مشكور !
بقلم صهيب غنيم
كتبت قبل عامين

مشكور ما ودي تشفق بحالي
كم قلتلك الا المجامل لا تقربه
،،
قول الصراحه لو انها عكس مشهاتي
ولك مني كل احترام وترقيه
،،
لكن لا تجعل الوهم يقتل اوقاتي
ولا تفاجأ غفلتي ب جراح مسلحه
،،
انا رجل احب الصدق لو به مماتي
واعوف الكذب لو يزيدني قوه
،،
ما حبيتني ولا تبيني شي عادي
وانا انسان شاف فيك مرايته
،،
لخص كل اللي تشوفه من صفاتي
واطبعه في ساحات عيني وكرره
،،
ان شفتني زين هيض اعجابي
وان شفتني شين لا تغش النظره
"
قلتلك احبك و ابعثر بقربك حياتي
قلتها لاني صدق اعيش الفلسفه
،،
ما قلتها لجل اسوي جو خرافي
كلمة صاغها القلب وغنتها الحنجره
،،
لكن لحظه يا اللي تخشى عــذابي
هذا لا يعني اني احتاج ل شفقه
،،
وما كل قلب توفق في كسب ثاني
كثير نسمع حب من زوايا واحده
،،
لا تظن اسلوبك يبطي من جراحي
اسلوبك يجيب الموت ب حلوه
،،
لو تكرمت احفظ لي حدود كرامتي
واعطيني من شعورك اللي استحقه
،،
وانا بعيش كافيك من سر لوعاتي
وتكفى قلبك على ودي لا تجبره
،،
ان كرهت اكره حظ يقتل محاولاتي
وان ندمت اندم على وقت مضيعه
،،
مشكور ما ودي تشفق على حالي
الجرح جرحي واوعدك اطهره

وسلامتكم

المشاركة الأصلية كتبت بواسطة حنان (المشاركة 850675) كلماااااات رلئعة يسلموووووووووو

المشاركة الأصلية كتبت بواسطة عطــر الأندلس (المشاركة 850712) سلمتَ وسلم نبضك .. وحرفك .. وقلمك حفظكَ الله أخي وبارك اللهم في موهبتك وفنك في صياغة الوزن والكلمة تقديري لكَ لا ينضب