منتديات بنات فلسطين - Stop هنآ برمجة غلط _ بقلمي

Stop
هنآ برمجة غلط

بكتير لحظآت بنحكي بعفوية ، بنكون إحنآ من جوآتنآ عآرفين شو قصدنآ ، عآرفين شو معنى حكينآ ، بس النآس من حوالينآ أغلبهآ مش رآح تفهم حكينآ متل مآ أحنآ قصدنآه ، رآح يبلشوآ يفكروا ويفسروا على كيفهم ، وحتى لو وضحت إلهم شو قصدك رآح يضلوا مقتنعين بتفسيرهم همآ مش أنت لهيك "Stop" هنآ برمجة غلط !!
من الأسآس أنت ليش لتحط حآلك بهيك موقف حآسب ع حكيك على أفعآلك أكثر لأنو مش كل البشر رآح تفهم نيتك متل مآ أنت بدك لهيك عيد برمجة حكيك وأفعآلك،خليك وآعي أكتر حتى مآ حدآ يوقعك بالغلط
احيآنآ بنحصر حيآتنآ بحلم واحد،بنصير عآيشين بس عشآن هالحلم،طيب هالشي مش غلط،بالعكس الغلط أنو مآ يكون عند حلم،وغلط نعيش هيك بدون حلم بدون هدف،بس إنك تقوقع على حلم واحد بس وتنسى كل شي حوآليك هنآ بحكيلك "Stop" هنآ برمجة غلط
مش صح إنك تحصر حيآتك بحلم وآحد ،هدف وآحد،شخص وآحد لأنه ; مآ في شي بيدوم ولأنه ; مش دآيمآ بنأخد يلي بدنآ إيآه ولآ دايمآ بنحقق شو كنآ نحلم ، لهيك لآ تحصر حآلك شي وآحد حتى مآ تضيع وقت ما هالواحد يضيع منك ، خلي عندك أكتر من حلم أكتر من هدف،بس بدون مآ تشتت حآلك،ركز على شي واحد بس خلي عندك بدآئل .