منتديات بنات فلسطين - ~ .. شنطتكـ تحت المجهر .. ~

1/ شو الأشيآء الضروريهـ فـ شنطتك .. ؟

هويتي اكيد، وجزداني المصاري ومراي صغيري،
هدولي الثلاثه لازم يكونوا بشنطتي دايما ..

2/ شو الأشيآء اللي مآ تستغني عنهـآ فـ شنطتكـ .. ؟

هويتي وجزداني المصاري والمراي برضه ..

3/ بكل صرآحهـ شنطتكـ تكـون مرتبهـ من جوآ ولآ حـوسهـ .. ؟

اغلب المرات بتكون مرتبه ..

4/ شو الألوآن اللي تحبيهآ لشنطتكـ .. ؟

اسود لانه بلبئ ع كل الالوان يعني لو كنت لابسه الوان غريبه سيعتا فش اشي بلبئ غير شنطه سوده،
وبحب كمان الزهري والابيض اكتر اشي ..

5/ كم عدد شنطكـ .. ؟

9 ..

6/ إذكريلنآ موقف صآر لكـ يعني نسيتي شنطتكـ فـ مكآن أو ضآع شي من أغرآضكـ اللي فـ الشنطهـ.. ؟

اه صار إنه نسيت جرار الشنطه مفتوح طبعا بحكي عن شنطه ع الكتفين، وئتا وئعوا اكم غرض من شنطتي ع الارض،
احراج مرتب ههههههههههه بس إنه عادي مهتميتش كتير يعني هو صح احراج بس إنه الشغله ممكن تصير مع اي بنت، الافضل إنه انتبه ..

7/ متى آخر مرهـ رتبتي شنطتكـ .. ؟

يوم السبت اللي مرء لإنه الاحد كان عندي جامعه،
دايما برتبا ئبل بيوم ..

8/ شو بتحبي ستآيل الشنط الكبيرهـ أو الصغيرهـ .. ؟

بحب شنطات الكتف الوسط يعني متكنش كبيره كتير،
وبحب كمان الشنطات الصغار، باخدون لمن يكون يومي ئصير او فش عندي تعليم كتير ..

9/ تحبي تكون شنطتكـ ماركهـ ولا عادي تقبلين بـ أي شنطهـ .. ؟

لاء بهمنيش الماركات ولا مره اتطلعت ع هالشغلات، لإنه مش دايما الماركات المعروفه بتكون بضاعتا حلوه،
انا اللي بيهمني شكل الشنطه بغض النظر الماركه المهم تكون حلوه ومريحه بنفس الوئت ..

10/ تحبي تغيري شنطتكـ باستمرآر يعني شهر وترميهآ وتآخذي غيرهآ .. ؟

اه بحب التغيير كتير مش شوي ..

11/ تحبي التعديل يعني تآخذي شنطهـ سآدهـ و تزدين عليهآ إكسسوآرآت وحركآآت .. ؟

بصراحه مفهمتش السؤال ..

12/ شو الشي اللي مستحيل يدخل شنطتكـ .. ؟

فش اشي معين، لإنه ممكن اخد اي اشي، يعني عادي معنديش مشكله مع هالموضوع ..

13/ شو فـ شنطتكـ الحين .. ؟

طبعا هويتي وجزداني والمراي هدولي دايما بكونوا، وفي الازنيوت سماعات الغناني تبعت البلفون ودوسية الجامعه،
وفي دوا للحاجه وكيس ملبس صغير وئنينتي مي ..

تسلميلي ع الاستضافه خيتا،
كتير حبيت الاسئله،
الله يسعدك حبوبه ..