منتديات بنات فلسطين

بحضن البحر

بحضن البحر ..
تهت مع صوت لهدير الموج ..
وقمرا تضم سكون الليل ..
ودمع يسيل على طاريك ..
وقلبٍ يرتجف بالحيل وهو يناديك ..
تبي تعرف أنا من كنت ؟؟
كنت الحلم والبلسم ....
تبي تفهم منهو إنت ؟؟؟
إنت الضيم والعلقم ..
تعال إسمع .. سوالف لبعض الحياة ..
سوالف لبعض الحكي اللي فات ..
سوالف لصوت الأمل خلف السكوت المرتكي مثل الممات ..
تعال إسمع لصوت البحر ..
وركز زين في صوته ..
تدري ليش ؟؟
لأنه يشبهك بالحيل ..
يشبه منك أطباعك ..
يشبه منك صفات الغدر ..
وملامح خنجرك اللي بوسط الصدر ..
بحضن البحر ..
تهت مع صوت لهدير الموج ..
بأول صفحه من الفجر ..
يغيب البدر ..
وصورة حلمي اللي إنتثر على أمواج البحر ..
كل القهر ..
مثل ما ينتشر على بيض الورق سواد الحبر ..
وكلي صبر ..
أقولك شي : تراني عايشه بدونك ما بين الناس ..
وميت فيني الإحساس ..
مجرد خربشة قرطاس ..
بدونك إنت ..!!!
أبد ما كنت .. ولا تكونت ..
على فكره :
أبي أسألك سؤال صغير ..
في بالي ومالقيت له تفسير ..
سؤال كان .. ويمكن صار .. ويمكن بأي لحظه يصير ..؟؟
ليش لا صار للحلوم وجيه تعرف التعبير ..
وصار لها حدود أشكال تشبه حواف البير ..
وتعانقها مع أصوات الأماني حنين آمال بجناح الطير ..
بدون أسباب ننهيها ؟؟
نحولها حطام وأرواحنا فيها ؟؟
ونقفل عليها باب ..
نضيع قفلها بصحرى .. بعمق تراب ..
شلون يعيش ؟؟؟
شلون يعيش ؟؟؟؟