|
إتصلت فيه إمه ،ِ قصه مؤثره جدا اقرئوها إتصلت فيه إمه هو : ألوووووووو اﻷم : وينك يا إبني؟ مﻼمحه إتغيرت وإتضايق هو : شو بدك يا إمي ، أنا في مشوار اﻷم : معي أغراض كثير تعال إحمل عني ووصلني، وإرجع مشوارك هو : مش فاضي وعندي موعد مع ناس اﻷم : ربنا ما يحوجني إلك سﻼم هو : سﻼم وسكّر الخط مع إمه، ورن تلفونه مرة ثانية، كانت حبيبته، رد عليها بكل سعادة وإرتياح ... هي : حبيبي هو : حياتي هي : كان تلفونك مشغول، مع مين كنت بتحكي؟ هو : مع إمي هي : شو بدها؟ هو : كان بالسوق ومعاها أغراض كثير، وطلبت مساعدتي هي : بدك تروح؟ هو : ﻻ طبعاً يا قلبي، ربع ساعة وبكون عندك في طريقه على حبيبته، رن تلفونه ! هو : أوفففففففففففف إمي مرة ثانية خير شو فييييييي صوت غريب مش صوت إمه ! الغريب : السﻼم عليكم، إنت بتعرف صاحبة الرقم؟ قلبه وقع من الخوف ودقاته صارت أسرع هو : أيوااااااااااا هاد رقم إمي، خير شو فييييييييييييي؟ الغريب : والدتك إندهست وهي حالياً في المستشفى ! ولقينا رقمك آخر رقم في تلفونها هو : 10 دقايق وبكون عندك ! ، بعد ما وصل المستشفى، دخل غرفة إمه مثل المجنون، كانت نايمة على السرير كلها دم وفي نفسها اﻷخير ! اﻷم : إنت جيت؟ قلتلهم ما حدا يقولك عشان ما تخاف، إطمن أنا بخير، بس ليش ما جيت وصلتني كنت بدي أعملك اﻷكلة اللي إنت بتحبها هو : خلص يا إمي إنتي رح تتشافي وتعمليلي أحلى أكل إن شاء الله ماما ماما ماما ....... مافي رد ! إتوفت اﻷم إنهار وصار يصرخ والناس تشد فيه قوم يابني البقاء لله هو : ما حدا يقولي البقاء لله إمي عايشة، حضن إمه ويقول : قومي يا إمي إنتي عايشة صح؟ إنتي بتعملي هيك عشان تقلقيني، والله ما رح أزعلك مرة ثانية، بس قومي قومي نروح على البيت، وخُديني بحضنك زي زمان، قومي يا إمي أنا عارفك بتختبري فيي وفي حبي إلك، والله بحبك، قووووووووووووووووومي قووووووووووووومي قومي يا إمي قومي الدكاترة بيشدوه وهو منهار مش مصدق إنها إمه ماتت، إمه اللي عصّب عليها، إمه اللي رفض يوصلها ونزل بسرعة عشان يلحق حبيبته، يا ريت نعرف قيمتهم قبل ما نندم عليهم !! #الله _ يخليلي _امي _و _ ما _يحرمني_ منها _ طول_ عمري هذه عبره ـ اللهم احفظ امهاتنا يا الله |
امين ايمن قصة مؤثرة كتير ما بنعرف قيمة الشئ لنفقده ربي يحفظ امهاتنا جميعا يسلمو |
تعرف ايمن ئصتك بكتني كتير لما امي ماتت وصار ﻻزم نودعها خفت ائرب عليها كنت اول مرة اشوف ميت بحياتي .. وكنت صغيرة لليوم ندمانة وبحكي ي ريت يرجع الزمن وابوس رجليها واحكيلها تسامحني لاني كنت كتير اغلبها وازعلها ما في اصعب من فراق الام الله يخليلكم امياتكم وديرو بالكم حتى ما تندمو بيوم ع التقصير بحقها يسعد مساك |
حبيبتي ملوكةة بكتيني فعلا ئصه مؤثره كتير الله يخليلنا امهاتنا ي رب يسلمو ع الطرح ايمن |
اقتباس:
فعلا مؤثره الام ـ في ناس بتقدرش شو هي غير لما يصرلها شي وتموت بندم وبتذكر انو الام اغلا شي في حياتو " اسعدني تواجدك ريمآ نورتي |
اقتباس:
فعلا ـ كل شي بروح ممكن ننساه لكن الام ما بتنتسا بلمره ـ وبضل اجمل الذكرى الالميه في الحياه بعد ما تموت ـ ربي يرحمها لامك يارب اسعدني مرورك اختي دمتي بحفظ الله |
| الساعة الآن 01:21 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.