لأهلنا في الخليل-تعليمات يجب العمل بها اهداء من اهل غزة
 

‫#‏خطوات_كسر_الحصار عن اهل الخليل

1- جهز 10 كراتين شمع .
2- جهز 20 أنبوبة غاز .
3- اشتري 50 دجاجة "بياض" .
4- اشتري 10 تنكات زيت .
5- احفظ جدول الكهربا تبع ال6 ساعات .
6- المعلبات كتير منيحة ومناسبة لجميع الاعمار .
7- خزن سولار وبلاش البنزين .
8- اشتري مولد كهربا ايطالي او الماني وسيبك من الصيني ع قولة اخونا احمد منصور .
9- خزن من 5-10 طن اسمنت .
10- انتبه للعملة المعدنية المزيفة وخصوصا ال10 شيكل .
11- عقد ندوات توعية من خطر الأترمال .
12- اصحاب المناطق الحدودية جهزوا انفاق .
13- شوال البضاعة من النفق ب100 شيكل وبلاش احتكار .
14- احفظ جدول الكهربا تبع ال6 ساعات .
15- عليكم بجوال نوكيا كشاف اللي بشتغل فيه الراديو بدون سماعات .
16- اليو بي اس بنشف الريق بلاش منو .
17- احفظ جدول الكهربا تبع ال6 ساعات .
18- تعود على صفة الدور وطول بالك .
19- تعوّد على صفة الدور وطول بالك .
20- تعوّد على صفة الدور وطوّل بالك .
21- تعوّد على صفة الدور وطوّل بالك .
22- طوّل بالك مش برنامج الكاميرا الخفية تبع قناة الكتاب .
23- مناشير الجيش ولعوهن ع ابريق شاي .
24- رسائل المخابرات خدوهن نكشة راس .
25- تردوش على أرقام غريبة .
26- احفظ جدول الكهربا تبع ال6 ساعات .
27- تشويش الرسيفر من الزنانة تقلقش مش عطل في الجهاز .
28- احفظ جدول الكهربا تبع ال6 ساعات .
29- جواز السفر بله واشرب ميته .
30- الدراسة عالشمع بتجيب نتايج منيحة واسألوا مجرب .
31- بلاش تحطو شغلات بتخرب في الثلاجات .
32- احفظ جدول الكهربا تبع ال6 ساعات .
33- الشمع ما بنحط على طاولة خشب او بلاستيك ولا تحت الستاير .
34- حليب الاطفال والبامبرز ما ينقطعوا من البيت .
35- قوافل المساعدات للحكومة والابتسامات الكو.
36- احفظ جدول الكهربا تبع ال6 ساعات .
37- اي حرب الصواريخ علينا والاشتباكات عليكو .
38- احفظ جدول الكهربا تبع ال6 ساعات .
39- تقلقوش كلها 7 سنين ورح تتعودوا .
40- أي خدمة من الغزازوه احنا جاهزين
حقوق النشر والتوزيع مجانا لعيون الخلايلية

اللهم انصرشعبنا الفلسطيني على هؤلاء الصهاينة اللهم آمين

الله يرد كيد اليهود الى نحرهم
ما رح يطلع بايدهم شي
الا ان يشاء الله
وشعبنا الفلسطيني
متعود عالتضحيات
هي اول مره في الضفه
بصير علينا حصار ولا منع تجول
ان الله معنا

اشكرك للنصائح

ههههههههههههههههههههههههههههــ

والله بيلزمونا هالمعلومات ...


ترا هو ضل علينا قطع الكهربا ... حصار ومنع تجول


الله يكون بالعون ..


شكرا على النصائح اكيد بيفيدونا و اكيد رح نتعود