|
قصة الصباح .. (زريف الطول) أسعد الله صباحكم بــكل أمل أحبتي اليوم وفي هذآآ الصباح الباكر سأروي لكم قصة الصباح وهي َ قصة ( زريف الطول ) https://fbcdn-sphotos-b-a.akamaihd.n...4e9f60426f0acb ********************************** زريف الطول كان نجّار وغريب عن القريه ، كان اسمه فلسطيني ، بس طوله كان سبب اسمه ، زريف الطول كان خلوق ما برفع عينه في امرأه ، وكان يشتغل عند أبو حسن ، وأبو حسن يعطيه أجرته كل أسبوع ، وزريف الطول كان ما يعرف وين بروح بأجرته ... المهم وبلا طول سيرة بنات القريه كانن بغزلن حواليه وهو ولا هوه هون ، مرت المختار فصلت نمليه مشان تلفت نظره لبنتها ، وام خليل مرت خطيب جامع القريه فصلت عنده صندوق (اواعي) وحكتلو عن بنتها ، حتى الخطيب نفسه لمح للموضوع بس ما في فايده... بالمختصر : زريف الطول مش تبع نسوان..... في يوم هجموا قطعان اليهود على القريه واستشهد 3 شباب ، ثاني يوم غاب زريف الطول ورجع بعد 4 ايام ، بس رجع بالليل ، وما حدا شافوا ، بعد شهر رجعت قطعان اليهود وكان زريف الطول مشتري 5 بواريد وزعهن على شجعان القريه ، ويومها قتلوا 6 يهود .. ثاني يوم القريه قامت وقعدت ، النسوان باعن ذهبهن مشان الشباب تشتري بواريد وتدافع عن حالها وقريتها وصاروا يغنوا : " يا عربي يا ابن المقروده بيع أمك واشتري باروده " .. رجعت قطعان اليهود توخذ بالثأر وحصلت معركه مثلها ماصار وهرعوا الناس كبار صغار وفي كروم التفاح ريح الثوره نسّم وفاح ، يومها استشهد شباب كثير بس خسائر القطعان كانت أكثر ... الشباب وأهل القرية جمعوا الشهداء ، زريف الطول مش معهم ، وزريف الطول مش مع اللي بقوا عايشين كمان .. بس الكل حلف يمين انو شاف زريف الطول قتل أكثر من 20 يهودي ، وكان يطخ ببارودتين ، وهو اللي سحب عمار وجهاد أولاد الأرملة من ساحة المعركه وهم جرحى والرصاص زي زخ المطر فوق رأسه ... وطول الليل القريه دورت بالمشاعل على زريف الطول بس فش فايدة ما بين الو أثر ... ومرت الأيام وصار زريف الطول اغنية القريه .. مرة يغنوا " يا زريف الطول وين رايح تروح بقلب بلادنا تعبقت الجروح" ومرة ثانية يغنوا : " يا زريف الطول وقف تاقولك رايح عالغربه وفلسطين احسنلك " المهم مرّت الأيام ، بعد خمس سنين إبراهيم الحلاق حلف يمين انه شاف زريف الطول مع عز الدين القسام في احراش يعبد ، وجهاد ابن الأرملة بقول شافو مع الحنيطي بدرب الثوار بيافا ، اكيد مهو مش غشيم عنو ... !!! وكثير ناس حلفت انو كان ببورسعيد مع المقاوم جول جمال .. وعلى الوصف ناس شافوه بالكرامه على نهر الأردن بفجر دبابة بعد ما قطعت النهر ... وكان بسوق الغرب في اجتياح بيروت ... بس آخر مره شافوه.. كان بغزه.. طلع للقطعان من نفق ..رمى صلية صواريخ على تل أبيب ورجع على الخندق .... - عرفتوا مين هو زريف الطول !!؟ - زريف الطول هو كل مقاوم وكل ايد قابضه على السلاح وسبابتها على الزناد ... يـــارب وأنت الذي لا يعجزك شيئ أسألك فــي هذه الجمعه أن تباعد بيننآ وبين قلة الحيلة وأن لا تسكن العجز صدورنــآ ~ صبــاح الفل والياسمين لأحلى وأجمل وجوه بالدنيآآ ^___^ |
حبيتْ القصةة تبعتوْ وتعريفكْ لً إلنآ بٍهآ شخصيةة رائعةة ،, م كنتْ بعرفْ هالششي ^^ ، طرحْ رائعْ وصصبااحكْ سُكررْ ^^ |
من اروع ماقرات قصة جميلة اشكررك غاليتي مودتي |
يا هلا خيتي غجرية أسعدني مرورك الرآئع هنآ ووجودك الأروع ويسعد مساك يا حلوة .. لا تحرمينآ كلتك غاليتي دمت بحفظ الله |
حبيبتي دانية الله يسعدك يارب أسعدني تواجدك الجميل هنآ في متصفحي فلقد أنرتي المكان بطلتك دمت بهذا الرقي ي رآقية |
| الساعة الآن 08:49 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.