حكالي حد وانا صغيره ، انه الحب مكانه في القلب ، ولو شو ما عملت وقديه حبيت ما حد راح يعرف عنه ، وانا كنت مصدّق هالكلام ، بس شوي كبرت بلشت احب واتعلق باشياء كتير ، بس صرت احس انه الاشي ما بقدر اخبيه حتى لو موجود جواي لانه اشي طبيعي الحد بس يحب اشي ما بقدر يسكت ، بضل يحكي عنه ولو سكت عيونه بتلمع بس ينجاب سيرت هالاشي ، ودايماً بدندن باسم هلاشي وبفكر فيه ف اشي طبيعي تحكي اسمه هيك فجاة بصوت عالي ، او تتخيله قدامك ، انك تحب يعني انك تلاقي اشي ب الواقع وتدخلّه جواك بالخيال ، وتكمل حياتك ع اساس انه هو جواك ، وعايش معك وانت عايش معه ، انك تحب يعني لو هالاشي انجرح تحس بالوجع انت كمان لانه هو اصلاً صار قطعه منك متل م انت قطعة منه ، الحب هو شي روحاني من جوا كتتير اكبر بكتير من كلام وصوّر وحكي ! او يمكن ع شكل ابتسامه ، ضحكه ، صدفة ، او في بعض الاوقات دمعة !
|