منتديات بنات فلسطين - " توآلت الايام " ورحلت ذكريآت الماضي

ماشي #‏بالشارع الساعة 3:45 الصبح تقريباً , طلعت من البيت ورايح عالجامع , وأنا ماشي وقفت حدّي سيارة فيها 4 يهود متدينين , سألوني عن الطريق لمحل بلشت ادل فيهم , ما بعرف شو صار بس حسيت في شي غلط لآنه واحد مسكني من ايدي اليمين و واحد من ايدي الشمال وبلشوا يدفشوا فيي , خلوني اطلع بالسيارة غصبن عني , مشيت السيارة بسرعة كثير كبيرة وأنا مش عارف شو في!
تفرجت على بيتنا يمكن أشوف ابوي بلكي يساعدني , تفرجت بلكي شفت امي اقلها إني بحبها!
من سرعة السيارة اختفت كل معالم البلد , بطلت عارف انا وين .. مش عارف لوين رايح ولا شو بستناني ولا قديش مرق وقت .. مكنتش حاسس بالضرب على وجهي وراسي لآنه ضربات قلبي كانت أقوى وأسرع , فجأة وقفت السيارة بمحل فاضي ما فيه حدا ..
نزلوني من السيارة بقوة وضربوني على راسي ورموني عالتراب .. اجا واحد منهن دار بنزبن بثمي وعلى كل جسمي والثاني رمى علي نار .. دبّت النار فيي يا ناس .. يا عالمم يا بشر يا امة يا عرب!!
والله هاي نار يلي قاعد توكل جسمي , تألمت وصبحت وما حدا سمع صوتي , بدي اعيش عشان إمي ما تعيط , شوي صغيرة بعدها راح الإحساس بكل إشي .. ما عدت مجرد إنسان صرت #‏شهيد ..
روحوا قولوا لإمي إبنك ما مات .. إبنك شهيد.
سامحنا يا شهيد الفجر..
هنآ فلسطين هنآ #‏القدس :"