسيتو؟ هي جانب من جوانب مؤلمة افرزتها الثورة تحياتي لإلك خيت وشاكرة حضورك وتساؤلك المهم. |
فهمت ورده ليليكيه شو مضمون موضوعك وآنآ برجع بحكي مآ فيني آحكي رأي بـ موضوعك لأنو مو بس بدي آتفلسف بشي آنآ مبعرفو :( بعتزر الك لأنو طلعت من صلب موضوعك ^^ آخي سفير آنآ مسلمة و آضفر آصغر مسلمة بيسوى كل بنآت الغرب بس كآن قصدي أوصل انو انسآنه متلهآ ومع انهآ مو مسلمة تصرفت بأخلآق لآزم مسلمة تعمل هآد الأشي وآخر شي آنآ بعتزر لأنو دخلت نقآش آنآ مو قدو لـ أحكي فيه ^^ تزكرت شغلة والله مره بـ الجآمعه حكينآ أنآ و آصدقآئي عن انجلينآ وقتهآ شو حكيت الهم يـآريت تصير مسلمةة ^^ |
سمايل اهلا وسهلا فيكي خيت ومرحب فيكي دوما خيت باي وقت ما صار شي خيت اللبس هون بالموضوع صار مع اعضاء قبلك خيت ركزو بجولي ونسيو ما وراء جولي وكان الامر مثار نقاش مو اكتر ربي يوفقك بدروسك وبكل امر تحياتي لإلك خيت . |
اقتباس:
وحتى لو كنتي غير مسلمة انتي الك شخصيتك كا انسانة وانا احترمها واقدر وعلى راسي من فوق ايضا واعتذارك لا اقبله و بزعل منك بجد لانك بتعتذري انتي ما اعملتي اي شيء غلط \ لاسمح الله هو ابدأ رأي معين بوجهة نظر معينة ونقاش عام \ ليش لاضايق والحمد لله انك وصلتي اللي كنتي بتعنيه وبتقصديه واللي انا بسياق اللغة بكتابتك للرد قرأته غلط هلق انا رمزيتي لبراد بيت لاني بحبه للمثل هادا ومن اشد المعجبين بجولي لانها زوجة براد ورمزيتي السابقة لجولي وبراد \ههههه واشكرك جدا جزيلا لتحمسك للمسلمات وانتي منهم وهو كلام كله صواب واوافقك الرأي \ اني رغم المصاب الاليم للدول العربية عامة وسوريا خاصة ( بموضوعنا هادا ) كان الاجدر بالعربيات وعلى راسهم الاميرات وسيدات الاعمال والمشاهير منهم يحسوا بمعاناة اطفال فلسطين وسوريا والعراق ويكونوا فعلا سفيرات فوق العادة من تلقاء انفسهم بس للاسف \ لايمتوا الى روح الاسلام بصلة الاسلام يا سمايل هو روح الجماعة وليس الفرد اشكرك جدا جزيلا لمداخلتك وتوضيحك الاحق ودائما الاختلاف هو دليل صحة وعافية طبعا الاختلاف بالاراء وما تاخد الصاحب الا بعد مشكلة معه \ههههههههه هادا متل والان انتي الاخت والزميلة والصديقة اتشرفت بك وبفكرك وان شاء الله تدوم المحبة والود والتاخي بين الجميع هنا بالصرح العظيم وخارجه ايضا شكرا الك تحياتي اسف وردة للرد بالموضوع هنا |
بتعرفي تعقيبا عالكلام. نسيت شغلة انو هو مسلم وهية مسيحية وهاد طفل ونحنا بنعرف الكل يولد على فطرة الاسلام . ابواه يهودانة أو ينصرانه ..... يعني حال الولد ؟؟؟؟؟؟ . الله اكبر عشعوبنا .... شي بحرق الدم اقسم بالله . واعذروني اني رجعت بالتعليق بس هلا الموضوع رجعت قراتو مرة تانية لو بدي اتعامل مع الموضوع . بالانسانية ما فينا انكرها .. بس ورا هالشي كارثة يعني يمكن يجي غيرها ويتبنى هدول الايتام وبوقتا . علينا السلام . تحياتي ~ |
اقتباس:
مو انو هل هي لفتة انسانية لما لاء من جولي تغيير الديانة لهالطفل واتخيلي بقى لو صار قسم من اطفالنا بيتم تسليمهن وبيعهن لمشهورين او حتى غير مشهورين من الغرب؟! رح يتركوهن دينهن ويحولوهن للمسيحية بفعل التنشئة والتربية غير الاخلاق والعادات ياللي رح يكتسبوها منن وهاد الشي المأساوي ياللي كنت بثيرو في تعليقي ع الخبر وهي نتيجة ومصيبة في آن معا ع الشعب السوري من ورا (التورة) مو الثورة! شكرا لإلك ظل ولتعقيبك ونفاذك لعمق المضمون من الخبر تحياتي لإلك خيت . |
اقتباس:
هي حرمان الاطفال من حق التعليم بتعرفي ظل هي السنة الخامسة \ بدون تعليم تصوري شو راح يجي جيل علينا وشو راح نفتخر فيه جيل القتل والاجرام من اكبر الجرائم بتاريخ الشعوب تمنع حق التعليم للاطفال كيف بدو يقرأ القران ويتعلم تعاليم الدين الاسلامي وتاريخ الاسلام الحقيقي والسيرة النبوية الشريفة وكيف بدو يتعامل مع الطرف الاخر ويجاريه في بناء الحضارة الانسانية كيف وكيف .؟ عم يدور بذهني الان كيف نيرون حرق روما وكيف حرفوا التوارة والانجيل وكيف تيمور لنك وجنكيز خان اجتاحوا الحضارة العربية كلها واحرقوا الكتب والمعالم واغرقوا دجلة والفرات بالكتب ويقال ماؤهما تحول الى اللون الازرق والمرحلة التي عاشتها بتلك الفترة الامة العربية دراسة للتاريخ والتذكير وكم مرت على الامة من تفتت وتشردم ودويلات صغيرة وقبائل وكيف اصبحنا الان وحالنا الان وصدق من قال التاريخ يعيد نفسه \ نفس النتائج لاجتياح المغول والتتر والان نتائج اجتياح ثورة الياسمينة الزرقاء التي تجتاح الامة العربية وستتوارث الاجيال اللاحقة موروثات الجهل والقتل والاجرام بدل ان تنال العلم والعلوم والمعرفة وتنافس بها بقية الامم شكرا لك ظل واكرر اسفي لك وردة للمداخلة الجانبية شكرا لكما شكرا للجميع تحياتي |
لا تعليق النقاش لحالو بخلينا نعرف ليش و كيف وصلنا لهون :136: |
واقع ......؟! ههههههه شكرا جزيلا لتعقيبك المختصر والمعبر تماما وسيم تحياتي لإلك. |
هاي الانساينة بعينها وبتذكر وقت الحرب ع غزة اوزيل تبرع بقيمة الجائزة لاطفال غزة احنا ما بنحكي عن المصاري احنا بنحكي عن المواقف بذاتها عوافي وردة ع النقل |
ونعم الإنسانية نبض بعد كل الحكي وبعد لسه بتحكي بانسانيه جوليتحويل مسلم لمسيحي وتشريد شعب بيع الأطفال لجولي وغيرها قمة الإنسانية ههههه ع كل شكرا الك لكل رأيه وبشوف الموضوع من منظور و الخا ص والله خلق لكل إنسان عقلية بالتفكير تحياتي |
| الساعة الآن 10:21 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.