|
مش لهالدرجه يا عرب ! انا مسجله بكتير صفحات بالفيس، منها صفحات اخبار، ووحده من الصفحات حطوا هالخبريه عن شب اردني طعنوه، والناس اللي حوليه ئعدوا يصوروه، لاء وئاعدين يسألوه كمان وبحئئوا معه، مهو ميت وجع ويمكن روحه عم تطلع من الوجع، شو متوقعين يجاوبكوا متلا؟!! شو هالعرب التافهه؟؟! من كتر ما انحرء ئلبي عليه، عنجد اشي بخزي، انصدمت، بترككوا مع الفيديو وكل واحد يئلي رأيه .. وهدا واحد من التعليئات ع هالفيديو، "هدا قانون والاردنيون بيحترمو القانون مابيحسن حدا يمد ايدو علية الا الجيهات المتخصصه . الدفاع المدني . مو مثل عندنا هون لما بيسوي شخص حادث بتلاقى العامة بيسارعو لانقادو بدون اي معرفة بطريق الاسعاف . النخوة موجودة بكل الشعوب العربية بس حفاضا على حياة المريض يجب انتظار الاسعاف او الدفاع المدني" https://www.youtube.com/watch?v=Hfp4WUwWOSc |
هو على قد هيك للاسف العرب والعالم بطل عندهم نخوة ولا ضمير سوريا بتذبح و العراق بتذبح وغزة اندبحت وما حدا حرك سااكن الله يلعن من هيك عالم ومن هيك ضمير ومن هيك عروبة |
حبيبتي سمرة وصلنا لمرحلة انو ناخد سيلفي اهم من حياه ابن ادم عالم جنت ..ما ضل نخوة!! شو نحكي شي بحرء الدم تحياتي |
مزبوط حكيك خيا تائه، العرب بالمره اصبحوا "عدم"، معدومين الوجدان، اي قانون هدا يللي بدو يمنع الناس يئربوا عليه ؟! مش يمكن هالناس اللي حوليه كان بيطلع بإيدون اشي؟ شكلها ئلوبن ما تحركت بهالموقف، تنشوف شو اخرتا مع العرب .. يسلمو ع رأيك :137: .. |
اقتباس:
مزبوط حكيك ملك، اليوم كله صار يهمه نفسه، وكله داير ع تفاهات التصوير، يعني لو طلعت روحه مات ئدامون عادي ولا كإنو صار اشي!! ما عاد في خير بهالدنيا، يسلمو ع رأيك :137: .. |
ول مش للهدرجة حرام عليهم صحيح الواحد ما لازم يتسرع بهيك مواقف بس ممكن تتأزم حالتو , وينزف اكتر مش منطق يعني اكيد ف ناس بيفهمو بالاسعاف الاولي ليش ما يتحكركو فيديو مخزي بجد |
والله ئلبي صار يوجعني عليه، ما تحركوا من تفاهتون، مش فاهمه لشو التصوير بهالمواقف؟! وشكلون معدومين الئلب، لو حسوا كانوا تحركوا وساعدوه ولو اشي بسيط، بس شو بدنا نحكي؟ هدا حال العرب "معدومين الانسانيه"، وحرب غزه اكبر دليل!! شكرا ع رأيك احلام، منوره :137: .. |
حسبي الله عليهم و على الحكآم العرب اللي سآكتة على هيك موقف عآر عليهم هالعرب شكراً سمره |
شو هادا والله مؤلم ياخدوه عالمستشفى بدل ما يحققو معه اما عالم تافهه هو عارف يحكي شكرا سمره قهرتيني:124: |
بتذكرني بغزة . لما كانت جريحة و بتنتظر الدول العربية تساعدها . لكن كلهم وقفو يتفرجو بس . شو بتتوقعي من ناس ما عندهم نخوة ولا احساس ؟ لا و الي بيقهر اكتر الي باول الفيديو بيقول " شفنا اكتر من هيك " يعني عشان شفت اكتر من هيك خلص تسيبو . رح يجي يوم تكون مكانو , حسبي الله ع كل عربي . المسلم قبل المسيحي احنا الي وصلنا حالنا لهون . |
البريئه، حبيب، مزبوط حكيكوا، عرب شو بدو يطلع منون، وطول عمرون دايرين ع التفاهات، تنشوف هالتفاهات لوين رح توصلون .. دارك ديفل، حكيك بمحله، سبئ وحكيت اكبر دليل ع برود العرب حرب غزه، ما بعرف شو الاشي العظيم اللي كسبوه من التصوير! واصلا الدنيا مش مطوله ع هيك بشر .. شكرا ع آرائكوا :137: .. |
هؤلاء بشر بلا شفقه ومعدومي الضمير وبلا مشاعر بهذا الشكل البشع وهذا الفيديو يدل على شيء بسيط بمقارنه ما يجري باوطاننا والاهمال اللااخلاقي من قبل الماره موقف مؤلم الحيوان عندما يرى حيوان اخر بهذا الموقف يحاول انقاذه مشكورة على ادراج الفيديو الوطن والغربه |
| الساعة الآن 10:51 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.