او
لمشاركة اصدقائك!
01-16-2015
| #583 | |
 
 | 
عم أتذكر زمان وشو أشتقت لزمان ،، لضحكاتك لمزحاتك لحكيك لكل شي كان يطلع منك ،، كيف كنت قادر تفهمني بدون ما احكي ، كيف قدرت تستوعب عقلي الصغير يلي ما حدا غيرك أستوعبه ،، كيف كنت قادر تسرقني من جوات الزعل وأضحك من قلبي ،، هلأ قاعده بتذكر زمان بس الدمع من عيني عم ينزل ! مو متل زمان كنت بس تيجي ع بالي أضحك من قلبي ،، زمان كنت بس بدي إياك الأقيك جنبي وبس اقع بمشكلة تقق جنبي لتنحل ، بسس !؟ هلأ وقعت بكتير مشاكل وما حدا وقف معي ! ولك أشتقت لزمان كتير للجنون للهبل للمقالب والضحك ،، زمان كنت تحكي عني البنت الهبلة يلي ما عم تبطل تضحك ! بس هلأ من بعد موتك صرت البنت النكدية يلي ما بتضحك ،، ولك صرت نكدية كتير وجواتي غصة سببها أنت بدي حاكيك وخبرك شو صار بحياتي ،، لو في روح وزور قبرك يا خيي ولك موتك كسر ظهري صرت بعدك طير مكسور الجناح ! صدقني فراقك كسرني وكتير تمنيت لو كنت انا الكفن يلي غطوك فيه بيوم استشهادك واتغرقت بدمك ~| | |
 |
|
01-16-2015
| #585 | |
|
بتيجي عليك لحظآت بتحس حآلك ندمآن ع كتير شغلآت ، و بدك تغير نمط حياتك والناس حواليك ، بسسس !! خلص مآ فيك لأنك تورطت بكل شي حوآليك ، وقتهآ بتصير تهرب للخيآل وبتعيش فيه هديك الحياة يلي بدك إيآهآ ،، بسسس !! مآ أصعبها وقت تصحى من خيالك وتشوف الواقع عكس احلامك #صعبة كتير كتير ، ~| | |
| |
|
01-16-2015
| #587 | |
|
وينك أنتي !؟ هيآتني بغرفتي متخبيه من البرد و عم بشرب قهوتي وأنت وينك وشو عم تعمل !؟ انا تحت شباك غرفتك طلي لأشوفك يلآ ،، وله يا مجنون أنت عم تحكي جد الدنيا مطر وعندك مرضت ،، هو : لكان لا تطولي طلي اشوفك اشتقتلك انا ،، هي بترمي الجوال ع السرير بتقوم تجري لعند الشبآك وبتفتحو بتطلع بتلاقيه واقف تحت المطر وثيابه كلها غرقانة وحامل بايدو وردة حمرا وعم بطلع عليها بعيون مليانة حب وغرام ،، بتضحك هديك الضحكة يلي بتسرق قلبه وبصير يطلع عليها بحب أكتر ،، وهي غرقانة بنظراته فجأة بطلع ورقة مكتوب عليهآ ، " تتجوزيني يا هبلةة !،؟ و يا ويلك أن بتقولي لا " هي بطير من الفرحة مش مصدقه شو صار و كعادتها بتحب تجاكره فاتت ع غرفتها ورجعت بورقه كتبت عليهآ " وإن حكيت لآ شو هيصير ! " هو بصرخ بصوت عالي بطلع لعندك لفوق بخطفك وبأخدك لمكان بعيد ولك بحبك انا يا هبلة ، هي بتضحك ضحكتها الحلوة وبتسكر الشبآك !! هو زعل فكرها ما عاد بدها إياه بده يرجع لبيته و قلبه مكسور و فجأة بلآقي ايدها مسكت ايده وهي بتقرب عليه وبتقله بحبك يآ أهبل وبمشوا الاتنين تحت المطر و ايديهم ماسكه بعض $ | |
| |
 |
العرض العادي
| |
الساعة الآن 02:18 AM
