|
شكرا الك lonely heart على الموضوع الجميل واللي فيه حرتقئة خصوصيات ههههههههه قبل ما اجاوب \ بدك تسألي وردة ههههههههه امهليني بس شوية صغيرة وبرجع مع العلم قبل ما اجاوب بدي اعرف عن اي غرفة نوم اجاوبك في بيتنا اللي اتدمر بحلب والا غرفة نومي في الضيعة والا غرفة نومي هنا بقونيا بتركيا اختاري وبعدين بجاوبك هههههههههه تحياتي الك lonely heart شكرا |
بما انك ذكرت ورده أكيد صار عندي فضول أسألها ههههههه انا مش عارفه شو أختار شو رأيك تحكي عنهم التلاته وان ما قدرت عادي اختار أي وحده انت بتحبها اكتر بانتظارك :) |
اولا شكرا لاستضافتك الي بهي المساحة لونلي ورح جاوبك على التلات غرف بحلب والضيعة وقونيا أي الألوان تفضل في غرف النوم؟وما لون غرفتكـ؟ في حلب والضيعة كان اللون الابيض ، في قونيا اللون السكري هل تفضل ان تكون غرفتك متدرجة اللون للون واحد/أم عدة الوان؟ بفضلها لون واحد بس منسجم مع السقف والارضيات والفرش والتدرج يكون هادئ. هل تستخدم اضاءه جانبيه [اباجوره]وماهو لونها ان وجد؟ في حلب اي كنت بستخدم اباجورة كان لونها بني والاضاءة اصفر، الضيعة مافي اباجورة في قونيا لونها احمر والاضاءة بيضا هل للشموع مكان في مملكتك[غرفتك النوم]؟ في حلب كانت الشموع موجودة بالرغم من اضاءة الطوارئ المنتشرة على كامل البيت في الضيعة ما كان في شموع في قونيا في شموع بغرفتي. أهم شي لازم يتواجد في الغرفة في نظركـ؟ شوية كتب ضمن مكتبة صغيرة وطاولة صغيرة مع كرسيها وهي كانت موجودة في غرفتي بالضيعة وفي حلب مع الغصة اما في قونيا ما في كتب شي في غرفتكـ ومو عاجبكـ ؟ شي تتمنى يكون موجود؟ ما في شي بحلب والضيعة لكن بقونيا بتمنى كل الاشياء اللي كانت بحلب والضيعة كان عندي عود وسلة ومضرب تنس وشوية سيارات صغيرة في مكتبة غرفتي كلها احترقت وبقت بقايا رماد. ماذا يوجود فوق الدولاب,وتحت السرير؟ بحلب لا يوجد شيء في الضيعة بياضات الغرفة واهمها مخداتي هههههه في قونيا شنط السفر وشنطة اللاب توب وبس. لون ستارة غرفتكـ؟ في حلب بني فاتح ومطرزة بشكل فخم، في الضيعة زيتي (اخضر زيتوني) في قونيا ابيض. ماهو ستايل غرفتك/مودرن أم كلاسيك؟ في حلب ميال للكلاسيك ،في الضيعة سرير عادي ، في قونيا مودرن والغرفةالافخم في حلب طبعا. تفضّل السيراميكـ ولا فرش في غرف النوم ؟ وغرفتكـ سيراميك ولا لاء؟ في حلب غرفتي بلاط شحف قريب للمرمر ومفروشة بسجادة في الضيعة بلاط عادي مفروشة بسجاد في قونيا الارضية خشب باركيه مستطيلات معكوسات بتجانس حلو والافخم كانت غرفتي بحلب هون بقونيا كل المنازل ارضياتها خشب باركيه وفي بعض المؤسسات بلاط عادي. كم دِرج في الغرفة؟ ما في بالاماكن التلاتة . هل للالعاب القطنيه والدمى وجود بغرفتك[دباديب] ؟ فيها المخدات بس هههههههه أكثر شي تحبه في غرفتكـ؟ مخدتي ههههههههه تحب تقضي معظم أوقاتكـ في الغرفة؟ولماذا؟ في حلب قبل النوم بساعة في الضيعة بالليل بقضي وقت طويل بقونيا اغلب وقت بقضيه في غرفتي في الليل اكتر من النهار. ترتب سريركـ لما تصحى من النوم؟ في حلب لا ، في الضيعة وقونيا نعم موترتيب نهائي لا بد من انو الوالدة تمر وترتب مرة تانية . دولاب ملابسكـ مرتب ولا نص نص؟ بحلب والضيعة مرتب ، بقونيا لا قوضى هههههههههه بس لمسات الوالدة و وردة ما بيتركوها فوضى ابدا هههه الأشياء اللي ما تستخدمها إلا نادرا وين تحطها؟ حسب نوعية الاشياء، بحلب كان لكل غرض مكانه وفي الضيعة كان في شوية فوضى بقونيا في دولاب البسة وطاولة وخزانتين بحط فيها بعض الاشياء، والاكثر تنظيما كانت غرفتي بحلب. تغيّير أماكن الأشياء بين وقت وآخر؟ بحلب لا بالضيعة صار وبقونيا لسى ما غيرت. أقدم شي تحتفظ فيه بغرفتك ما هو؟ في حلب بارودة صيد عينتين (جفت) او كسرية صيد لجدي كانت ، نحاسيات من بودابست سيارات قديمة (تحف مكتبية) بقونيا لوحتين لقونيا قديما ورقصة المولوية في علاء الدين جيب لنا صورة غرفة نوم عجبــــتكـ,ولو تجيب صورة غرفتكـ يكون أحلى<<< هي مودرن متل غرفتي بقونيا https://scontent-a.xx.fbcdn.net/hpho...f5&oe=5508387B هي متل غرفتي بحلب https://scontent-b.xx.fbcdn.net/hpho...21&oe=54D4E1EF شاكر لك تقديمك الموضوع الجميل والاستضافة للاعضاء اللي سبقوني والاعضاء اللاحقين واتمنى لك وللجميع دوام العطاء في المنتدى. |
اتأثرت بالاشيا يلي انحرقت وكانت بغرفتك أكيد كانت اشيا عزيزه عليك خاصة انها كانت قديمه وبتعنيلك كتير وما ممكن تتعوض انت متلي أكتر شي بحبه بغرفتي مخدتبي هههههه غلبتك معي بس اتحملني انبسط باجاباتك الحلوه وزوءك الراقي نورت موضوعي جمال شكرا لك لروحك السعاده |
رجعنا من جديد والان يشرفني استضافة عضوه من أعضاء منتدانا المميزين ضيفتي هي وردة ليلكيه تفضلي غاليتي افتحي باب غرفتك وعرفينها على خفاياها |
شكرا لالك لونلي ع الاستضافة وبيشرفني طبعا جاوب ع الاسئلة كلها الي رجعة بالاجابات خيت تكرم عينك خيتو |
أي الألوان تفضل في غرف النوم؟وما لون غرفتكـ؟ بحب الجدران لونها ابيض ولون غرفني لون ابيض هل تفضل ان تكون غرفتك متدرجة اللون للون واحد/أم عدة الوان؟ بحبها لون واحد متدرج وم بحب وجود اكتر من لون في الغرفة هل تستخدم اضاءه جانبيه[اباجوره]وماهو لونها ان وجد؟ عندي اباجورة ع طاولة الدراسة لونا وردي هل للشموع مكان في مملكتك[غرفتك النوم]؟ فيها شمعدان بالجدار وقت انقطاع الكهربا ان حصل بستخدم الشموع ياللي فيه. أهم شي لازم يتواجد في الغرفة في نظركـ؟ اطلالة الغرفة المريحة ونظام الاضاءة وتناسب حجم الاثاث ولونه مع الغرفة ولون الجدران. شي في غرفتكـ ومو عاجبكـ ؟ شي تتمنى يكون موجود؟ كل غرفتي الحالية يقونيا مزعجة ماني رضيانة عنها تماما بتمنى رجع غرفتي بحلب اكتر شي بتمنى انو يكون موجود كتب الهندسة ياللي فقدتها طاولة الرسم الهندسي والمساطر المزهرية الكبيرة الها ذكرى عندي اختارتها امي الله يخليها ويحفظها يا رب والبدوب الكبير ياللي كان ع السرير كلو راح صار رماد بسبب الحرب الحمد لله ع كل شي. ماذا يوجود فوق الدولاب,وتحت السرير؟ بغرفتي الحالية في بياضات ومخدتين اضافيات لون ستارة غرفتكـ؟ ابيض كل ستائر البيت بقونيا ابيض ماهو ستايل غرفتك/مودرن أم كلاسيك؟ بحلب كان مزج بين المودرن والكلاسيك لكن كان اقرب للكلاسيك بقونيا غرفتي مودرن تفضّل السيراميكـ ولا فرش في غرف النوم ؟ وغرفتكـ سيراميك ولا لاء؟ غرفتي ارضيتها خشب باركيه مفروشة بسجادة دائرية كم دِرج في الغرفة؟ م في دراج في غرفتي هل للالعاب القطنيه والدمى وجود بغرفتك[دباديب] ؟ أي في دباديب تلاتة بيضا فرو ع السرير بحطن أكثر شي تحبه في غرفتكـ؟ سبق وقلتلك ماني كتير راضية عن غرفتي الحالية بقونيا لكن بحب اطلالتها تحب تقضي معظم أوقاتكـ في الغرفة؟ولماذا؟ مو دايما بقضي غالب وقتي بالغرفة بس وقت بفوت ع المنتدى او وقت النوم. ترتب سريركـ لما تصحى من النوم؟ اكيد ول شي بعملو لما بفيق برتب سريري وبهتم بترتيبو مني حلوة اترك فراشي فوضى بعد ما فيق من النوم هيدا طقس صباحي صار ههههه دولاب ملابسكـ مرتب ولا نص نص؟ مرتب دائما بكره الفوضى بشكل عام ودايما برتبو بشكل دوري الأشياء اللي ما تستخدمها إلا نادرا وين تحطها؟ في درج خاص بالخزانة او فوق الخزانة وياللي اصبحت ما بتلزمني بوزعها ما براكم الاشيا بغرفتي تغيّير أماكن الأشياء بين وقت وآخر؟ أي من وقت للتاني بغير بس هون بقونيا لسى م غيرت ولا مرة أقدم شي تحتفظ فيه بغرفتك ما هو؟ نوط موسيقى قديم وصوري وانا طفلة مع اهلي وخيي دفتر مذكرات لالي وانا ببداية المراهقة هههههه جيب لنا صورة غرفة نوم عجبــــتكـ,ولو تجيب صورة غرفتكـ يكون أحلى<<< هي عجبتني فيها شبه من غرفتي الحالية بس مو تماما http://www.kitchenandfurniture.com/w...-furniture.jpg |
اطلالة الغرفة المريحة ونظام الاضاءة وتناسب حجم الاثاث ولونه مع الغرفة ولون الجدران اكيد كل هدول امور مهمه لانهم بعطوا راحة نفسيه اطمنت عليكي طلعت غرفتك مرتبه ههههه حلو انك محتفظه بدفتر مذكراتك لهلأ أجابات حلوه حبيبتي أسعدني وجودك بمتصفحي بتمنالك السعاده والتوفيق وان شاء بتهدأ الاوضاع بسوريا وبترجعولها للأسف ما ظهرت الصوره عندي باقات من الياسمين لروحك |
يشرفني استضافة المشرفة الرائعه والمميزه ريما غزه اتفضلي حبيبتي خدي مفتاح الغرفة وعرفينا على غرفتك |
يسعدني أن تكون ضيفتي التاليه المشرفة المميزه والرائعه بحضورها همسة اخساس اتفضلي حبيبتي خدي مفتاح الغرفة وعرفينا على غرفتك |
| الساعة الآن 07:47 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.