من اطايب حلب (3) دبس الفليفلة
 

http://www.bintabdullah.com/wp-conte...05/MG_9420.jpg


تسمى أيضاً بمعجون الفليفله، وهي مشهوره في المطبخ الشامي والحلبي على الخصوص وبتتحضر باواخر الصيف ما بيخلى بيت من دبس الفليفة طريقة تحضيره مو صعبة بس بدها شوية صبر لأنو بتحتاج عدة ايام و تستخدم في أطباق المقبلات من مكدوس، كبب، المعجنات والمشاوي وغيرها ، تعطي نكهة حلوه ولون جميل يمكن إعداده إما بإستخدام الفلفل الأحمر الحار أو فلفل الأحمر الرومي (البارد أو الحلو)، طريقة إعداده تعتمد على تجفيف الفلفل (الفليفله) في الشمس لمده يوم أو أكثر لكن دون أن تجف بشكل كامل ثم تطحن وتوزع في برطمانات مع إضافة زيت الزيتون أو أكياس صغيره وتحفط بالفريزر..


المقادير: فلفل أحمر ( بارد أو حار) ملح زيت زيتون قصي الفليفة بالنص بدون ما تغسليها حتى ما تفقد لونها الاحمر وشيلي البذور منهم وحطيهم في صينيه كبيره أو بتشكيهم بالخيط مثل ما سويت وبتنشريهم بالشمس هالصوره بعد كم ساعه من نشرهم بالشمس

http://www.bintabdullah.com/wp-conte...05/MG_9419.jpg


باليوم الثاني شوفوا كيف نشفوا بس ما جفوا تماماً لا ما زالوا رطبين شوي..

http://www.bintabdullah.com/wp-conte...05/MG_9427.jpg

اغسلي الفليفة وثم طحينهم بالمكينه على الشفرات المتوسطة مرتين
لحتى يصير مثل المعجون إو أخشن شوي حسب الرغبة

http://www.bintabdullah.com/wp-conte...5/DSC05093.jpg

بتاخدي المعجون وبتحطيه في طبق كبير مسطح وبتغطيه بشاش نضيف وبتتركيها يوم تحت الشمس
مع التقليب لحتى ما تنشف

http://www.bintabdullah.com/wp-conte...5/DSC05103.jpg


حطي عليه الملح الخشن وزيت الزيتون ووزعيه بأكياس صغيره(للي بدو يحفظها بالفريزر) أو مرتبانات

وهي طريقة سريعة للي م بدو يجفف الفليفلة بالشمس

http://www.youtube.com/watch?v=erJI42-5QvE

وصحة وعافية ...

موضوع رائع
يسلمووووووعلى
الادراج

يعطيكي العافية

شكرا

سلمت أناملك

تقديري لكِ

شكرا لألكن جميعا
تحياتي لحضوركن
حنان: جمال، عطر..

طريقه جميله
انا فكرت الدبس طعمه حلو
لكن هون الدبس اله طريقه تانيه
كل الشكر لما قدمتِ
تحيتي اخت ورده
يا رب ترجع حلب وترجع ايامها الحلوه

بتشكرك لحضورك حبيب العمر
ما بظن ترجع ايام حلب
الحمد لله ع كل حال
تحياتي واحترامي الك خيي.

ميرسي لإلك عزتي
نورتي خيت..

طريقة سهلةو شهية
يسلمو دياتك
في أنتظار جديدك