|
مساء الخير عليكو جميعا الانفجارات يلي صارت بغزة هزت غزة كلها وما بين كل انفجار وانفجار دقائق معدوده وغزة بالنسبه للي عايش فيها مثل كفه ايدك بتتفرج فيها كويس يعني شايف كل شيء يعني كل ما تحاول انها تزبط في غزة بتخرب والكل عارف مين يلي عمل التفجيرات وما احد بحكي واول ما صارت التفجيرات على طول قالو داعش واصلا ما في داعش بغزة او ما في قدره لداعش او غير داعش بغزة بوجود حماس من الاخر كل شي تحت عينهم وما في شي بخفى عليهم لا من تحت الارض ولا من فوق الارض يعني كل شيء واضح وحسبي الله ونعم الوكيل في تجار الدم وتجار الوطن مو من القله الواحد بفكر بالهجره بعتذر ع الاطاله بس في ردود ما عجبتني في الموضوع وكل واحد بعبر عن رائيوو ووجه نظروو احترامي للشرفاء |
أخي وَطن. أكيد انتو بغزة أدرى واعرف بيلي بصيروأنا مو عايشة عندكو لأشوف الحقيقة . بس المشكلة صارت ازا بصير شي بالضفة باتهموا السلطة "فتح " فيها ونفس الشي بغزة ، باتهموا سلطة " حماس" فيها ... . . ولو تشوف قنوات الاخبارية او المواقع الاخبارية كل واحد ببرر على هواة ضيعو الشعب وضيعو القضية من ورا افكارهم يلي كلهم بتحوم فقط عالكرسي أو مين الرابح ومين الخاسر .... . . ولازم ازا بدنا نحرر هالبلاد نحرر أنفسنا من التحزبات والعنصرية .. وأنا بحترم رأيك ورأي الجميع هُون واعذرني على مداخلتي ... . . تحياتي الك ..~ |
هلا اختي ظل النا 8 سنين في غزة مكانك سر ....! ما اكزب من ابو مازن الا الي هون ما حدا يحكي ليش بتغلط على ابو مازن مش هو رئيس يتحمل على وكلهم اكزب من بعض ما حدا عمل النا شي الكل بدور على الي الو باسم الوطن انا اختي ما بعنيني بحماس ولا بفتح ولا بالتنظيمات كلها اختي السلطه عنا في غزة لو صارت جريمه سرقه بجيبو الجاني خلال 24 ساعه فما بالك بالتفجيرات الي هزت غزة وللعلم انا ما بتابع اخبار لانو سرعان ما تنتشر عنا والقنوات الكل بغني على ليلو يعني عالم منافق ورب غفور بعتذر على الاطاله احترامي |
اذا بيطلع انفجارات بالضفه يتهمون حماس واذا وقع حرب على غزه والصهاينه ليسوا بحاجه لمبررات لتدميرها بيتهموا حماس واذا بصير حدث عرضي بين سيارتين بالشارع بيتهموا حماس واذا اتجوز شخص وضرب مرتوا بيتهموا حماس الخوف من المستقبل القريب اذا فلسطييني اتجوز والله رزقه اول طفل ببنت السبب هو حماس فيكوا تعطونا اثباتات انوا حماس وراء التفجيرات من الحتمل كما ذكرت في الرد الاول لي على الموضوع عملاء او طابور خامس لا يريد مصالحه فلسطينيه حقيقيه الوطن والغربه |
حبيبي انت اخي الوطن والغربه ابوي دائما بوصيني بحكيلي الي ما بيجي معك روح معوو وانا معك حبيبي ع الموت ههههههه انا ساكن في غزة وفي مخيم النصيرات والي ما بشوف من الغربال بكون اعمى الله يوعدك وتزور غزة مثل يلي زاروها وقتها بتفهم الصح على الطبيعه مو من وسائل الاعلام |
الي بيعرف بيعرف ويلي ما بيعرف بقول كف عدس مشكور على المداخله وطن رغم انا لا اثق اصلا بالاعلام العربي الصح مبين متل عين الشمس الكراهيه لحماس والمقاتلين الشرفاء في قطاع غزه والضفه ايضا سببها ان السلطه تريد كل شيء ولا تعطي اي شيء وان شعب غزه ليسوا فلسطينيون واتوا من من كوكب اخر اسمه زحل بأختصار كان من المفروض واكررها للمرة الالف اين الاثباتات انوا حماس وراء التفجيرات الاخيره بغزه لا احد يجيب على السؤال القاتل يبقى بريئا لاثبات جرائمه ثم يحاكم رغم انا لا انتمي للطرفين المتصارعين على كراسي فانيه ونهب قوت الشعب كان من المفروض على الطرفين ان يشكلوا لجنه تحقيق فعاله ومنصفه ويدخل فيها عقلاء افضل من نشر غسيلهم النتن والاتهامات المتبادله بين الطرفين امام مرأه العالم والاقسى يداس من احذيه الصهاينه امام الطرفين المتصارعين وهنا اذكر للذين لا يعلمون الحقائق من اوصل السلطه الى داخل الوطن هو غزو الصهاينه للبنان عام 1982 ولولا الشرفاء الفلسطينيون في اذقه المخيمات ومجازر الصهاينه في لبنان لما وصل احدا من السلطه المقاله الى داخل الوطن المحتل وتنسيقه الامني مقدس لخدمه المستعمرات الصهاينه والمستوطنين لدوله دينيه عنصريه لم يشهدا التاريخ المعاصر عباس وزمرته منتفعين فقط بأموال الغرب للتسول بأسم القضيه الفلسطينيه منذ 20 عاما هل تستطيع انت او غيرك داخل الوطن كم اصبحت ثروتهم ؟؟ولا يحق له او لغيره ان يفاوض على شعب طرد من ارضه بالقوه وان يحرمهم من العودة الى وطنهم اكثر من 7 ملايين خارج الوطن الفلسطيني يعيشون معظمهم بمخيمات الشتات لم يصوتوا لا لعباس ولا غيره فهل هؤلاء الفلسطينيون اتوا ايضا من وراء البحار وانا ايضا احترم كل الاراء الوطن والغربه |
احسنت اخي الوطن اجزت فستوفيت شكرا جميعا لتواجدكم الكريم |
استكفيت بالرد احترامي |
الله يهدينا وبس ياجماعة احنا ندور اللحمة والوحدة ومابدنا اغراءات وكلام اخبار القضية راح تضيع والمندسين كتار حماس اوفتح احنا اخوة ولايمكن اخ ممكن يقتل اخوه اويضره بطلوا مناكفات وادعوا يكون في وحدة ونرجع القدس ونحمي بلدنا اذا ما خفنا علي بعض تاكدوا ماحدا راح يخاف علينا ارق التحايا خالد وسجل اعجابي بقلمك الراقي والمتميز ودي |
| الساعة الآن 02:09 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.