|
حدث في الخليل .. طفل " يسكر " بشم البنزين على دوار ابن رشد !! http://im66.gulfup.com/uKO7Ka.jpg قصة تبدو غريبة للوهلة الاولى إلا أنها حصلت على دوار ابن رشد وسط مدينة الخليل . القصة بدات على دوار ابن رشد حينما كان طفل عمره 10 سنوات فقط يحمل بيده " قنينة " يعتقد في البداية أنها عصير او مشروب ، لكنها في الحقيقة " بنزين " الذي يستخدم كوقود للمركبات . الطفل تحرك من مكانه ليجلس مقابل المذيع و المرآسل عمار بدر في المكان ، وبدأ بشم العبوة بشغف كبير ، وكأنه رجل بعمر ابيه يدمن المخدرات ، وحينها دار حديث بين عمار بدر والطفل : عمار : مرحبا الطفل: اهلين (وكأنها من رجل فاق عمره 90 عاماً) عمار : شو يلي هاد يلي بايدك؟ الطفل: بنزين!!! عمار : طيب ليش بتشموو؟؟ الطفل: بدي ازبط راسي وامخمخ !!! عمار : طيب شو بتشعر لما تشموو؟؟ الطفل: بكيف كتير وبنسى عمار : طيب يلي بتعملو حرام وربنا بحطك بالنار عشان بتعمل هيك الطفل: بعرف عمار : طيب شو اسمك انت؟؟ الطفل: محمود بس اسمي الاصلي معتصم عمار : طيب شو اسم ابوك ومن اي عيلة انت؟؟ الطفل: اسم ابي كذا وعائلتي كذا عمار : اديش عمرك؟؟ الطفل: 10 سنوات عمار : طيب بيعرف ابوك وامك بلي بتعملو؟؟ الطفل: لأ...يييييي نسيت اه بيعرفو عمار : طيب شو بيحكولك؟؟ الطفل: ولا شي عمار : طيب ارمي البنزين يلي بايدك على الارض لانو انت لسا صغير وهاد الحكي حرام الطفل: بقدرش...لانو راسي بصير يجعني عمار : طيب تاخد 10 شيكل وترمي البنزين؟؟ الطفل: اه باخد عمار : بس بتوعدني انك ما تشتري بنزين بالمصاري يلي بدي اعطيك اياهم الطفل: اه بوعدك...لا بطلت انا بقدرش ابعد عنو ! و هكذا انتهى الحديث الذي جرى مع الطفل ، إلا أن الطفل وبعد أن هم المرآسل بدر مغادرة المكان ، بدأ بمناداته بصوت عال ليطلب منه شراء " البنزين " وبدلاً من 10 شوافل بـ 5 فقط ! |
يا لهوي هادا بصير ببلدنا معقوله والله مو مصدق طفل بهاذا العمر بشم بنزين وببعد عن الهموم شو يعمل باقي الشعب المسكين الي عنده 10 ولاد وعندو بيت اجره واقساط وبلاوي متلتله على راسه اكيد لازم يشرب البنزين شرب مو شم لا حول ولا قوة الا بالله برقبة مين ذنب هذا الولد ابوه ولا امه ولا عيلته ولا المجتمع اشكرك اختي |
كيف بطيق ريحتووووووو ربنا المعين اللهم ثبت علينا العقل والدين شكرا للطرح اختي |
مش عارفة كيف بيقدر يستحمل ريحته مع انى بردو مش مصدقة الحكاية الا انه ربنا يحفظنا ويديم علينا نعمة العقل يسلمو ع الطرح |
اقتباس:
شآيف مؤيد شغلة بتصدم جد وك هاد ايش شآف من الدنياآ لسى !! نورت .. |
اقتباس:
اناآ عآرفي عنو ربناآ يعين أهلوو نورت .. |
اقتباس:
لآ الحكآية حقيقي و في كتير نآس بتعشق ريحة البنزين نورتي , |
هو انا بعشق ريحة البنزين .. بس مو هيك بعدين هو شو شاف من هالدنيا طيب هاد وهو عمره 10 بس يكبر شو بعمل شكرا على الادراج |
اقتباس:
اناآ عآرفي عنو و ربي جيل بخوف نورتي , |
يا خسارة على اطفال فلسطين اينما وجدوا استنشاق بعض المذوبات والبنزين او غيرها وزياده الجرعة تؤدي الى الموت المخدرات في المجتمع الفلسطيني اصبح واقعا أثناء المراهقة يدمر الذكاء الى الأبد مشكورة على نقل الخبر الوطن والغربه |
| الساعة الآن 05:37 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.