منتديات بنات فلسطين - " حلمك مش بعيد حلمك بين ايدين ربنا اصلح نفسك هيرزقك باللي بتتمناه وأكتر

هو وهى يومـ فرحهمـ

هو : نورتى بيتك يا عروستى
هى : ده نورك أنت يا حبيبى

هو : أخيراََ بقي الدوشة خلصت والدنيا بقت رواق أنا وأنتى وبس
هى : ببصة مكسوفة احمـ طيب عن اذنك ثوانى

هو : اتفضلي يا حبيبتى بس متتأخريش عليا

_ بعد 5 دقايق خرجت ولابسه الاسدآال

هو : ابتسمـ ابتسامة خفيفه كلها حب
هى : ايه مالك ؟

هو : مفيش أصلي كنت لسه هنادى عليكي علشان أقولك البسيه علشان نصلي
هى : يعنى وهى دى حاجه هتفوتنى برده ده أنا حلمـ عمرى نصلي سوا وتكون ليا الآمامـ

هو : بابتسامة واسعه اوى كلها فرحة ^__^ طيب يلا يا ستى

_ بدأ يقرأ بآيات من سورة الرومـ لحد ما وصل للأية " ومن آياته أن خلق لكمـ من أنفسكمـ أزواجاََ لتسكنوا إليها وجعل بينكمـ مودة ورحمة إن في ذلك لآيات لقومـ يتفكرون "
كمل صلاة وهو سامع صوتها بتعيط بعد ما سمعت الآية دى يسجدوا وهما الاتنين يدعوا نفس الدعاء " ربنا يحفظهمـ لبعض ويبارك ليهمـ فـ زواجهمـ ويجعل بينهمـ الخير والمودة والرحمة "
_ بعد ما خلصوا صلاة فكلها طرحة الاسدال وحط ايده على راسها ومسح ليها شعرها بايده

هو : مالك بس بتعيطى ليه دلوقتى ؟
هى : بعياط وصوت مكتومـ اصلي فرحانة اوووووووى

هو : ابتسامة خفيفه ويسألها " طيب وهو الفرحان بيعيط كده برده ؟
هى : صوتك دخل #قلبي أوى وحلو أوى وأنا من زمان وانا نفسي اقف بين ايدين ربنا بس وأنا معاك

هو : وادينا الحمد لله اتحققت أمنيتنا ويحط ايده على راسها ويدعي ويقول (اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه)
قومى بقي يلا اغسلي وشك و روقى كده وانتى عسل وزى القمر كده مراتى قمررررر يا ناس
هى : اتكسفت وضربته فـ كتفه وراحت تغسل وشها

هو : الحمد لله يارب انك أنعمت عليا بالحلال