|
ﺍﻟﻼﻣﻨﻄﻖ ﺍﻟﻤﻨﻄﻘﻲ ﻓﻲ ﻏﺰﺓ ﺍﻟﻼﻣﻨﻄﻖ ﺍﻟﻤﻨﻄﻘﻲ ﻓﻲ ﻏﺰﺓ : ١ . ﺃﻧﻮ ﺍﻟﺜﻼﺟﺔ ﻭﺍﻟﺨﺰﺍﻧﺔ ﻳﺼﻴﺮﻭﺍ ﻧﻔﺲ ﺍﻟﺸﻲ " ﻳﻌﻨﻲ ﻟﻮ ﺣﻄﻴﺖ ﺍﻟﺨﻀﺎﺭ ﻭﺍﻟﻔﺎﻛﻬﺔ ﻭﺍﻟد جـﺎﺝ ﻓﻲ ﺍﻟﺨﺰﺍﻧﺔ ﺗﺆﺩﻱ ﻧﻔﺲ ﺍﻟﻐﺮﺽ ." ٢ . ﺃﻧﻮ ﺗﻄﻠﺐ ﺗﺸﺮﺏ ﻛﺄﺳﺔ ﻣﻴﻪ ﺑﺎﺭﺩﺓ ﺯﻱ ﻛﺄﻧﻚ ﺑﺘﻄﻠﺐ ﺭﻓﻊ ﺍﻟﺤﺼﺎﺭ ﻋﻦ ﻏﺰﺓ . ٣ . ﺃﻧﻮ ﺍﻟﻜﻬﺮﺑﺎ ﺗﻴﺠﻲ ٣ ﺳﺎﻋﺎﺕ ﻣﺘﻮﺍﺻﻠﺔ ﻓﻲ ﺍﻟﻴﻮﻡ ﺗﺼﻴﺮ ﺗﺤﻜﻲ ﺧﻴﺮ ﺷﻮ ﻓﻲ !! ﻟﻴﺶ ﻣﺎ ﻗﻄﻌﻮﻫﺎ ﻟﺤﺪ ﻫﻸ .!! ٤ . ﺃﻧﻮ ﺗﻨﺰﻝ ﺗﻌﻘﺪ ﻣﻊ ﺍﻟﺸﺒﺎﺏ ﺗﺤﺖ ﺑﻴﺘﻜﻢ ﻣﻐﺎﻣﺮﺓ ﻳﺠﺐ ﺍﻟﺘﻔﻜﻴﺮ ﻓﻲ ﻣﺨﺎﻃﺮﻫﺎ، ﻭﻳﺎ ﻋﻴﻨﻲ ﻟﻮ ﺑﺪﻙ ﺗﺮﻭﺡ ﻋﻠﻰ ﺍﻟﺴﻮﻕ ﺗﺸﺘﺮﻱ ﺃﻏﺮﺍﺽ ﻛﺄﻧﻚ ﻓﻲ ﻣﻬﻤﺔ ﺧﻠﻒ ﺧﻄﻮﻁ ﺍﻟﻌﺪﻭ . ٥ . ﻟﻢ ﺗﻘﺮﺭ ﺗﺄﺧﺪ ﺩﺵ ﻻﺯﻡ ﺗﺴﺘﺸﻴﺮ ﻛﻞ ﻳﻠﻲ ﻓﻲ ﺍﻟﺒﻴﺖ ﻭﻻﺯﻡ ﺣﺪ ﻳﻄﻠﻊ ﻳﺸﻮﻑ ﻣﻨﺴﻮﺏ ﺍﻟﻤﻴﺎﻩ ﻓﻲ ﺍﻟﺨﺰﺍﻧﺎﺕ " ﻭﻫﻨﺎ ﺗﺒﺪﺃ ﺍﻟﻤﻬﻤﺔ ﺍﻟﺠﻬﺎﺩﻳﺔ ﻷﻧﻮ ﻃﺎﺋﺮﺍﺕ ﺍﻹﺳﺘﻄﻼﻉ ﻣﺶ ﻓﺎﻫﻤﺔ ﺃﻧﻚ ﺑﺪﻙ ﺗﺄﺧﺪ ﺩﺵ ." ٦ . ﻓﻲ ﺍﻷﺳﺒﻮﻉ ﻟﻮ ﻃﺒﺨﻨﺎ ﻃﺒﺨﺔ ﻻﺯﻡ ﺗﻜﻮﻥ ﻋﻠﻰ ﺃﻋﻠﻰ ﺩﺭﺟﺎﺕ ﺍﻟﺤﻴﻄﺔ ﻭﺍﻟﺤﺬﺭ " ﻷﻧﻮ ﻓﻲ ﻧﺎﺱ ﺑﺘﺄﺧﺪ ﺻﻮﺭﺓ ﺗﺬﻛﺎﺭﻳﺔ ﻣﻊ ﺟﺮﺓ ﺍﻟﻐﺎﺯ ." ٧ . ﻟﻮ ﺑﺪﻫﺎ ﺗﻨﻘﺼﻒ ﺩﺍﺭ ﺟﺎﺭﻛﻢ ﺃﻭ ﺣﺪ ﺣﻮﺍﻟﻴﻜﻢ ﺑﺘﻘﻠﺐ ﻓﺠﺄﺓ ﻣﻬﻨﺪﺱ ﻣﻌﻤﺎﺭﻱ ﻭﺗﺼﻴﺮ ﺗﺪﻭﺭ ﻋﻠﻰ ﺍﻟﺤﻴﻄﺎﻥ ﺍﻟﺒﺎﻃﻮﻥ ﻳﻠﻲ ﻓﻲ ﺍﻟﺒﻴﺖ ﻭﺗﻤﺮﻛﺰ ﻓﻲ ﺍﻟﻤﻮﻗﻊ ﺍﻟﻤﻨﺎﺳﺐ . ٨ . ﻓﻲ ﻧﻬﺎﻳﺔ ﺍﻷﺳﺒﻮﻉ ﻛﻞ ﺍﻟنساء ﺑﺘﻘﻠﺐ ﻧﺎﻧﺴﻲ ﻋﺠﺮﻡ ﻋﻠﻰ ﻃﺸﺖ ﺍﻟﻐﺴﻴﻞ ﻭﻏﺴﻞ ﻳﺪﻭﻱ ﺃﻭﺗﻮﻣﺎﺗﻴﻜﻴﺎ . ٩ . ﻓﻲ ﺍﻟﺴﻮﻕ ﺑﺘﺼﻴﺮ ﺗﺘﻄﻠﻊ ﻋﻠﻰ ﺍﻟﻤﺎﻧﺠﺎ ﻭﺗﻔﻬﻢ ﺃﻧﻮ ﺍﻟﺒﻨﺪﻭﺭﺓ ﻓﺎﻛﻬﺔ ﻣﻦ ﺍﻟﻄﺮﺍﺯ ﺍﻟﻔﺮﻳﺪ " ﺍﻟﺒﻮﻛﺴﺔ ﺏ٨٠ ﺷﻴﻜﻞ ﺇﺫﺍ ﻟﻘﻴﺖ ﺃﺻﻼ ." ١٠ . ﺍﻟﻨﺎﺱ ﺑﺘﺒﻴﺾ ﻣﻦ ﻏﻴﺮ ﻛﺮﻳﻤﺎﺕ ﻭﻻ ﻣﻮﺍﺩ ﺗﺠﻤﻴﻞ " ﺍﻷﻗﺎﻣﺔ ﺟﺒﺮﻳﺔ ﻏﺼﺒﻦ ﻋﻦ ﺭﺃﺱ ﺃﺑﻮﻙ، ﻷﻧﻮ ﺍﻟﻄﻴﺎﺭﺍﺕ ﻣﺶ ﻫﺘﻔﻬﻢ ﺃﻧﻚ ﺑﺪﻙ ﺗﺸﻤﺲ ." ١١ . ﻳﻮﻡ ﺍﻟﺠﻤﻌﺔ ﻣﻤﻜﻦ ﺗﻘﻠﺐ ﺃﻣﺎﻡ ﻣﺴﺠﺪ، ﻭﺗﺨﻄﺐ ﻭﺗﺼﻠﻲ ﺃﻧﺖ ﻭﺍﻟﻠﻲ ﻓﻲ ﺍﻟﺒﻴﺖ ﺟﻤﺎﻋﺔ . ١٢ . ﺑﻌﺪ ﻣﺎ ﺗﻨﻘﺼﻒ ﺩﺍﺭ ﻓﻲ ﺍﻟﺸﺎﺭﻉ ﺑﺘﺼﻴﺮ ﺃﻧﺖ ﻭﺍﻟﺠﻴﺮﺍﻥ ﻧﺎﻳﻤﻴﻦ ﻣﻊ ﺑﻌﺾ ﺭﻏﻢ ﺃﻧﻮ ﻛﻞ ﻭﺍﺣﺪ ﻧﺎﻳﻢ ﻓﻲ ﺩﺍﺭﻩ "ﺍﻟﺸﺒﺎﺑﻴﻚ ﺑﺘﻜﻮﻥ ﺍﻟﻠﻪ ﻳﺮﺣﻤﻬﺎ ." ١٣ . ﺃﻧﻮ ﺟﺎﺭﻙ ﻳﺴﺄﻟﻚ ﺍﻟﻘﺼﻒ ﺧﻠﺺ ﻭﻻ ﺷﻮ ﻳﺎ ﺟﺎﺭ ﻭﻳﺤﺴﺴﻚ ﺃﻧﻚ ﻗﺎﻋﺪ ﻓﻲ ﺍﻟﻄﻴﺎﺭﺓ f16 . ١٤ . ﺑﻴﻜﻮﻥ ﻓﻲ ﺧﻤﺴﻴﻦ ﻭﺍﺣﺪ ﻓﻲ ﺍﻟﺪﺍﺭ ﻋﻨﺪﻙ ﻭﻳﺘﺼﻞ ﻋﻠﻴﻚ ﻭﺍﺣﺪ ﺩﺍﺭﻩ ﺍﻧﻬﺪﺕ ﺗﻘﻮﻝ ﻭﺍﻟﻠﻪ ﻻ ﺗﻴﺠﻲ ﺍﻟﺪﺍﺭ ﻓﺎﺿﻴﺔ ﻳﺎ ﺯﻟﻤﺔ . ١٥ . ﺃﻧﻮ ﺍﻟﻮﺍﺣﺪ ﻳﻀﻞ ﻗﻠﻘﺎﻥ ﻣﺶ ﻋﺎﺭﻑ ﻳﻨﺎﻡ ﻣﻦ ﺍﻟﻬﺪﻭﺀ ﺍﻟﻘﺎﺗﻞ ﻭﺑﺲ ﻳﺒﺪﺃ ﺍﻟﻘﺼﻒ ﺍﻟﻨﻌﺲ ﻳﺒﺪ ﻋﻠﻴﻪ . ١٦ . ﺃﻧﻮ ﺍﻟﻮﺍﺣﺪ ﻳﻜﻮﻥ ﻓﻲ ﻗﻤﺔ ﺍﻟﻘﻬﺮ ﻭﺍﻹﻛﺘﺌﺎﺏ ﻭﻳﻘﻌﺪ ﻳﻜﺘﺐ ﻛﻼﻡ ﺯﻱ ﺍﻟﻠﻲ ﺑﺄﻛﺘﺒﻪ ﻫﺎﺩﺍ . ﻳﺎ ﺭﺏ ﻧﻀﻞ ﺑﻌﻘﻠﻨﺎ ﻟﺤﺪ ﻣﺎ ﺗﺨﻠﺺ ﺍﻟﺤﺮﺏ . 17 . و من راقب المفاوضات مات هما *** ( ﻣﻨﻘﻮﻝ ) *** ﻭﺍﻟﻠﻲ ﺑﺪﻩ ﻳﺘﻔﻠﺴﻒ ﻋﻠﻰ ﺍﻫﻞ ﻏﺰﺓ ﻳﺠﻲ ﻳﻌﻴﺶ ﻓﻴﻬﺎ |
ﻻحول وﻻ قوة اﻻ بالله انشالله برفعو الحصار وتنتهي مأساة غزة ع خير الموضوع رغم الطرح الظريف اﻻ انو فعلا مؤلم يسلمو اختي تحياتي |
ربي ينصركم ع القوم الظالمين ان الله مع الصابرين سلمتي عزيزتي :111: |
الله يعينون، والله محداش رح يحس بهالاوضاع غير اللي عايشين بغزه، ان شاء الله بتوئف الحرب وما بصير الا كل خير، ربنا موجود وبنساش حدا .. |
ههههه ممم هالامور بنعيشها يوميا والله , كل بند من البنود بنعيشو بتفاصيله , يسلمو كتيير الك اختي , وصفتي الوضع بدقة ,, |
الله يعينكم وربنـآ معاكم مشكوورة عالادرآج |
وضع اصعب من صعب رغم هيك في صبر وامل كبير بقلوبهم والله محداش بيتحمل هيك بس ان شاء الله الأيام الجاية احلى |
معك حق انشاالله بتنتهي الحرب ع خير يا رب .. |
والله يا اختي كلامك يدمي القلب هو هادا الواقع للاسف هل من مجيب او عاقل مستمع لكن الله اكبر من الجميع ومتل ما حكيت من بداية الحرب مع المنا وقهرنا وتضامننا معكم الا انه الي بياكل العصا مو متل يلي بعدها الله يعينكم ويصبركم وينصركم |
يارب تنتهي كل هالحرب علي خير حياة صعبة لكن صامدين الحمدلله ارض الرباط ربي يعوضنا خير يسلمو غاليتي |
| الساعة الآن 03:09 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.