|
والله في شي عبقري/ تميم البرغوثي قصيدة * والله في شيء عبقري في اللي احنا فيه * : في شيخ بينسى كل يوم مفتاحه جوا شقته ويطلع عمارة غير عمارته ويكسر الباب يضربوه البوابين واخر المتمة يرمي مفتاحه وْ يجيب نبوت والله فيه شيئ عبقري في المزبلة المتكررة في كل شارع زي إمضا البنك فوق البنكنوت والله فيه شيء عبقري في منظر الستات من غير حجاب قبل الجواز ومن الخطوبة محجبات كموظفات مبنى المجمع فكرة واحدة وتنويعات الوش فيه فائض ملامح نصها موجودة فيه والنص عايش في الشتات تلقى صوابعهم بلح أصفر تخين منظر ولون القلابات والله في شيئ عبقري في نسيم من الأسمنت شايل يافطة ضخمة عليها ختم الدولة بتقول "ده نسيم" وان كان عاجبكو يا أهل مصر وأهل مصر مسلَّمين ما هولحكامنا لو مسلمناشِ حانسلم لمين والله في شيء عبقري في شكل الشباب فائض رجولة عفنت من قلة استعمالها لا في الحرب لا في الحب لا في الجد لا في المسخرة والقهوة ملجأ للحديث في الجنس والدين والسياسة وكل واحد وش صاحبه يقول له لأ فيه لسة أتعس منك اطمن جحا متحامي في بيته أبو المرايات والله في شيئ عبقري في جيش بيتجند له جيل ورا جيل قادر يحارب كل حاجة إلا إسرائيل منصورة يا بلدي على قبرص بإذن الله ليه العساكر تبقى بس مراسلة ما تخلوا سلاح الدبابات برضه يجيب ويودي في المراسيل وفي عرض ستة أكتوبر ابقوا حطوا ما بين كل دبابة ودبابة عدد مطبخ وطشت غسيل والله في شيء عبقري في المدرسة ثمانين ولد سردين علب قاعدين لابسين ملابس لا على التعيين وكإنه سجن وكل واحد جي له تعليمه مع التعيين زايدين على حاجة البلد أما اللي بالي بالك فمش زايدين والله في شيئ عبقري في المسخرة دى اللي اسمها بلدي في إنتحار مصر الجماعي والبطيء هانروح في داهية كلنا وْدي العبقرية خلِّيها لكو ألف مبروك ميت سنة يا ملوك والله من قلبي بقول مبروك بعض الجوايز تشبه العقوبات والله في شي عبقري ف حرق الأراضي بنار كده جوة البيوت بتبات سهتانة مالهاش صوت والله في شيء عبقري في العبد يفرس سيده لما ببساطة يموت |
عجبتني كتير حلوة وبحب قصائد وشعر تميم البرغوثي واختصر الواقع المصري والعربي بشوية حكي .. \ ادراجك انيق ومميز .. |
اقتباس:
وانا بحب شعرو لتميم البرغوثي مرورك ع طول بسعدني الصياد كن دائما بالقرب يسعد مساك |
والله في شيء عبقري في شكل الشباب فائض رجولة عفنت من قلة استعمالها لا في الحرب لا في الحب لا في الجد لا في المسخرة والقهوة ملجأ للحديث في الجنس والدين والسياسة وكل واحد وش صاحبه يقول له لأ فيه لسة أتعس منك اطمن جحا متحامي في بيته أبو المرايا بجد شي عبقري حرفه قاتل متل الرصاص انا بحب اشعاره كتير ملك دمتِ متآلقة ومتميزة بإختيارآتك الجميلة والرآئعة التي نفتخر بهآ فشكرا ولك مني أجمل تحية |
اقتباس:
ما راق لك من القصيدة راق لي حبيب العمر كلمات ع الوتر الحساس انرت متصفحي يسعد مساك |
والله في شيء عبقري في المدرسةثمانين ولد سردين علب قاعدين حبيت هالكلمات كتير .. يسلمهم ما ننحرم |
انرتي سمو المشاعر ليلة سعيدة |
والله فيه شيء عبقري في منظر الستات من غير حجاب قبل الجواز ومن الخطوبة محجبات كموظفات مبنى المجمع فكرة واحدة وتنويعات الوش فيه فائض ملامح نصها موجودة فيه والنص عايش في الشتات تلقى صوابعهم بلح أصفر تخين منظر ولون القلابات راقت لي جدا |
انرت حكايه عاشق انرت متصفحي تحياتي |
جميله دمتي ودام نقلك : |
| الساعة الآن 05:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.