|
أمن السلطة يعيد مستوطنين احتجزا من قبل المواطنين بنابلس تمكن أهالي بلدة قصرة جنوب مدينة نابلس شمال الضفة الغربية ، أمس ، من احتجاز مستوطنين إسرائيليين خلال هجوم نفذه المستوطنون على البلدة ، قبل أن تتدخل أجهزة أمن السلطة الفلسطينية وتسلمها للاحتلال . وذكرت مصادر محلية أن مجموعة من مستوطني مستوطنة " ياش كودش " المقامة على أراضي قرية قصرة جنوب نابلس ، هاجمت القرية ، وتصدى لها الأهالي ودارت مواجهات بين الطرفين . وأضافت أن الأهالي تمكنوا من احتجاز أثنين من المستوطنين المعتدين لما يزيد على نصف ساعة ، قبل أن يتدخل الارتباط الفلسطيني ويقوم بإعادتهما للاحتلال ، |
الا يوجد لدينا مرجعيه تحكم بكتاب الله وسنة نبية الكريم وهو اساس كل ما يعنينا للحفاظ على الارض البعض منا رضوا بالدنيا فضربت عليهم المهانه والمذله ولم يعد لهم الغيره على شعبنا انه حقا وجع يؤلمنا جميعا وكأن دماء الصهاينه النتنه هي عند السلطه اغلى من دمائنا التنسيق الامني من طرف السلطه فقط لا غير اما الصهاينه ما بسلموا اي صهيوني لهيك سلطه ولم اسمع او اقرأ انوا سلموا اي شخص منذ اتفاقيه اوسلوا الله يعينك يا شعبنا ان كنت بالداخل او بالخارج مشكورة على نقل الخبر الوطن والغربه |
مش عارف من وين بتجيبو الخبر هاتو الموقع اشوف الاخبار |
اقتباس:
التنسيق الامني فقط من طرف السلطه فقط لا غير فيك تعطيني اسم صهيوني داخل سجون السلطه لكن انا بعطيك الاف من الشعب الفلسطيني تحتجزهم الصهاينه في سجونهم هل هذا هو اتفاق اوسلوا المزعوم من طرف واحد ومقدس رغم انا لا انتمي لاحد لكني فلسطيني وطني متل غيري تحياتي الوطن والغربه |
الخبر صحيح قرية قصره بتبعد عنا شي 10 دقايق ربنا يكون بعون هالشعب |
الله يحميهم الفلسطنية بكل مكان والله دايما مشرفيناا بس ردي بالنسبة لقيام السلطة بارجاع المستوطنين تقريبا هادا دور دبلوماسي لازم السلطة تلتزم فيه ويعطيكِ العافية نبض ع النقل ..~ |
اهلآ وسهلآ ب الكل يعني أظن هيك خبر ما بتكذب لأنه مش شي سري او بتخبئ ومش اول مره يصير والحكي هنا مش كذب يا أخ فادي ويا ريت تتأكد بنفسك الوطن والغربه أقلآم مبعثرة آنرتم يا سادة |
أنيقة ما حدا بالسلطة طلع اعترض ع استشهاد شبابنا وبس تعتقل اسرى محررين هادا دور دبلوماسي !؟ آنرتي يا جميله |
انا معك بهالنقطة بس مش معقول يجي ابو مازن يحكي للناس اعتقلو او يسكت ع هالاشي بتعرفي هيك راح تلاقي كل العالم بتنقلب علينا وبحكو ارهاب ابو مازن من جواته راح يكون بشجع بس من برا لازم يدين وهيكاا |
هاي كلها سياسات ومعروفه يعني لو ابو مازن امر بقتلهم او ضلهم معتقلين هالمستوطنين شو كان صار بالدنيا هاي سياسة اكبر منا شفتي شو صار وشو رح يصير لا تستعجلوا على القدر والنصيب ورداتي |
ههههههههههههه وبدكم ربنا ينصرنا عليهم كيف بتصيرش مشكوره كثير علي المتابعه |
هههههههههههه وحياتك انا مش عارفة كيف ان كل ما لاقينا يهود ضايعة بنرجعهم لاهلهم ومشكور للحضور مؤمن |
ما تلومو السلطة في اتفاقيات وبعدين لو صار اي شي للمستوطنين راح يدفع اهل القريه التمن ما بدها فلسفة الشغله احنا شعب محتل شئنا ام ابينا ربنا يحلها من عندو عوافي نبض |
حسبي الله علي هيك سلطة التنسيق الامني مش جديد عليهم ابومازن نفسه حط ايده بايدهم ما نقول الا متي هالفئة الضالة كلها تروح وماعاد نشوف حدا يتاجر بشعبه ودمه مشكورة نبض |
اقتباس:
شي مضحك اتفاقيات فاشله لا تسمن من جوع وبدين من 66 سنه ونحن ندفع الثمن وما زلنا ندفعه حتى الان كل يوم الشعب ان كان بالقرى او بالمدن بيدفع الثمن لكن الى متى هل ليبتلعوا الارض كامله ويهجروا الفلسطينيون داخل الخط الاخضر ويهودوا القدس لبناء الهيكل كما يزعمون ونقول نحن تحت الاحتلال الاحتلال في جميع بلدان العالم زال فقط بثورات شعبيه متماسكه وليس بأتفاقات وهميه من طرف واحد هنا وهناك الوطن والغربه |
اقتباس:
التنسيق الامني من طرف السلطه لا غير لو المستعمرين القوا القبض على اشخاص فلسطينيين داخل مستعمرة هل نتنياهو سيترك سراحهم لا اعتقد ذلك من المفروض ان يكون السن بالسن والعين بالعين والباديء اظلم هكذا تتحرر الاوطان الوطن والغربه |
انا معك الغربه والوطنبس انتو ﻻزم تفهمو طبيغة الضفة كل بلدة حواليها مستوطنات ناس عزل احنا هون مو بغزة |
الله يرحم عرفات واتذكر مقولته المشهورة عندما كان محاصرا خيوره بين الاستسلام او الشهاده فقال لهم شهيدا شهيدا وسيأتي اليوم الذي زهرة من زهرات فلسطين سترفع علم فلسطين فوق الاقصى هذه هي البطوله التي تركها لنا ان كنا داخل او خارج الوطن الحبيب الوطن والغربه |
اقتباس:
لكن السؤال المطروح من اين اتت هذه المستوطنات اليست بعد اتفاقيه اوسلوا واصبح الان ما يقارب حوالي نصف مليون مستوطن داخل اراضي الضفه واذ بقيت هذه المفاوضات كما هي فهل سيبقى لاهل الوطن شيئا من مزارعهم او بيوتهم ان كانت السلطه لا تريد خيار الحرب او انتفاضه ثالثه فلتلعن ذلك علنا لشعبها وتتركهم ليحرروا ارضهم ويحرقوا الارض تحت اقدامهم لهؤلاء الصهاينه الاشرار ولو فعلت السلطه ذلك ورفعت ايديها عن حمايه المستعمرات وتخلت عن التنسيق الامني سيرحل المستوطنون لانهم جبناء ويخافون رعبا من شباب ابطال الوطن ان كانوا بغزه او الضفه والصهاينه لا يحبون سوى المال والحياه وهم يعلمون ان الارض لنا وليست لهم الوطن والغربه |
انا ما بدافع عن السلطةولكن الضفة الها وضع خاص ﻻزم تفهمو هالحكي |
اقتباس:
كل بقع الارض الفلسطينيه اصبح لها وضع خاص وسنبقى على وضعنا الخاص الله يكون بعون اهلنا اينما يتواجدون على ارض الوطن واذقه مخيماتهم ليوم الدين مشكورة ملك على المداخله الوطن والغربه |
احم احم كل هالش صاير وانا مش هون هلأ يا جماعة الموضوع واضح وما بده نقاش ولا توضيح ومو اول مرة تصير ولا هتكون اخر مرة لا تحكوا تنسيق ولا بطيخ ولا وضع ضفة غير اصلا الضفة بالوقت الحالي قاعدة ع بركان غضب واليهود ما بستنوا شئ ليقتلوا ويسجنوا والكل منور |
| الساعة الآن 05:53 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.