الهجرة ...قل رأيك وبصدق
 

من المسؤول عن هجرة الشباب وتفشي ظاهرة البطالة ؟؟
وتدمير نفسية الطلبة الذين سيلحقوا يوما ما بركب سواقي الفراش
""هل هي حكومة الظل (حماس ) أم حكومة (الحمدلله) كما يقول البعض ؟؟؟""
مساحة حرة للنقاش
قل رأيك وعبر بصدق وأمانة بدون غلط أو استخدام كلمات بذيئة

يعني والله من غير سؤال

حكومه حمدلله م بدى شغلها

بدها تمسك غزه لحتى تشتغل وغير هيك كان الاتفاق على اللجنه المصريه الي تشوف وضع الموظفين

من الطرفين

لكن مين الي اتراجع ومين الي عمل حكومه الظل

ي جماعه الشباب هون خلص زهقو م فيهم يعيشو بدهم يعيشو متل الخلق والناس

ليه مكتوب عليهم يفضلو بهيك جو

مره انقسام داخلي مره حرب مره جلجلت شو القصه مش عارفين نعيش زي الناس

انا بحمل الحكومه الي هان المسؤوليه الكامله

الحكومتين هما يتحملان المسؤوليه المباشره
كفى العبث بمستقبل الشعب الفلسطيني قيادات فاشلة
شعبنا قد دفع وباستمرار أخطائهم واخطاء الاخرين

الوطن والغربه

عفوا من الجميع

الشعب كله خاصة الشباب يدفع ثمن مصالح أشخاص من كل الاطراف

من الآخر ما النا الا الله

يسلمو عطرح النقاش

اولا مين حكومة الحمدلله؟!



تانيا اكيد الحكومة الها دور لانها ببساطة عاجزة توفر ابسط حقوق شبابنا
ونسبه العاطلين عن العمل بارتفاع




تالتا اسمحولي شباب انتو كمان الكم دور بالموضوع
شو ناطرين من الحكومة
يعني باختصار الشباب عنا كلهم متعلمين دكاترة واساتذة ووووو .. الخ


اشتغلو بشو ما كان اعملو لحالكم قاعدة وانطلقو


مفكرين الهجرة هي الحل؟
ع اساس راح تروح ع بلاد الغربه تكنس مصاري بالشارع و تروح مليونير متلا لاهلك


انت رايح لتشتغل ليل مع نهار
اشتغل هون بالبلد وما تضل نايم ناطر الحكومة لتوظغك بالف شيكل بالشهر




سوري للاطالة...وبتمنى تتفبلو نقدي


ليلة سعيدة

مشكلة البطالة و قلة الشغل و ارتفاع الاسعار مشكلة مش حديثة الوجود.
مش فجاة طلعت
ولا مرة وحدة طلعت .

المشكلة هادي موجودة من فترات طويلة .
تراكمت تراكمت تراكمت .
ووصلت للحد الي نحنا فيه هلقيت

البطالة بالاصل هي المقياس الاول لدرجة الفساد بالبلد .
كل ما كانت البلد فيها بطالة كل ما كان الفساد قوي .

و طبعا بلدنا البطالة متأصلة فيها .
و هالشي سببه الحكومة .
اي حكومة
حكومة حماس
لانو الفساد ما اجا من يومين او تلاتة او شهر
الفساد اجا من سنين مضت .

كل مواطن و شاب غزاوي بيفكر بالهجرة
لانو بيشوف الفساد و الظلم بأم عينه

كلنا بنعرف الحكومة كيف بتستغل السوق .
وكيف بتمتص أمل و طموح و طاقة الشعب
وكيف بتظلمه
بتكتم حريته
وبتهلكه بالاسعار الي بتفرضها .
كيف بتشوف الحكومة و ابناء الحكومة عايشين ببزخ و رفاهية و الشعب ما عم يلاقي الكهربا حتى .

غير هيك .
كون مكان اي شاب غزي .
فش شغل ان كان معو شهادة او معوش .
لو اشتغل فش معاش و قبضة الو .
مع وجود زيادة كبيرة في الاسعار و
مع قلة توفر الخدمات المعيشية من كهربا و مي و غيرو
مع كبت و كتمان للحرية .
مع تضخم الواسطات بالبلد حتى بالبنزين و ربطات الخبز .

ف شي طبيعي تلاقي اي شب مستعد يهاجر برا غزة .
لانو الحياة هنا مقتصرة ع تنظيم حماس .
ان بدك تعيش
كون حمساوي ,
غير هيك فش .

و الي بيحكي انو السبب حكومة الحمد لله
ف يراج نفسو .

وبس .

اخت ملك روحي ز
انتي عم تحكي لانك انتي برا الموضوع ,
ويمكن برا غزة كمان .

لما تيجي ع غزة .
حتشوفي العجب ,
حتشوفي الحكام عم يعيشو بخير غير مسبوق .
كل اموال الدعم بتنحط بالجيب .
و بتتوزع ع محيطهم ,
الحاكم هوا الي عايش وعندو سيارات و عندو موكب و عندو فلل وعندو متاجر و عندو اراضي وعندو كهربا بشكل متواصل وعندو وعندو وعندو .

وصل الفساد لدرجة انو لما وزير او اي حد من طرفه يزور منطقة تيجي فيها الكهربا خصوصا لانو موجود .

الشباب مو ملاقية القاعدة لحتى تشتغل عليها .

الحياة غالية هون .
الشباب ما بتشتغل .
وان اشتغلت ما بتقبض .
و مافي مساعدات بمشاريع تعملها الحكومة .
يبقا حال البلد حيضل واقف .

دوامة متكاملة ما حيقدر الشباب الغزي يطلع منها الا بحل انو يهاجر .
مع اني انا ضد الهجرة طبعا .

و بس .

كل الكلام صحيح

ولو بدي احكي على الوضع ما بيكفني مجلة بحالها


بس اكتفي بكلمه واحده لا تعليق


لان الشعب
طول ما هو سااااااااااااااكت احنا بنضل متل ما احنا




كل الشكر على سؤالك

شكرا على تعليقاتكم جميعاااا


الحمد لله في ناس فهمانة بالبلد وعارفه الصح من الخطأ

لكن

اشد ما يؤلم السكووووووووووووت والصمت


ربنا يهونها على عباده ويرحم جميع الناس اللي غرقت بالبحر


انرتم