كل شي بذكرني فيك

#1 11-01-2014

ليش كل شي برجعني لعيونك ليش الشوارع المبلولة
بأول شتوة كلها بتودي إلك؟ليش الليل بشتا تشرين ما بذكرني إلا فيك؟
ليش ريحة الأرض العطشانة وريحة الياسمين المبلول مربوط بريحة إيديك
بتعرف شو أحلى شي بهالبلد؟وجهك وريحة أول شتوة بتشرين!..
ما صار الوقت خلص لحتى ننسى! ليش الحنين هلا؟ليش الشوق يزيد هلا
؟ليش الفقد!ليش الوجع!ليش كسر الروح!..
قديه قلنا نسينا وعند أول شتوة برجعنا الحنين!
قديه قلنا سهينا وعند أول شجرة ياسمين بنشم ريحتها بتصحينا!
شو قالوا يا عمر حلو وما ذقناك!
انت العمر الحلو وانت الوطن وانت الغيمة الوحيدة بسما هالمدينة اللي بتشتي!!

المصدر: منتديات بنات فلسطين - من قسم: همس القوافي , النثر و الخواطر

;g ad f`;vkd td;