|
حبيبتي ربي يسعدك وانا اشتئتلكم اكتر وربي منورة ي عسل |
اقتباس:
يسعد مساكي ملك، اول اشي بحييكي ع هيك موضوع لانه انا شايفيته جرئ ومش اي حدا بيئدر يشارك فيه، وبما اني انسانه صريحه رح اصير اشارك فيه، بس ما بعرف اذا الاعضاء هون بيتئبلوا الصراحه، وتاني اشي انبسطت كوني اول شخص اجا ع بالك وحبيت صراحتك باللي حكتيه عني، انا قسم النقاش اكتر قسم بحبه ويمكن الاغلب ملاحظين هدا الاشي، بس حسيت انه كتير بصير جدالات بين الاعضاء وانا محبيتش اوجع راسي لهيك انتئلت ع قسم تاني وئتها، وبالنسبه للشغله التانيه اللي حكتيها اني بشاركش يمكن هون انتي غلطانه، صحيح انا بفوتش كتير بهالايام بس قسم النقاش بالذات اول قسم بفوت عليه لمن افوت ع المنتدى، اما إذا قصدتي عن غيابي، فكلامك بمحله، مزبوط بطلت فوتت زي اول ومش عاجبني هالاشي وبرضه محبيتش كيف كنت مئصره بالاشراف كمان، لهيك طلعت من الاشراف، بس مش بإيدي لانه اوئات بتصير ظروف مع الواحد بتجبره انه يغيب، ع كل حال انا صرت عم بفوت اكتر من ئبل إذا انتي ملاحظه، وان شاء الله بفوت كتير من اليوم وطالع، وتشوفيني دايما بقسم النقاش، يسعدك ملك :137: .. |
حلو يسلموووو |
حبيبتي سمرة بحكو العتب ع ئد المحبه وانا لانو من الناس المعجبه فيكي وبحب تواجدك افتئدتك بصراحة ارائك ع طول بتعجبني وبتلفت نزري وغالبا بقتنع فيها وبحسها واقعيه كتير بتمنى تضلك متواجدة لانك بنكهة القهوة بمنتدانا وبتمنى بجد الاعضاء يتفاعلو بالموضوع لانو منو لحل نزاعات شخصيه فقط للعتب والاصلاح فيما بينهم هاي النيه مشكورة حبيبتي ودوووم منورة |
اقتباس:
|
تسلميلي ملك، الله يسعدك، انا ولا مره بزعل من خواتي وانتي متل اختي وكل الصبايا اللي هون، واي ملاحظه تانيه شايفيتها بشخصيه كعضه فالمنتدى احكيلي اياها لإني انا إنسانه بتئبل آراء غيري حتى لو كانت سلبيه، لإني بآمن إنه الانسان يللي بتئبلش اراء غيره او حتى الانتقادات يعيش حياته !! وان شاء الله دايما بكون عند ظنك وظن الكل، ويسعد مساكي .. / رح ابلش بهمستي الاولى، رح اوجهها لمديرنا الغالي الطيب "امير القلوب"، انا من الشخصيات المعجبه فيك هون، لإنه شخصيتك بتلفت النظر "فالبساطه والتواضع" يللي انت فيهون، وهالصفتين من احلى الصفات يللي ممكن ينوجدوا بالانسان، ووبرضه تعبك ع المنتدى كتير كبير واكيد الكل ملاحظ هالاشي، وانا شخصياً بقدر يللي بتعمله، لإني بحسك بتتعب من ئلبك، الله يئويك ويزيدك عافي خيا، بس ولا مره شفت مشاركاتك بالاقسام، ولا مره ئدرنا نفهم او نعرف اشياء عن شخصيتك حتى لو اشي بسيط، او حتى صور لانه في مواضيع صور هون واحياناً الصور بتعبر، مش ضروري دايما نحكي ونعبر بالكلمات عن شخصياتنا، فليش ما بتشترك؟ يمكن ظروفك ما بتسمحلك واكيد رح نقدر ونحس معك بس مش حلو ما بتشارك بالمره، حلو نحس بوجودك كعضو متلنا بشارك كل يوم مش بس نحس بوجودك كمدير، وانا متأكده متل ما انا حابه اعرف طريئة افكارك اسلوبك فالتعبير والصور وكل اشي برضه الكل حابين متلي .. وحكيت كل هالحكي لإنه شخصيتك مميزه، فكيف بالمشاركات؟ اكيد احلى، واكيد مش رح تزعل مني لإني صريحه، وكل اللي حكيته طالع من جواتي، والله يسعدك :137: .. |
اهلا اهلا سمرة همستك هلا راح ابعت رابطها لامير القلوب ليتم الرد عليها نورتي ي عسل |
همستي التاليه لصديقتي مريم انا ومريم تربطنا علاقة او كانت تربطنا علاقة اكتر من رائعة ولكن لسبب ما اجهله مريم عم تتجنبني وما بتحاكيني ولولا انو بعزك مريم كان ما همني الموضوع بس لانك انسانه بعتز بصداقتها حابه اعرف ازا صار موقف شي مني زعلك مني ؟ تحياتي لالك |
اقتباس:
ندخل في صلب الموضوع انا ليش أتجنبتك من يوم كان مسابقة الصور تبع الشباب ساعتها انا قررت ابعد عنك على الاشي يلي صار بعرف انو ما بيمسني بس خلاني أفقد ثقتي فيكي و انا صعب ارجع اثق بحدا و انا زعلت لانو ما حبيت أنتهيتم حطي بهيك موقف و بس بس مع الايام أتأقلم و حكيت يا بنت حرام هاي صديقتك و غيرت فكرتي و ما اتجنبتك يمكن غيابك و غيابي عم المنتدى كان ما يخلي إلنا مجال نحكي عالعموم انتي صديقتي و لسانك هيك و انا كثير بحبك يمجنونة و اقسملك انو انا مثل ما عرفتني و يلي فات مات و نحنا اولاد اليوم http://img.ta7a.net/imgcache/2013/12/380432.jpg |
وانا كمان بحبك ويومها فهمتك الموضوع وكان سوء فهم بدي تعرفي انو خسارتك ابدا مو طلبي بالعكس انا كنت مبسوطة بصداقتي معك وحابه تستمر وتكون ائوى كمان ونبدا صفحة جديدة دبه شو رايك؟ |
| الساعة الآن 12:34 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.