| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
قصة ليلى والذيب ع ذمة ستي
مرحبا اصدقائي مين منا ما بعرف قصة ليلى والذيب؟؟ اكيد كلنا بنعرفها بس ع ذمة ستي انو ليلى اسمها الحقيقي صبحية والذيب ظبع تعالو نسمع القصة من ستي
 |
| | LinkBack | أدوات الموضوع | انواع عرض الموضوع |
|
#1
08-10-2014
| |||||||||||||
| |||||||||||||
قصة ليلى والذيب ع ذمة ستي مرحبا اصدقائي مين منا ما بعرف قصة ليلى والذيب؟؟ اكيد كلنا بنعرفها بس ع ذمة ستي انو ليلى اسمها الحقيقي صبحية والذيب ظبع تعالو نسمع القصة من ستي ستي احكيلنا قصة صبحية والظبع ستي: بعد ما لكّطت صبحية الزتونات طلعت من الأرظ رايحة توصّل تنتشة هالزتون لستها و مشت بنصاص هالليالي بين هالشجر و هي بتغني عزاريف الطول و شوي ولا بنطلها ظبع و مسكها و كلّها استني ولي وين رايحة بهالليالي ؟ كلاتلو و انت ايش دخلك يا ... ما عندكش خوات ؟؟ و يم طالت صبحية هالعصاية من الأرظ و بلشت . و بعد ما بهدلته و كلّت كيمته دارت ظهرها و توكلت عاد هون الظبع ما كبلهاش عحاله صبية زغيرة تبهدله كدام أهل بلده !!! و أخذ هالتاكسي و نط طيران عبلد ست صبحية دك الباب عالحجة ام مفلح (ست صبحية) و كعد يستنى تنو هالختيارة توصل باب الدار و لما و صلت الحجة عباب الضار كالت : أنووو ؟ كلها أنا صبحية يا ستي .. جايبتلتش تنتشة هالزتون ملكطتها كبل شوي فتحت الباب هالحجة و هي بتكول الله يرظى عليتش يا صبحية و بعد ما فتحت الباب جحر فيها الظبع جحرة ،،، و ظحتشلها ظحتشة صفرة وكلها يا فكيرة انت مين ما كلك أنا صبحية بتفتحيلو كعدت تردح ام مفلح بدها تشرد من الظبع .. كلها وين رايحة يابا دخول الحمام مش مثل طلوعه .. ويم بلعها مرة وحدة مثل حبة بنادول و كعد يستنى الظبع بصبحية عشان يكعدها جمب ستها وصلت صبحية عبيت ستها و دكت الباب كلها الظبع مين كالت أنا صبحية يا ستي كلها ادخلي يا ستي الباب مفتوح دخلت صبحية عالغرفة و شافت الظبع .. كالتلو ايش بتسوي هون ولاا .. وين ستي ؟ كلها فبطني .. كالتلو بتتخوث يا ملوّث .. و سحبت موس كباس أبو ثلاث براغي 20 صانتي و فزرت كرشة الظبع و طلعت ستها المستشينة .. كعدت ام مفلح تدعي لبنت ابنها اللي طلعتها من كرشة الظبع بعدين تعشين عالزتونات و نامت صبحية عند ستها و هاي كصة صبحية و الظبع يسلمو ستي ع الكصة الحلوة بتشنن المصدر: منتديات بنات فلسطين - من قسم: قصص أدبية , روايات , حكايات , تاريخ الأدب والأدباء rwm gdgn ,hg`df u `lm sjd gdgn ,hg`df  |
|
08-10-2014
| #2 | |
 حَــٍْٓرَُِةهَْٓ ِْ 
 |
ههههههههههههههههههههههه مش معئوله ملك انتى وربي ضحكتي وصلت عند الجيران رائعه جدا جدا من احلا مواضيعك حبييت كتيررر ههههههه يسلمووو ملوكتي  | |
| |
|
08-10-2014
| #3 | |
جنوون المطر
|
هههههههههههههه والله احلى قصة ذكرتيني بستي الله يرحمها كأنها هي الي بتحكي بالقصة .
| |
| |
|
08-10-2014
| #4 | |
 حنين لرائحة زمن مضى ツ
| هههههههههههههه حلوي حلوي، بس شو مع الكاف  ،يسلمو حبوبه، عنجد الئصه بتنم ع روحك الحلوه  .. | |
| |
|
08-10-2014
| #5 | ||
 
| اقتباس:
ههههههه حبيبتي هاي ستي ملان عندها خراريف يختي شل يوم كبل ما ننام بتحشيلنا كصة جديدة الله يعينا عليكي ي ستي منورة ميوووووش | ||
| |
|
08-10-2014
| #6 | ||
| اقتباس:
اعتبري ستي ستك وازا بدك ياها ع حسابك هههههههههههه منورة زين | ||
| |
|
08-10-2014
| #7 | ||
| اقتباس:
هاي الئصة بالعامية عنا وعنا الكاف بحطوف ش والله صعب افهمك هههههههه نورتي ي عسل | ||
| |
|
08-10-2014
| #8 | |
|
جنوون المطر
|
هههههههههه الله يخليلك ياها تسلمي بتشرف اكون بقربلك ..اللغة العامية الجاف يعني الكاف
| |
| |
|
08-10-2014
| #9 | |
 الملك الحر
|
هههههههههههه #ذكريات .. طفولة .. ايام جميلة .. قصة جميلة و مؤثرة في حد ذاتها رجعتنا لايام لا تنسى اشكرك | |
 |
|
08-10-2014
| #10 | ||
| اقتباس:
استنو ستي كل ليلة بئصة جديدة نورت قبطان | ||
| |
|
| الكلمات الدلالية (Tags) |
| ليلى والذيب |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اه يا أمة محمد | رقة قلب | يـوتيوب بنات فلسطين | 7 | 01-28-2014 04:44 AM |
| أول كنت أحلى ..! | نسائم الماضي | الــشعـر والـشعـراء | 10 | 01-25-2014 12:20 PM |
| أحلي ليلي وأدم وسلوي ونينا ^_^ | شَرقيّہ مُتَمرّدْهـ | װ.. ξــآلَمُ الأطـفَـآل |~ | 17 | 01-19-2014 07:49 PM |
| الملحمة الكبرى ( ارض الشام ) محمد العريفي ,محمد حسان ,طارق السويدان. | بنات فلسطين | ▪« قطوُفٌ دَآטּـيَة ]≈● | 6 | 09-04-2013 03:22 PM |
الساعة الآن 12:25 PM
