|
حبيبتي مريم شرف لالي اكون ضيفة مايك المنتدى وكتير حبيتو لتشبيهك ههههههه يسعدك ربي اكيد راجعة لاكون معك بس تكة لاخد نفس اول هههه |
اهلا وسهلا بضيفنا الجديد ملك روحي شرفتي ونورتي المايك شكرا مريم على الاختيار الرائع تحياتي للجميع |
لعفو اخي صمت |
يسعدك صمت الشرف لالي اكيد |
بدايه حابه اعرفكم ع حالي انا اسمى من رام الله برج السرطان عمري 21 سنه فيكو تحكو بنت كتير عاديه بدرس صحافة واعلام حلمي اكون مذيعة بشي محطة للاذاعة وكان الي اكتر من تجربه باذاعات لناس صحاب ويمكن هاد الي شجعني ادرس صحافة اهم صفاتي متل ما انا بشوف حالي عنيدة وعصبيه كتير بس بسرعة برضى وبهدا بعمري ما بكره حدا بس كمان ما بسامح بسهوله حتى لو حاكيتو للي ازاني عايشه مع بابا وزوجتو واخي الزغير اخوتي وخواتي عايشين برة البلد بس اخت وحدة لالي هون وهي بحاجة لدعواتكم الجميع لي عودة~~ |
بحب الرياضة كتير وكنت امارس اكتر من رياضة متل كرة الطائرة وااسباحة وشاركت بكتير مباريات وبسبب هوايتي ضافت وزارة التربيه ةالتعليم ع معدلي 5 علامات وهالشي كان من الامور الي اسعدتني جدا هلا للاسف ما بلعب شي الا طئ الحنك ههه وانو احترف اللعب وافوت بشي فريق لكرة الطائرة فكرة مرفوضة عند الاهل اكلاتي المفضله غير اكل المطاعم ههه ورء العنب والبيتزا والمسخن اللبناني ع فكرة انا طباخة كتير شاطرة و السلطة الي بعملها بتحدا اكبر شيف يعمل متلها بس ما بطبخ كتير من النوع الي بحب اعتمد ع حالي بكل شي وبتحمل مسؤؤليه يعني بالمختصر زلمة وئت الحاجة هههه |
اختيآر جميل كَ جمآل الضيفة سأكون متآبعة شكراً |
حابه احكيلكم شي يمكن لاول مرة احكيه تاريخ ميلادي 20/7 تاريخ وفات امي 20/7 لهيك انا بكره هاد التاريخ مووت ومن 6سنين ما بحتفل بعيد ميلاد وفات امي كان نقطة تحول بحياتي تحولت من بنت مدلله لبنت مسؤؤله لفترة عن البيت لحد ما اتزوج لبابا وبعدها اخدت دور جندي بجيش الدفاع لمواجهة الضيفة الجديدة الي فاتت عيلتنا هههه بس الحمدلله فترة ومرت علاقتي باخوتي كتير ئويه وخاصة حبيبي محمد وهو اخي الي اكبر مني وهو الي جاعمني معنويا وماديا ههههه عن عيلتي ما ضل شي احكيه لهون بكفي هلاء بس افكر بشي جديد راجعة هههه |
حبيبتي ميناس يسعدك شو انك زوء |
ملكٌ روحي ,, كنتٌ اتمنى اعرفٌ عنكٌ لآني بجدٌ معجبة بشخصيتكٌ يآرب تكونٌ ايامكٌ كلها حلوةة عشقٌ موضوعكُ جدآ رائع متآبعةة,,ْ |
| الساعة الآن 12:14 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.