منتديات بنات فلسطين - كانت لابسة اسود

منتديات بنات فلسطين (http://www.bntpal.com/vb/)

- - كانت لابسة اسود (http://www.bntpal.com/vb/t32975/)

كانت لابسة اسود

https://fbcdn-photos-b-a.akamaihd.ne...41371324b3cd47

اسود ...
كانت لابسة اسود
بس كانت كأنها فراشة
عم تطير من الفرح
شعرها عم يضحك
عيونها عم يغزلو حكي
كلشي فيها كان عم يضحك
وورى هالشي كلو كان في حب
عم يحكي للدني ... وخوف ... وحزن !
كانت واقفة عم تشع نور
وعيونها بس عليه
وشو كان هو حلو
اول مرة بنتبه قدي هو انيق وحلو
كأنو كان عم يجاري رقتها وجمالها
هو واثق من حالو بيعرف شو بدو
بدو كلشي
اما هي مابدى الا هو
دائما كنت شوفها واقفة لحالها
حس انها ناطرة حدي
كتير سألت حالي
شو قصتها
و شو ناطرة
طلعت ناطرتو
لما انتبهت وفهمت
فرحت فيها
حبيتا ... زعلت عليها
حسيتا بتشبهني
لو بيفهم الرجال معنى
انو بنت تلغي حياتها وتنطروا
كان حارب الدني ليوصلا.

حبيت المعنى
تحيتي

لو بيفهم الرجال معنى
انو بنت تلغي حياتها وتنطروا
كان حارب الدني ليوصلا

معنى فعلا رائع
كتير حبيتها

لروحك الكوثر

مرورك احلا ملك
فعلا معنى جميل
والأروَع مُرُورِكـ ..

امم بحب الحكي اللبناني

بحسهم بحبوا من جوا قلبهم

بس من وين هالكلام الحلو ؟

انتقاء راقي كصاحبه

زعلتني عهيك حلم

:136:

اقتباس:

المشاركة الأصلية كتبت بواسطة الملاك البريئ (المشاركة 1084825)

امم بحب الحكي اللبناني

بحسهم بحبوا من جوا قلبهم

بس من وين هالكلام الحلو ؟

انتقاء راقي كصاحبه

الارقى مرورك خيتي ملاك
فعلا كلامهم حلو متل كلامنا
هما اهل الشام تقريبا نفس اللهجه
اشكرك لمرورك

اقتباس:

المشاركة الأصلية كتبت بواسطة وسيم (المشاركة 1084830)

زعلتني عهيك حلم

:136:

المره الجاي
بحلم حلم احلا منه ولا تزعل
ههههههههههه
حبيبي يا زميل

ما يهمك هاد حلم ما قبل النوم
حلم ما بعد النوم فايت احضرو

يلا تصبح على خير زميل رايح استانف الحلم
فنحن أحياء و باقون وللحلم بقية

تصبح على تحقيق الأحلام :136:

بساطة المعنى
واستخدام اللهجة العآمية
ف الكتابة رآئع واوصلت
لنآ ما تريده هذه الكلمآت

انتقائك ك أنتَ جميل ..

كلمات جميلة جدا

وانتقاء مميز

عوافي