منتديات بنات فلسطين - شاركينا مشاعرك .. عبارات وصور

واضح جداً انه اليوم احتمال كبير يكون في سقوط أمطار سواء من النظر للجو، أو من توقعات الأرصاد الجوية.. فَمِن الطبيعي انه الواحد ياخده الاحتياطات اللازمة، مثلاً إزا طالع ياخد معه شمسية ويلبس منيح ويحط في جيبه كيس نايلون للإحتياط، ازا في البيت يسكّر الشبابيك ويشغّل التدفئة ويسخن الميّة ويلبس كويس...هلْمّ جَر!
اهالي المناطق المنكوبة الّي تعرّضت للدمار خلال الحرب على ‫#‏غزّة‬، طريقتهم مختلفة شوي في الاستعداد للأمطار.. بيروحوا بيجمعوا كل العفش في أقل غرفة بتسرّب مية، وبسكنوا الخُزُن وبلفوا اواعيهم بالنايلون -هاد إزا لقوه-، وبعدين بيجمعوا كل الجرادل والحِلل وبيحطوهم تحت سقف الغرفه الي حيناموا فيها، عشان ما يغرقوا بالمية، وبعدين كلهم بيلزقوا في بعض وعلى شرشف واحد بناموا جنب بعض، وبقولوا يارب!
هلاء السؤال القوي: انتَ كَمواطن فلسطيني بتفكّر بالناس هدول؟! أو انت كمسّلم بتفكّر بالناس هدول؟! طيب انتَ كإنسان بتفكّر بالناس هدول؟!
أسأل الله أنْ يحرِم مَن حرَم هؤلاء الدفء وساعد في حرمهم، وأسأل الله أن يمدهم دفءً في قلوبهم في الدنيا والآخرة وارحمهم برحمتك وكُن لهم خير مُعين، واسترنا واسترهم فوق الأرض وتحت الأرض ويوم العرض عليك، واكفهم واغنهم اللهم بحلالك عن حرامك، واجعل صبرهم واحتسابهم اجراً وثواباً لهم في ميزان حسناتهم!

Photo by / Mhmed A Hajjar

Shija'eya - 22.2.2015

https://fbcdn-sphotos-h-a.akamaihd.n...4bc6a3cf884c3f