|
انت رحت وانا انتهيت ، ★ لك عم تشتي والجو كتير بجنن ، بهيك وقت انت عارف شو بحب اعمل صح ، انت اكتر حدا عارف عاداتي شو بحب شو بكره ، انت وحدك يلي بتفهمني بدون لاحكي ، أنت الي حافظ كل تفاصيلي الصغيرة لهيك وحدك انت يلي حبني كتير يمكن اكتر من حاله ... ذاكر جنوني وحركاتي الهبلة الي كان الكل يضحك عليها بس انت كنت تعشقها ، ، كنت تقلي أنتِ حدا مختلف عن كل هالعالم ، أنتِ بجد ملاك ونياله يلي راح تحبيه ، كنت تتغزل فيا وفي عيناي على طول ، شو كنت تعصب بس تشوفني ببكي ، وتقلي ولك انتِ ليش بتكبري الامور وتعصب مني وانا عصب عليك وقلك لا تحكي معي ، تروح معصب مني وبعد شوية صغيرة بلاقيك راجع بشي بخليني اضحك من قلبي ، لك انت مش معقول شو ما حكيت عنك عمري ما راح اقدر اوصفك صدقني ، انت حدا همه بس كون انا مبسوطة ، حدا عايش ليقلي بس حاضر ونعم وطلباتك اوامر ، وقت كنت انت معي صدقني عمري ما نمت وانا جواتي وجع ولا حكي مخبئ ، لك انت كنت تاخد مني كل وجعي كل شي بشع وتعطيني كل شي حلو ... لساتني ذاكرة وقت كان بدي شوكولاته وكانت عم تشتي بشكل مش طبيعي وانت جيب بعز الشتا لتجيبها الي ، هه لك لهلأ بضحك وقت اتذكر لما فتت عنا عالبيت وامي بتقلك لمين هالشغلات وقتها شكلك كان بضحك وانت مرتبك مش عارف شو ترد .. ووقتها انا سمعت حكي مرتب بس شو ضحكنا بعدها ... متل اليوم كان عيد ميلادك ، ما بتذكر انك مرة احتفلت فيه او انك حبيت تحكي انه عيد ميلادك كأنك كنت خايف من هيك يوم وكل ما سألتك ليه تتهرب من الجواب وكنت عصب منك وازعل .. لك اليوم انت مش هون لأسالك هاد تاني عيد ميلاد يجي وانت مش هون ، اليوم المفروض تكون كملت سته وعشرين سنة من عمرك ، بس الموت سرقك قبل سنة واربع شهور وخمس ايام ، سرقك مني من اهلك ، سرقك من كل حدا حبك ، عارف يلي بوجعني اكتر من موتك انك متت وانت جواتك غصة مني وانت ما بتستاهل هيك شي ، انت بالذات ما بتستاهل مني هيك ، لك والله كنت غبية وقت حكيت الك لا ، ريتك ترجع صدقني راح قلك وانا كمان بحبك ، لك لو بس تعرف الفراغ يلي بحياتي من بعدك ، لو تعرف شو صار الي بعدك ، لك صرت نام كل ليلة والدموع مغرقة مخدتي ، تعبت وانا افسر للناس ليش انا هيك مزاجيةة ، محدا راح يفهم انك السبب ، انه غيابك من حياتي كسرني وكسر قلبي ، انك لما رحت اخدت روحي ، صرت بدون روح ، وصارت كل ضحكاتي كذابة ، صرت خاف اتعلق بحدا من بعدك ، وصار الحب شي تافه بالنسبة الي ، لك مين متلك انت راح يفهمني ، مين متلك راح يحبني لاني انا !! لك كلهم ما حبوني لحالي متلك ، كلهم جرحوني عكسك ، لك ابويا وامي ما فهموني ولا حبوني متلك انت ، انت استثناء بحياتي ، شي بدفع عمري ليعود يوم وقله انا اسفة وخدني معك ، لك بحكولي الميت بحس فينا ، معقول حاسس في انت ، معقول مانك زعلان ولا مقهور مني !! اليوم رحت على البحر لحالي ، نفس المكان الي كنت تحب تتجمع فيه مع رفقاتك وتاخدنا عليه وقت تطلع العيلة ، قعدت هناك ساعتين بلا حركة بلا صوت ، لك شفتك قدامي شفت ضحكتك وجهك الي اشتقت اله كتير ، لك بحبكك انا اكتر ما في احكي اشتقتلك كتير يا انا اكتر ما حدا بهالكون اشتاق لحدا ، لساتها عم تشتي يا انا ، ولساتني من جواتني عم ببكي ع فراقك الي سرقني وغيرني ، ريتني بهداك اليوم ما حكيت الي حكيته ، ريتك كنت معنا وما رحت على البيت ريتني منعتك وما صار الي صار .. وبشو راح تنفع يا ريت خلصت انت رحت وانا انتهيت ، ★ |
صدقني روحي تعبت وهي تحارب اناث الكون لتحافظ عليك ، تعبت وانا اراك تضحك مع غيري كما تضحك معي ، تهتم يهم كما تهتم بي ، أعتبرتك كل شي وانت أعتبرتني جزءا من اشياء ،كثيرا انتظرتك بشتاء نوفمبر أن تاتي تضم قلبي لو قليلا لكان طال انتظاري وانتظار قلبي حبك متعب جدا صدقني ، انا لا استوعب ابدا افعالك ، وبت أشعر بزيف مشاعرك ، تلك التي تمنحها لكل انثى لك ابتسمت ، انت رجل خال من الحب ، تلهو بالإناث كحجر نرد ، تسكن بداخل كل أنثى ولكن لا انثى تسكن داخلك أنت ، |
من كتم كثيرآا حين يبوح يوجع كثيرآا ، ★ |
]
|
]
|
لآا شي يذكر يآا سآدة أو يحكى ، ★ |
طفل شآاذ لآا يعي الأكتفآاء ، " أيظن أنني لعبة بيداه يلعب بها متى شآاء !؟ يهملها فيعود ليجدها !؟ أظن أنني كتلة بلا إحسآاس يجرحهآا فلا تعي وقع الجراح !؟ أراني دمية جميلة يبدلها بالعشرات كلما سئم واحدة تخلص منهآا وحين يحن لأحدها يعود !؟ يآا لجبروتك يآا أنت ، كم أنت طفل شآاق شآاذ ، لآا يعي معنى الأكتفاء ، يطلق وعود كآاذبة بالهواء ، يهو التغير لآا يحب الأستقرار ، يتلذذ بالتعذيب والدمآاء ، كفآاك لهوا بالقلوب كأنها ألعاب ، كفآاك عنجهية كفآاك أستبداد ، |
]
|
]
|
في خضم وجعي ذكرتك ابتسامتك الغامضة ، ووقع حرفك ، قسوة قلبك وخوف قلبي ، رجفة نفسي بين يداك عبث حبك بداخلي الملثم ، في خضم اشتياقي ذكرتك ، حروفك المخملية ، و نغم شعرك ، هروب النغم منك الي ، دندنات العشق من شفتيك ، عبثك المخضرم ، ★★★ وإني إن ذكرتك بكيت بللت الثرى بالدمع الملون ، صرخت بالكون الاخرس ، اعيدوه لقلبي اعيدوه ، وبعشقه دعوني اتلفح ، وإني إن منعوك عني ، تمردت على الحرف الملعون ، صرخت باقوام الجن والانس ، هو ملك لقلبي فدعوه ، وبعطره دعوني اتلفح ، ★★★ |
| الساعة الآن 08:49 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.