|
حدث : في التاكسي ـ " مرحبآآ : احبائي اصدقائي ~ـ، اليوم حبيت اخد تعليقاتكم ـ في حدث بنشوفه كثير بمجتمعنا وبشارع الفلسطيني : ولكن بـحدث مغاير ـ وحصل اليوم معي انا شخصيآآ : اليوم وانا مروح من وسط البلد : من نابلس : ع البيت / طبعآ طلعت في التاكسي وكل شي تمام ، في نص الطريق : وقف رجل ما يقارب 40 سنه : واشر بأيده للتاكسي الي انا راكب فيه التاكسي ووقف ، الرجل : مرحبا والله انا بدي اطلع واروح واروح بس ما معي مصاري .. سائق التاكسي : لا انا رايح ع البلد ـ : الرجل : خلص معناها بروح مشي بعيني الله ،وقفت انا بحكي لسائق التاكسي ـ وقف ـ طلعو وعندي الاجره ، ومش مشكله " طلعه وكلو تمام ـ : يذكر / لو صاحب التاكسي ركبو من البدايه : برغم انو الشوارع فاضيه كانت وما في ركاب بطريق كثير ع الاقل ركبو ونزلو محل ما انت واصل ـ والله يقدرك ع فعل الخير لكل محتاج ،ـ كلام الرجل حزني والله ـ رجل مبين عليه ابن ناس ـ رأيكم : بهذا الموقف والي صار ـ ؟؟ |
كمشة مراحب ايمن ليك ايمن انا مو ضد انو يركبو وياخدو لنص البلد بس هاد شوفير يمكن يوميتو ما بتوصل 100 شيكل لو كل ما نزل البلد اخد ناس ولما يطلع يطلع ناس يئعد ببيتو احسنلو مو؟؟ يعني كمان الشوفير لما ينزل البلد بكون يدور ع زباين لياخدهم معو وانت ما شالله كفيت ووفيت والله بيسر لناس صح كلامي ؟؟ ولكل وجهة نظر تحياتي |
اهلا بعيونك خيتو : انا ووضحت وذكرت ـ الدنيا ليل والشوارع فاضيه : والطريق الي واصل فيها فيه وبلاها ماشيهآآ وهو شوفير وصاحب الخط يعني ادرا ـ واخبر ـ وانا كنت شايف انو ما في مشكله ومتأكد ما حد رح يوقفو ويحكيلوو اانا طالع ؟ بوافقق برأي بنسبه انو يوميته 100 شيقل بس الله لايسكر حد بمواقف متل هيك ـ |
أخي أيمن جزاك الله خير ع فعل الخير بس أنت ايش عرفك بلر جال مش أي أحد نوثق فيه الأشكال ماتبين الناس ع حقيقتهم ايش عرفك انه محتاج يمكن يبي يسرق أنت المره الأولى سلمت المره الثانيه مابتسلم أنا كذا رأيي ورديت ع سؤالك بمفهومي أنا مابعرف ان كان قصدك كذا أو شي ثاني وشكرا |
تسلمي اختي الناس لبعضهآآ ـ بس القصه ـ انو طلب يوصلوو وحكالوو بلحرف الواحد انا بدي اروح بس ما معي مصااري ولما حكاالو لا واصل للبلد حكالو بعيني الله بروحها مشي ـ فطريت انا ساعتها ادفع عنو|؟ |
صرآحة هالموقف قليل لأسمع فيوو انوحد يوقف تكسي و ما يكون معوو مصاري لو انوو هالشي بيتكرر لنحكي انوو الرجآل عم يكزب بس سنوو و كلآموو بيدل انوو صآدق ربي يجزيك الخير أيمن و يهدي الشوفير تحيآتي ~ |
ليك خيي كتير موقف منيح وبميزآن حسنآتك يلي عملتو وما في شي بيضيع عند ربنآ كل شي محفوظ لإلك وهآد شي ازا دل بيدل على حسن أخلآئك وطيبة ألبك وإحسآسك بالنآس يلي حوآليك وجودك نآدر هالأيآم كتير بحييك من ألبي ع الشي يلي عملته وأنآ أكيدة إنه أخدت دعوآت كوميآت من هالرجآل وأثبتت لشوفير التآكسي إنه بعدآ الدني بخير احترامي لإلك روز |
أخي أيمن جزاك الله خير ع فعل الخير رضي الله بفعلك وادخلت الفرح ع قلب الرجل عمل جميل تحياتي |
اخي انا بشوف هيك حالات و الناس هالايام صايرة ما بترحم و المصاري بتعنيلهم شي اكثر من الانسانية و قليل يلي بيفكر مثلك حتى انا لو كنت مكانك كنت رح اتصرف هيك تصرفك أخلاقي و عجبني |
اقتباس:
انا عارف والله شي بخلي الواحد يحي مع حالو شويه يعني ما بصير اي شي\ والرزق ع الله ما حتنكسر لو انت ركبتو مهو يمكن يكون راكب بمر عليك كل سنه مره نورتي وأسعدني مرورك خيتو |
| الساعة الآن 12:57 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.