|
الجندي رقم 444 .. هام جدا تحياتي للجميع من دون مقدمات : مستغرب من الصورة الرمزية ؟؟ مستغرب اني كنت عسكري في قوات الدرك الاردنية ؟؟ تابع معي ... انا صهيب غنيم فلسطيني الاصل وكلي فخر مواليد السعودية عمري 21 عام تقريبا ادرس ادارة اعمال اعشق الشعر والصيد والعزف ع العود خلصت توجيهي وكان حلم حياتي اكون طيار ولكن للاسف الضروف ما سمحت فصرنا (نلف صواريخ) ههههههه اطريت انظم لصفوف الدرك الاردنية رغم اني كنت على يقين انها محاولة فاشلة دخلت الدرك وقلت لجل احقق حلمي لازم بالبداية اواجه كوابيس اقتنعت بواقع عسكري وابتديت التدريب في اسابيع قليلة وتحت اشراف الضابط مشعل بني حسن ((كانت علاقتي فيه علاقة صداقه)) عينت قائد للفرقة الناشأة وتم ترميزي بالرقم (444) فسألته .. سيدي ليه انا ؟؟ قلي تدري يا صهيب واعذرني على الي ودي اقوله انت لو انك ابن بلاد اباً عن جد كان خذيت رتبتي وانت في هاذا السن ((رغم اني كنت في مرحلة التدريب)) افتخرت بنفسي صدقا وافتخرت كوني فلسطيني يقود فرقة في صفوف الدرك الاردني لكن بنفس الوقت قدمت استقالتي بعد شهرين وكسور (مو غرور) لكن انا ما احب اتقيد ثاني شي كوني فلسطيني لن استفيد وهاذا معنى كلام الضابط لي فـ استقلت وتوجهت لدراسة تخيل !! من سجين لعسكري لمدمن .. استحلفك بلله ما هي دنيا مسخره ههههههههه انا شفت تعفت وصدقوني انا انسان عنده طموح لكن الدنيا كشرة بوجهي شوي وبنسبة لصورة الرمزية والتوقيع اذا فيهن مضايقة لاحد يقلي .. ويبشر رح اغيرهن وانا ما حطيت هالصورة لجل غاية لا لا انا حطيتها لجل الكل يعرف ان الفلسطيني ما عنده حدود طير حر السما الي تعجبه يحلق في زواياها وانه لو بغى حكم العالم من باكر يسوده وهذي رسالة لفلسطين واهلها من كل لاجئ فلسطيني : افخري يا بلادنا ترى وين ما نحط رجلينا لنا الصدارات وين ما في انجاز في فلسطيني افخري ورب العرش حتى في احلامنا مذكورة . اقلك شي وخذها بصدر رحب يمكن حلمي كـ طيار كانت غايتي اقدم شيء لبلادي لا تقول صهيب احلامه واسعه او صهيب صار منهم وحط خط احمر تحتها ، عمر الدم ما صار مي وعمر الضفر ما طلع من اللحم يمكن تأقلمنا لكن ما تخلينا والفطرة من الله وما تتغير انا ابن فلسطين واقولها في كل زمان ومكان واعيش لها وبها اتمنى ما اكون ازعجتكم |
اها شي حلو يسلمو |
العالم الغربي يعامل الفلسطينين بشكل اكثر احتراما واكثر ادبا من العرب ذاتهم .. وحسب ما انا بعرف انو الاردنين في واقعهم بيكرهو الفلسطينين واساسا الاردن جزء من فلسطين لكن انفصلت بواقع الاحتلال البريطاني .. لكن كلامك صحيح في كل مكان يوجد انجاز ففلسطيني يقف خلفه وفي كل مكان يرفع اسم فلسطين عاليا الا عند العرب صدقني انو لي اصدقاء في الخليج بشكل خاص بيحكو كلام شرقي وغربي عن الفلسطينين يلي برا فلسطين "لاجئين " وكل ماتحكيلهم شئ يحكولك حلو مشاكلكم وسوو واعملو بعدين كلمونا لكن انا كنت اقهرهم قهر بانجازات لم يسبق لهم انهم سووها من الاساس ويكفي في مجال الويب كنت صاحب افضل المواقع الخليجية واكبرها ولو بدي اشتري شئ ماكان حدا يقدر يشتريه قبلي .. ونحن مابدنا مساعدة اي حدا من العرب او من الغرب حتي .. بكفي انو الله معنا وهاد الشئ الوحيد يلي بصبرنا مشكور يا صهيب علي الموضوع وعن واقع التجربة واسمحلي انقله للقسم العام لك التحية |
اخي صهيب هنا اقف حائرة لان الفلسطيني دوما ينظر اليه نظرة مغايرة فكان الله بعونكم في الاردن ولجميع اهلنا في الشتات ورزقك المولى تحقيق حلمك الذي تريد واكيد رمزيتك ما في داعي لاي شخص انه يعترض عليها تحياتي وردي لروحك |
موضوع مهم صهيب لي عودة اكيد ودي |
مع انه العلم والخبره والحرف والمهنيه كلها طلعت من فلسطين وانتشرت في بلاد العرب والغرب الا انه الفلسطيني مو ماخد حقه ولا بشي مين الي بنى وطور وعلم دول الخليج بكافتها احنا رقم واحد مع لبنان وسوريا لكن ما شفنا منهم الا جحود وقله اصل وفتات من المساعدات الي بعطواسرائيل اكتر منها بمليون مره لكن انا بقول وبايد كلامك الفلسطيني رافع راسه وين ما يروح ولا شي بهز كيآنه ولا عنفوانه ولا شعره من بدنه بدي احكيلك قصه صغيره حصلت مع صاحب الي كنا في دبي مع بعض هو بشتغل ببنك والمدير سوداني فتح الباب المدير وحكا يا عمرو تعالا وراي ولا فلسطيني ههههههههههه عمرو ضرب الباب برجله وحكاله اسمع ولا سوداني يا كلب لا تفكرني جاي جوعان هون ابوي تاجر كبير لما بفتح خزنته بطول مصاري بعبيك وبعبي عيلتك انا هون جاي شمه هوا وخبره مش جاي اشحد وضربه كفين وخرج لا اخد اتعاب ولا معاش ولا شي ركب الطيآره ورجع نابلس وحاكاني هيني في نابلس انا هههههههههههههه هي الفلسطيني الي برفع الراس روعه يا صهيب خليتنا نندمج معاك يا نشمه ولا تآخذني في هالمثل احنا متل شوال البصل وين مديت ايدك بتطول راس |
اول شي انت مخلوء طموح وهي صفة حلوة كتير حتى لو زروفك ما بتسمحلك انك تحقق طموحك نشالله بتحققا وئت تسمح زروفك تاني شي ماحدا الو بتوئعيك او رمزيتك طالما هي ما بتخالف قوانين الملتئى وما بتئزي حدا حريتك بتنتهي عند حرية الاخرين تالت شي كل واحد برات وطنو بيتعامل بحيونة خصوصن عند اخواتنا في الانسانية يلي اسمن عرب و مابينعطى وجه الا من الئليل يلي بيعرفو شو معنى الادمية وشو معنى ان كل البشر متساويين ومافي شي بيميزن غير اعمالن يلي بتترفع لألله ومواقفن بالحيات رابع شي عشت فترة بجوردان وبعرف منيح انو في بعض الأردنين بيتعاملو ببشاعة مع الفلسطنيا لكن شو تعمل ازا انت مجبور تفارق وطنك وتعيش بمحل تاني خامس شي ما تحط ببالك ربي يسعدك ويكتبلك الخير وتحقق كل احلامك يعطيك الف عافية |
اول شي الله مستعين ودايمن حق الفلسطنيه ضايع بدول العربيه لاسف اسمها عربيه تاني شي ربي يحقق حلمك وحلم كل شاب فلسطيني |
الطموح ما بعرف جنسيات وﻻ حدود وﻻ دين وﻻ لغة والفلسطينين تميزو بسقف طموحهم العالي رغم النكسات والنكبات الي بعيشوها كل يوم واثبتو وجودهم بكل دول العالم سواء عربيه او اجنبيه وللاسف رغم هيك ما زال ينظر للفلسطيني بالخارج ع اساس انو ﻻجئ صهيب ﻻ تيأس وخليك طموح والرمزيه والتوقيع كتير حلوين يسعد مساك |
بهنيك على طرحك الجريء كالعادة أخي صهيب توقيعك وصورتك الرمزيه رائعين أما بالنسبة لموضوع التمييز فأنا طرحت رأيي مرة بأحد مواضعك بهالخصوص وهون ما شاء الله الاخوه ما قصروا بتمنالك التوفيق بحياتك وتحقق طموحاتك وتكون أحسن فلسطيني بالاردن كلها هههه كيفني معك:126: تحياتي للجميع |
والله شي مميز ورآئع أخي وطموحكَ جميله .. ما بتعرف الدنيا كيف بتلف إذا طموحك إتصير طيار فإن شاء الله بتتحقق وكلنا الفلسطينيون داخل البلاد وخارجها وفي الخليج معك أخي .. بالنسبة لتعامل الناس في الخارج والخليج بذات .. بيحسسو الفلسطين إنه إنسان من الحثاله عاد إحنا الفلسطينين أطيب من قلوبنا وأجمل من لساننا ما في ومــا بدنا نحكي كتير عن حالنا .. كــان مدرسه أو جامعة أو حتى شغل كــلهم بيذلو الواحد .. عشان يحطمو أماله صار معي كتييير مواقف بالخليج ... لا مدرسه محترمينا ولا حتى جامعة ... بيعين الله والحمد لله ربنا معنا وما بدنا من حدا أي شي تاني كان من العرب أو من الغرب وبالنسبة لصورتك ورمزيتك ... ما أتوقع حدا يعترض عليهم بالتوفيق أخي فــــي آمـــآن الله وحفظه |
كل احترآم اخوي |
الله يحميك صهيب بدعي ربي يوفقك في حياتك يارب اكيد فلسطين فخورة بك... انا فخورة بك صهيب لان دم العروبة يمشي في داخلك ولو كنت فلسطينية لفتخرت اكتر واكتر تمنياتك لك بالدوام الصحة والعافية |
اول شي اشكر تواجد الجميع وعدم اعتراضه ع الرمزية وما شابه ثاني شي الله يحماكم ولا يبلاكم والله ياخذ بيد كل فلسطيني في الداخل وفي الخارج ودامت فلسطين ودام اهلها اهل الصدارات واهل العزم والقوة ودامت الراية الفلسطينية مشرقة في جميع بقاع الارض ومهما كثرت الضغوطات وتكالبت النفوس تبقى الارادة الفلسطينية الاشرس في ساحات التميز والانجاز ورح نظل نحلم ونطمح رغم كل العوائق الي نواجها وما من مستحيل قدام طموح صنديد "ما انخلقنا لجل نيأس حنا للارادة عنوان" اشكر تواجدك اخوي ((امير القلوب)) ودام صرحك الاكثر اناقة وايثار واشكر تواجد الجميع وابتدي بذكر خواتي النشميات (( بنت السلطان ورفيعة الشأن وريما غزة وشام وذكريات حزينة وقصيدة عشق ونتالي ومي واريج )) وخواني الاشواس سندي وعزوتي (( مؤيد وايمن )) وسامحوني لعدم تواجدي هاليومين المعذرة منكم لكن تعبان شوي ومعي اللتهاب بالكبد وماني قادر احط التيلفون ع الشاحن ههههههه اسعد الله اوقاتكم ودمتم بود وسلام ارق التحيات |
الف سلامة عليك صهيب ربي يشافيك وترجع انشط من اول شاعرنا اصلا المنتدى بدونك منو حلو يلا طيب وارجعلنا يسعد مساك |
ألف سلامة عليك صهيب ما تشوف شر دير بالك على حالك يا نشمي |
اقتباس:
لا لا انا نشيط حتى لو مريض اصلا انا ما فيني شي بس ادلع عليهم بالبيت هههههههههههههه لا المنتدى مو بدوني منو حلو المنتدى منو حلو دونكم انتم خلص الحين بلعت طحشة كبسولات باكر تشوفيني مثل القرد هههههههههه طيب الله اوقاتك يا اصيلة http://www.bntpal.com/vb/images/smilies/ssss/116.gif |
اقتباس:
ولا تشوفين سوء يا الغلا لا توصي والله ماكل حقوق الكل في البيت ههههههههههههههههههه يسعد قليبك اختي نتالي http://www.bntpal.com/vb/images/smilies/ssss/116.gif |
بصدق راق لي ما كتبته هنا اولا ربي يحققلك كل امنياتك ويعطيك شو ما بتتمنى تاني شي حلو الواحد يكون حر وما حد يربطه بأشياء او يتقيد فيها يعطيك العافية يا مميز بتمنالك حياة سعيدة تحياتي |
مرحبا انا فلسطينية وعايشة بالاردن .. وصدقاً مثل ماحكيتوا بسمع من العرب اشكال والوان عن فلسطين ولكن الحمد لله اني خلقت فلسطينية .. لانه كل العرب تحت اجناج اسرائيل الا فلسطين ما زالت تقاووم .. وسابقى فلسطينية أفتخر ، وباذن الله الى فلسطين عائدووون |
يا هلا اختي همسات ويا هلا اختي عسوله الله معنا فمن علينا ؟؟ تبقى فلسطين حرة ويبقى الشعب الفلسطيني سيد الشعوب علما وفكرا ونبضا حياكن خواتي الغاليات |
ما شاء الله عليك خيو ما يهزك شي بخصوص انك فلسطيني ومو ببلدك فهاد بسبب شي خارج عن إرادتك وإرادة يلي طلعو الفلسطيني بالدول العربية الله باليهم بناس بفكرو حالهم فوق فوق بس الله وكيلك يمكن لولانا وورا اصرارنا ما كانوا شي تاني شي بغض النظر لاجئ او مغترب حياتو عكف عفريت بضل تحت كلمة " انت مو ابن هالبلد او وافد " فعادي خد الامر بشكل عادي وبخصوص رمزايتك او صورتك بما انو لا يخدش المنتدى وقوانينه بشيء فإنت إنسان واعي وحر ... فكن كما أنت ~ طرح رائع وجريء من شخصية مميزة الله يرضى عليك ويحقق أمانيك مودي لك ~ |
اقتباس:
والشجرة المثمرة هي الي دوم ترمى بالحجارة وحنا بفضل من الله جينا لدنيا صناديد وبنغادرها صناديد غصب عن كل عدو وحاقد اشكرك جزيل الشكر اختي الامورة ظل انثى خطوة عزيزة واشراقة عذبه يا كل الهلا اختي |
| الساعة الآن 01:11 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.