منتديات بنات فلسطين - حياتنا عبارة عن كذبه..!!

ما حدا يقول انو ما فيحدا بيكذب على حدا الكل بيكذب على كلو كل واحد كذبته شكل وتعال تفرج

التاجر بيكذب على زبونه ( بضاعتي نظيفة وماف متلا بالسوق وسعرها فيها ) وبيكون نص حكيه كذب والتاني مكشوك في امره

الحكومة بتكذب على الشعب ( رح نعملكم معامل ونفتح مدارس وجامعات ورح تعيشه برفاهية وتشوفا احلى سيارات ) كل كلامهم كذب بس شغلة وحدة صدقوا فيها السيارات اخر موديل راكبين فيها

الخطيب بيكذب على خطيبته ( انتي احلى ست بالدنيا رح اعملك عقد من نجوم وابنيلك قصر على القمر يا قمر ) كل كلامه كذب بس شغله وحدة الي صدق فيها انو عملها البحر طحينة وبنالها قصر بالهوى

الرجال على مراته ( بكرة الحال بتعدل ورح جبلك كل الي ما بدك اياه ولبسك من اغلى اللولو يا لولو )

كل كلامه كذب الا انه صدق بشغلة وحدة رح يجبلها ايل ما بدها اياه تعرفو شو هي ( الي عم تشكي منه

الرجل الصالح على الناس ( اتقوا الله في اموالكم اتقو الله في السنتكم اتقوا الله في اعمالكم )

وبس يروح على البيت ابوكم على ابو الي جابكم

البخيل ( ما معي طفران جوعان من وين بدي جيب ) بنص اللي بيركض على الغرفة ركض بيعد الفلوس الي بالخزنة اذا كان ناقصها

الست الي بتقول لصاحبتها ( انا جوزي يحبني وجوزي ما بيجرحن وجوزي كذا ) وبالصدفة بتمر من طرف البيت بتسمع جوزها وهو عم يضربها فلقة

الشاب الي عامل حاله مليونير وبيعلق نص بنات الجامعة بسيارة رفيقه وسجاير اشتراهم بالعدد مو بالبكيت هيدا مو كذاب

تاجر بيهرب من الضريبة هيدا مو كذاب

واحد حرم اخته من الميراث هيدا مو كذاب

وشو عدلكم من الكذب تا عدلكم

ولسه الحبل على الجرار ولما قال غوار نعمل عيد للكذب لازم نعمل عيد للكذب