منتديات بنات فلسطين

منتديات بنات فلسطين (http://www.bntpal.com/vb/)
-   النكت والطرائف (http://www.bntpal.com/vb/f22/)
-   -   يوم نكد ..!! (http://www.bntpal.com/vb/t17663/)

المايسترو نمر 04-17-2014 09:31 AM

يوم نكد ..!!
 
الدنيا كانت فجر
ومحسوبكم اليوم مغير جو ونايم بالحوش
كنت نايم ومبسوط على الاخر ..
الجو بارد وانا مدفي حالي ومبسوط ونايم ..
الا اسمع صوت تلفوني برن
ممممم
فتحت عيوني شوي ..
اتفرجت لقيت الساعه 2 ونص بعد نص اليل
يعني شو هالزناخة
مين يلي بدو يرن علي بهيك وقت
مديت ايدي على التلفون
اتفرجت مين يلي برن
شفت اسم حمره .. بقول ببالي مين هاي حمره ومين يلي داهنها احمر اساسا
اتفرجت منيح طلع صاحبي حمزه هو يلي برن ..
يعني شو هاليلة هاي شو بدو هاد بهيك وقت ..
فتحت الخط ..

فنون: الو اه حمزة
حمزة: اه فنون سامعني
فنون: ايوا يا زلمه سامعك هو انتا بدك اتجرب الصوت .. سامعك
حمزة: بالله ليكون ازعجتك
فنون: لا يا زلمة شو بتحكي انتا .. فش فيها ازعاج ولا اشي ليكون بتفكرني نايم بهيك وقت لا سمح الله
هااا المهم طمني خير في اشي ؟
حمزة: لا والله بس مش عارف حاسس حالي قلقان مش عارف انام ابصر مالي كل الناس نايمة الا انا
فنون: ايون على شان هيك صحيتني يعني ؟
حمزة: لا يا رجل بس حبيت اطمن عليك
فنون: كلك واجب والله .. اسا خبطت فيك النخوة ترن تطمن علي يعني
حمزة: لا يا زلمه صحابي برحوش من بالي نهائيا وبتاتا وكليا وجزئيا ( للحظة فكرت حالي بحكي مع جمال عبد الناصر ) .. َ
حمزة : يلا بدك اشي
فنون وهو نفسو يطلع من التلفون يوكل حمزة اكل : لا بديش اشي
حمزه: يلا سلام واسف اذا ازعجتك
فنون: الله معك لا تخاف ولا ازعاج ولا اشي


وزتيت هالتلفون على الطاولة بعد هالنكد ورجعت حضنت المخدة وحطيت راسي ونمت
المهم قاعد بحلملكم اني بسبح بالبحر وبتنفس تحت المي والحوريات بنطنطن جنبي ووضعي من الاخر
الا صحيتلكم على صوت امي بتقولي قوم يا زلمة شوف من وين هالمي جايه عبت الدار
شوفت هيك .. الا الاقيلكم المي بتنزل علينا زي زخ المطر
بيني وبينكم فكرت حالي بالصومال ومصلين صلاة الاستسقاء ونازله المي على دارنا بس
اطّلعت على الساعه الا هيه 5 الصبح
اموت وافهم من وين هالمي نازله
قمت من الفرشة وطلعت على باب الدار
لقيتلكم جارتنا بتغسل شكلها مفكره دارنا منتجع سياحي ونازله ترش علينا بالمي
بحكيلها ..
هااااااااا يا جارة شو بتسوى على هالصبح
جارتنا: هلا فنون والله زوجي بدو يطلع على الشغل وفش اواعي يلبس
فنون: يعني هو انتي بدك تغسلي لزوجك وتحممينا بنفس الوقت ؟
جارتنا: ييييي حقك علي ليكون ازعجتك ؟ !!
فنون: لا يا بنت الحلال هو ضل فيها ازعاجات بين الجيران
شو ازعجتيني ما ازعجتيني .. الكل نايم بهدوء حتى امي نايمه وما صحتني اشوف شو القصة

وخبطت هالباب وفتت
رحت ركاض انط على الفرشة واكمل الحلم قبل ما يهربو الحوريات
وأول ما حطيت راسي على المخدة
الا صوت المنبه برن
من صوتو المزعج يمكن السمك هرب من الحلم مش بس الحوريات
قلت يلا مهيه خربانه خربانه
قوم يا ولد غسل واتوكل على الله روح شغلك
صارت الساعه ستة وصار موعد شغلي
شو هالعيشه هاي ما لحقتش انام
رحت اغسل وجهي والبس هالاواعي
بفتح بالحنفيه
فش ولا نقطة مي !!
اييييييه وين مية دارنا هاربه ؟؟
اسا قبل شوي بفكر حالي بالبحر
وجارتنا بترش بالمي وصلاة استسقاء وابصر شو
ولكم وين المي بدي اغسل يا عالم
شو هالقصة هاي
قولت يمكن خربانة ألها بالعاده تقطعني بهيك شغلات
رحت على الحنفيه التانية ولا نقطه برضو
مممم طيب خليني اشوف امي يمكن مش دافعة الفاتوره
رحت على امي
صحيتها من النوم .. بحكيلها اه يما وين المي لويش فش عنا مي ؟؟
امي: روح انقلع من وجهي حد بصحي حد بهيك وقت
طيب يا ربناااااااااااا بدي اغسل شو اعمل
قلت يلااااا هو اهلنا بالصومال احسن منا
قررت اروح اتيمم
شو بدي اعمل التيمم برضو كانك غسلت
اقنعت حالي ورحت اتيمم
مسكت هالتراب وبلشت
خبط ورقع بحالي
ورحت لبست هالاواعي
ورشرت عطر مشان التكتيك قصدي الاتيكيت
وجهزت حالي بدي اطلع
طبعا بما اني برستيجي عالي ووضعي لوز
بطلعش من الدار بدون ما اكسب رضا امي
منتو عارفين رضا الام مهم بالحياة
رحت على امي
اه يما هيني طالع بدك اشي .. اجيبلك معي اشي أأممريني بس انتي .. ادللي يا زينة الصبايا
امي ( نص عين نايمة ونص عين فاتحة بصعوبة) : يا زلمه روح انقلع بديش اشي
سحبت حالي ورحت ..
مممممم طلعت من الدار وانا متفائل بيوم سعيد .. وخاصه اني ماخد رضا امي قبل شوي
المهم ماشي بهشارع وبغني سواح وانا ماشي لحالي سواح
ومخروب بيتي بهالحياه وبرضو سواح
وبفكر كيف الحنها واصير سوبر ستار الدار
والا اشوفلكم جوره صغيره كلها تراب .. قلت الحمد لله اني شفتها وما وقعت فيها .. اكيد هاد كلو من رضا امي
ومشيت شوي الا أيييييييي
اوقعلكم بجورة كبيرة كلها طين
اي يلعن هيك عيشة
اتعبيت طين وحالتي حالة
ييييييييي بدي ارجع اغير الاواعي كمان مره
والاعضاء برضو وهما بقرئو يرجعو معي
لا اي هيك زودتها انا .. ارجعكم من اول القصه
ممممم
لا ما بيصير ارجعكم معي
خلص انتو استنوني لحد ما اروح اغير الاواعي وارجع
ههههههههههه
____

ممم طبعا هالقصه من تاليفي ومفش من هالحكي حكي
لي عوده بس اغير الاواعي من الطين وراجع اكمللكم القصه لا تنامو ههههه

البريئة ! 04-17-2014 09:42 AM





ههههههههههههههههههههههههههههههههههههـ
ههههههههههههههههههههههههـ
مشآن الله ماآ ترجع
اناآ متت هون



و آل شو بعد كل هآد
مممممم طلعت من الدار وانا متفائل بيوم سعيد



وك متفآئل كمآن
هههههههههههههههههـ



ليك مستقبل بعآلم التأليف ’

أحلي ملاك 04-17-2014 09:42 AM

يسلموا
يعطيك العافية

أنثى متمردة 04-17-2014 09:58 AM

هههههههههههههههههههههههههه
يسعد قلبك ع الصبح
تحياتى الك

المايسترو نمر 04-17-2014 10:02 AM

عادي بتفائل كتير واخريتها ع راسي غز ,, ههههه
بس كان يوم ولا يوم ..
راح نكملها بس نلاقي مية عشان ما في كهرب هع

يسلموو البريئة
نووورتي
ودوم الضحكة يا رب

المايسترو نمر 04-17-2014 10:03 AM

الله يعافيكي اخت اميرة
نووورتي خيتو

المايسترو نمر 04-17-2014 10:03 AM

ويسعدك ربي خيتو انثى
ودووم الضحكة
نووورتي

PrïñÇësś Ghzal 04-17-2014 10:42 AM

ههههههههه

ئصتك حزينة جدا ال شو ال متفائل بعد كل هيك شى

المايسترو نمر 04-17-2014 10:54 AM

مهو صار كل هاي الشي
بدنا نتفائل يمكن يصير يوم حلو
بس طلع ع الفاضي انيل ,, هع هع

نووورتي خيتو
وودم الضحكة

PrïñÇësś Ghzal 04-17-2014 11:00 AM

ان شاء الله كل ايامك بضل حلوة

شرقيه ♤ 04-17-2014 11:07 AM

آلله يصبحك بأنوآر آلنبي ع هيك خفة دمَ

ههههههههههههههه

مآجملْ روحككَ صحَ طويلة آلقصة بس روعهَ بجدِ .

لآ تطول علينآ بآلتكملةَ آنآ بآلآنتظآر ,.


صبآحكْ سعآدههَ خيي .


المايسترو نمر 04-17-2014 11:12 AM

تسلمي اخت ضحكة
جميعا يا رب

المايسترو نمر 04-17-2014 11:13 AM

وصباحك بيوم مشرق بالسعادة خيتو
يسلمووو خيتو كتير
ودوم الضحكة يا رب

ولا يهمك بدنا كم سنة لما نرجع من بعد كل هذا
خخخخخخخخخخ

نوورتي بمرورك

خالد 04-17-2014 11:21 AM

هههههههه
الله يسعدك يا رب

حبيب العمر 04-17-2014 11:35 AM

ليكون حلم يا فنون
ههههههههههههههه
قصه رهيبه شو هاد
لو تصير معي بولع في الحاره

انا مانع ولا ولد يلعب فتبول بالحاره
عشان الازعاج
طمنتني بالاخر منيح انها من تاليفك مش حقيقيه
ههههههههههههههههههههههه

منتظرينك بالحلقه القادمه
يسعدك اخي شو مهضوم

المايسترو نمر 04-17-2014 03:09 PM

ويسعدك اخ خالد
نوورت
ودوم الضحكة يا ورد

المايسترو نمر 04-17-2014 03:10 PM

لا مو حلم الحلم حلم ,, هع
هذا تأليف من الفضاوة خخخخخخخ

وانا مثلك لو تصير كان رحلتهم ههههههه
بس حبينا نرفه عن انفسنا بشوية حشيش وكذب
هههههههه

ربي يسعدك حبيب العمر
نوورت وديني
دوم الضحكة يا مانو

قربگ ليِ حيِآة 04-17-2014 03:21 PM

ههههههههههههههـ
عنجد يوم غير شكل الله يعينك ويصبرك :d:d

نسائم الماضي 04-17-2014 03:23 PM


-

هِهِهِهِهِآإأ\*
بّـصِـرآإحًـةة مِشّـكلَ لَوِ كآإنٌتُ حًـئيّئةة يّعَنٌيّْ..
مِنٌيّحً إنٌآإ تُألَيّفُ ؛ مِآإنٌآإ جَـدُ وِهِيّكْ حًـآإلَتُكْ..
بّـسً وِآلَلَهِ فُكرتُآإ جَـدُ شّـوِ هِآلَتُألَيّفُ إلَيّْ عَـنٌدُكْ يّآإ..
عَـجَـبّـتُنٌيّْ بّـس أنٌآإ نٌعَسًسًـتُ مِ رحً أسًسًـتُنٌآإ هِهِهِهِآإ
عَـوِؤوِآإفُيّْ.!

المايسترو نمر 04-18-2014 11:58 PM

الله يعيني ويصبرني ههههههههه
وهو حقيقة خخخخ
ده تأليف نهفة نكشة كيف ,, هههه
نوورتي اخت جست
دوم الضحكة

المايسترو نمر 04-19-2014 12:00 AM

مهو لهدرجة تصير ,, ممكن تصير
بس انا ما بخليها تصير ,, ههههه
ده مش معاملة عنجد انها تصير هيك ,, هع
التأليف أحلى وخبص يمكن تطلع حلوة
خخخخخخخخخخخخ

يسلموو خيتو نسائم
نووورتي
ودووم الضحكة

خلص لما تصحي بتيجي تكملي
بس راح تروح عليكي ,, هع


الساعة الآن 05:41 AM

Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.