|
القبطان وما ادراك ما القبطان مصمم بارع متمكن ترك سفينتنا تغرق وعاد فانقذنا من الغرق اخي الكريم كيف اتيت لهذا المنتدى؟ شو اكتر ما لفت انتباهك من الاعضاء & والاقسام؟ كيف تعلمت التصميم؟ وما هو اول تصميم الك؟ هل عندك مواهب اخرى ؟ منتدى بنات فلسطين يشمل الشباب والصبايا هل تعتقد انه اسمه مناسب ولا عندك رأي اخر؟ اكتفي لي عوده بعد اجاباتك حياك الله |
القبطان نورت سؤالي لك احب الالوان الى نفسك ؟ دولة تتمنى ان تسافر اليها ؟ أقرب الاصدقاء الى قلبك ؟ حكمة تؤمن بها كتير ؟ كم رقم ترتيبك في الأسرة؟ اكله تحبها كتير..؟ مشروب يستهويك دائما؟ |
انرت القبطاناسئلتي: مستواك التعليمي؟ طموحك بالمستقبل؟ راضي عن نفسك؟ لو عندك فرصة للسفر خارج البلد وفرصة للعمل بالبلد جيدة ماذا تختار؟؟ المنتدى ماذا يعنيلك؟؟ سلبيه للمنتدى تتمنى ان تتغير؟؟ غبت فترة ورجعتلنا اكتر عضو اشتئتلو؟ لهون وبكفي والي رجعة اكيد موفقين |
اشكرك غزاوية لا تنكسر ع الاستضافة و على اتاحة الفرصة لي كي اكتب شيئآ بسيط عن السيرة الذاتية عن نفسي بس يا خسارة وين واجب الضيافة ع اساس فيه فنجان قهوة :49: ما اسمك القبطان من أين انت من فلسطين - رفح كيف للمنتدى وصلت وصلت للمنتدى بطريقة عجيبة انا بحب المنتديات و كان الي منتدى قبل سنين و اغلقته وعملت منتدى وشات تاني و اغلقته برضو و كنت مسجل بمنتديات والاغلب اغلقت لانها قديمة و المواقع الاجتماعيه غطت عليها و القليل صار يهتم بالمنتديات انا وصلت المنتدى كتبت ع غوغل كلمة منتديات كنت ببحث ع منتدى يروق لي ظهر اسم المنتدى بين المنتديات وتصفحته و تصفحت اغلب اللي ظهر فـ راق لي واعجبني المنتدى و سجلت فيه هاي هي القصة :98: هل مررت بتجربة حب و من منا لم يذق طعم المرارة :73: اشكرك ع الاسئلة البسيطة والرائعة :96: تحياتي الك |
اقتباس:
اشكرك حبيب العمر ع المدح والكلام الجميل .. كيف اتيت لهذا المنتدى؟ عن طريق محرك البحث غوغل و اجبت الاجابة بالتفصيل ع السؤال الذي طرحته غزاوية لا تنكسر شو اكتر ما لفت انتباهك من الاعضاء & والاقسام؟ الصراحة الكل لفت انتباهي من ناحية الاعضاء ما في اهمال و تقصير من طرح مواضيع و الردود الدائمة والمتواصلة لكل جديد من ناحية الاقسام الذي اعجبني بالمنتدى انه لا يهدف لغرض شخصي وانه عام وان الاقسام المطلوبة موجودة كيف تعلمت التصميم؟ اتعلمت التصميم من صاحب و من التعمق في المجال و كنت بأخد محاضرات مصورة من الكلية اللي درست فيها وما هو اول تصميم الك؟ اول تصميم الي طبعــا كان صورة الي هل عندك مواهب اخرى ؟ انا متعمق في مجال الوسائط المتعددة والملتيميديا بصراحة و بحاول اتعمق اكثر و بحب قراءة الكتب و بالأخص كتب الفلسفة و علم النفس و الشعر القديم لـ علي بن ابي طالب و ابوالطيب المتنبي و ابوفراس الحمداني وابو علاء المعري منتدى بنات فلسطين يشمل الشباب والصبايا هل تعتقد انه اسمه مناسب ولا عندك رأي اخر؟ الاسم مناسب جدآ وهاد اللي خلاني اسجل فيه . لي عوده بعد اجاباتك ان شاء الله بتنور و يا رب تكون خفيف علينا حياك الله شكرآ .. الله يحفظك |
اقتباس:
احب الالوان الى نفسك ؟ الاسود دولة تتمنى ان تسافر اليها ؟ المانيا أقرب الاصدقاء الى قلبك ؟ في المنتدى غريب و هو صديقي بالحياة كمان حكمة تؤمن بها كتير ؟ وضاقت ولما استحكمت حلقاتها فرجت وكنت اظنها لن تفرج ابدآآ كم رقم ترتيبك في الأسرة؟ 3 اكله تحبها كتير..؟ السمك والمشاوي مشروب يستهويك دائما؟ الكولا دائمآ و احيانا البرتقال |
اقتباس:
اسئلتي: مستواك التعليمي؟ انا مخلص دبلوم محاسبة وبدرس بكالوريوس رياضيات في بداية المستوى الخامس طموحك بالمستقبل؟ طموحي كـ طموح اي شخص عادي راضي عن نفسك؟ الاجابة هون بتكون ضعيفة يعني الحمد لله لو عندك فرصة للسفر خارج البلد وفرصة للعمل بالبلد جيدة ماذا تختار؟؟ ببقى بـ وطني طبعــآآ المنتدى ماذا يعنيلك؟؟ تبادل معلومات وليس تبادل محادثات .. تقديم آراء بمختلف الافكار المنطقية و احيانا العاطفية سلبيه للمنتدى تتمنى ان تتغير؟؟ الاغلب عايش دور الحزين و المجروح غبت فترة ورجعتلنا اكتر عضو اشتئتلو؟ اشتقت للكل لهون وبكفي والي رجعة اكيد ولا يهمك ناطرك .. |
القبطان منور الك فترة كبيرة هون لكن هيك احسن منتعرف ع شخصيات بعض وهيك المهم اسئلتي شو نوع الكتب الي بتحب تقرأها وع طول بتابعها ؟ هل تحكم على الانسان من مظهره الخارجي ؟ شو الصفات المهمة يلي بتحب تكون باصدقاءك وعلى اساسها بتختارهم؟ ما هو مكانك المفضل الذي تحب ان تجلس فيه لوحدك؟ هل هناك اشخاص في حياتك تستمد قوتك من قوتهم ؟؟ من هم ان اردت بالتصريح بهم؟ بس :) :81: |
اقتباس:
اسئلتي شو نوع الكتب الي بتحب تقرأها وع طول بتابعها ؟ كتب الفلسفة و علم النفس كـ طبائع الاستبداد ومصارع الاستعباد .. عبد الرحمن الكواكبي و كتب ابراهيم الفقه رحمه الله و امين معلوف و علي بيجو فتش و غيرهم هل تحكم على الانسان من مظهره الخارجي ؟ لا طبعـا انا ما بقدر احكم ع الشخص غير لما يتكلم شو الصفات المهمة يلي بتحب تكون باصدقاءك وعلى اساسها بتختارهم؟ يقدرو ظروف الاخرين مهما كانت الاسباب .. بحب الصديق القنوع و النصوح ما هو مكانك المفضل الذي تحب ان تجلس فيه لوحدك؟ هو اغلب الاوقات ع البحر هل هناك اشخاص في حياتك تستمد قوتك من قوتهم ؟؟ من هم ان اردت بالتصريح بهم؟ طبعــا صديق عزيز ع قلبي ومستشاري بنفس الوقت في بعض الامور بس شكرآ ع الاسئلة الرائعة والخفيفة تحياتي الك |
كيفك قبطان؟ شو الشغله اللي لفتت نظرك هون، وخلتك تضل بهالمنتدى؟ لو اعطيتك وردتين، وحده حمره والتانيه بيضه، لمين بتهديون؟ نصيحه معينه، اللي بتحب تحكيها دايما لائرب الناس الك بحياتك؟ شو الشغله اللي دايما بتخليك تتفائل بحياتك، بغض النظر شو كانت الظروف؟ القبطان، لنفرض فكرت تغير إسمك لاسم تاني هون، اي اسم كنت بتختار؟ شغله معينه بحياتك، ما بتستغني عنها ودايما بتحافظ ع وجودا، شو هيي؟ بيكفي هدول، منور :137: .. |
اقتباس:
النور نورك شو الشغله اللي لفتت نظرك هون، وخلتك تضل بهالمنتدى؟ افكار الاعضاء الرائعة و عقولهم الراقية و الروح الطيبة اللي عندهم .. لو اعطيتك وردتين، وحده حمره والتانيه بيضه، لمين بتهديون؟ راح اعطيك الوردة البيضة اللي بتشبه قلبك طبعــا و الوردة الحمرة لـ آنين اللي واستني في غيابي و نزلت موضوع ترحيب بحضوري اشكرها مرة تانية نصيحه معينه، اللي بتحب تحكيها دايما لائرب الناس الك بحياتك؟ عند المشكلة لا تختار اول حل يدور في بالك .. احسب الامور من كل الاتجاهات شو الشغله اللي دايما بتخليك تتفائل بحياتك، بغض النظر شو كانت الظروف؟ هو التفائل لازم بس المشكلة الواقع غير .. من الناحية هاي بتفائل لما بقترب من الله آكثر و أعود اليه نادم القبطان، لنفرض فكرت تغير إسمك لاسم تاني هون، اي اسم كنت بتختار؟ راح رجع اسمي القديم .. الصمت شغله معينه بحياتك، ما بتستغني عنها ودايما بتحافظ ع وجودا، شو هيي؟ الشئ المعنوي الابتسامة والهدووء .. الشئ المادي صور اصدقاء رحلووو بيكفي هدول، شكرآ الك ع الاسئلة الخفيفة تحياتي الك |
استمتعا معك كثير اخي قبطان و بأجوبته هاي زدنا تقربا من شخصيتك لك مني ورود نرجسية على قبولك دعوتي https://lh4.googleusercontent.com/-e...d%2520Rose.jpg |
رحبو معي يا جماعة بضيفتنا الي ما صرلها كثير في المنتدى بس متألقة و مميزة ضيفتنا rose kazan بتمنا انو تستمتعي معنا و تكون أسئلتنا خفيفة عليك |
قبل آي شي مرحبآ فيكِ روز ونورتي بوجودك معنـآ سؤالي كيف سألتي في المنتدى ؟ وايش السبب الي خلآكِ تسجلي فيه ؟ |
يآ هلاآ بالضيفة نورتي المنتدى اسئلتي ان شآء الله تكون خفيفة عليكِ كيف وصلتي للمنتدى ؟ شيء يفرحك عند دخول المنتدى ؟ شيء حابة تضيفيه للمنتدى ؟ شيء مزغج في المنتدى ؟ شيء حآبة تغيريه في المنتدى ؟ انطبآعك عن المنتدى ؟ |
اهلا اهلا روز بداية انرتي المنتدى وسعيدين بوجودك معنا وبنشاطك الملحوظ اسئلتي راح تكون بسيطة ممكن تعرفينا ع حالك اكتر اهتماماتك ؟ شو اكتر شي لفت نظرك بالمنتدى؟ سلبية بالمنتدى انصدمتي فيها؟ لئيتي الترحيب الكافي من الاعضاء لالك؟ بنت السلطان جد انتي كتير زوء تحياتي للكل |
ليكني انا وصلت ويا كل المراحب فيكون كل احترامي وودي للجميع دون استثناء روز وانشالله بتوفئ بإجآبآتي |
إجآبتي على سؤال الصيآد كيف شو ما فهمت السؤال الأول كيف سآلتك؟؟ السؤال التاني اني سجلت هون لإني بحب فلسطين وأهلا ونآسآ وبنآتآ ولفت نظري إسم المنتدى وأسماء الاعضاء ومعآملتكن سوا واحترامكن لبعضكن وبس هيكي ويا اهلين فيك يا مان |
يآ هلاآ بالضيفة نورتي المنتدى يا هلا والنور نورك ونور الكل هون اسئلتي ان شآء الله تكون خفيفة عليكِ اوكي كيف وصلتي للمنتدى ؟ بالصدفة بقوقل شيء يفرحك عند دخول المنتدى ؟ وجودكن كلياتكن شيء حابة تضيفيه للمنتدى ؟ ولا شي بس بحس حالي وئت بطرح موضوع لالي اني ضفت إطرآء بسيط مو اكتر بس المنتدى مكمل مشالله شيء مزغج في المنتدى ؟ ولا شي ولا أي شي ع العكس تماماً كل شي بيفرح هون شيء حآبة تغيريه في المنتدى ؟ ولا شي سبئ وئلت إنه مكمل المنتدى انطبآعك عن المنتدى ؟ بيعئد وعلئني فيو وبيتي التاني سار وأهل المنتدى آل بنآت فلسطين كتير حبآبين وطيوبين وبينشآلوا ع الراس وسعيدة بإنضمآمي لالكن كل تحياتي وودي لالك خيتو روز |
اهلا اهلا روز يا هلا عيون روز بداية انرتي المنتدى وسعيدين بوجودك معنا وبنشاطك الملحوظ نوركن ولوو اسئلتي راح تكون بسيطة على راسي تكرمي ممكن تعرفينا ع حالك اكتر اكيد بتموني اهتماماتك ؟ الكتآبة والعزف ع البيآنوو شو اكتر شي لفت نظرك بالمنتدى؟ أعضاء المنتدى كلياتن سلبية بالمنتدى انصدمتي فيها؟ ولا شي بعد لهلأ وربي ما يجيب صدمآت لئيتي الترحيب الكافي من الاعضاء لالك؟ أكيد وكل شي منكن حلوو وعلى راسي بنت السلطان جد انتي كتير زوء أكيد هيي منبعه للزووء تحياتي للكل وكل التحيآت لالك وللكل ولصآحبة الموضوع"بنت السلطآن" |
روز منوره المنطكة يقمر من وين انتي ؟ كديش عمرك ؟ ما هي الصفات التي تنزعجين منها ؟ في اي وقت تكون روز أنانية ؟ بتمنى يكونو آسئلتي خفاف |
روز منوره المنطكة يقمر ههه حبيبتي النور نورك من وين انتي ؟ ليكي انا فلسطينية بس معي جنسية سورية وسارلي هون بغزة شي 5 سنوات كديش عمرك ؟ انا عندي 22 سنة إسم الله عليي ههههه ما هي الصفات التي تنزعجين منها ؟ الأنآنية واللؤم والحقد والمصلحة والنفس الخبيثة في اي وقت تكون روز أنانية ؟ ولا بأي وئت لإني بكره الأنآنية وبمقتآ بشدة ف كيف بدي كون أنآنية إمبوسيبول كون بتمنى يكونو آسئلتي خفاف أوليه شو خفآف وحبآبين وبيفوتوآ الئلب متلك كل الود لالك عيوني روز |
روز منورة الموضوع حبيبتي شخصيتك ( عصبي ، رومانسي ماهو لونك المفضل ؟ -حلمك في الحياة؟. |
روز منورة الموضوع حبيبتي النور نورك يا البي شخصيتك ( عصبي ، رومانسي ما بعرف ما بئدر إحكوم على شخصيتي بعطي حئ الحكم للشخص يلي مئابيلي ماهو لونك المفضل ؟ الأسود والرمآدي -حلمك في الحياة؟. إرجع على بلدي وسير متل ما بدي وإوصل حدود السمآ |
منووورة روووز مشوكره يا عسل بنت السلطان على الموضوع خلصتي جامعه ؟ وشو تخصصك؟ كيف شايفه غزة؟ مين اكتر عضو لفت انتباهك؟ شو طمووحك؟ حابه تشتغلي بيوم من الايام ؟ شو اولوياتك في الحياه؟ اكثر الاقسام التي تضعين بصمتك عليها ؟ اكثر الاقسام التي تحبين متابعتها؟ ماذا تفعلين اول ما تدخلي المنتدى؟ شكرا ليكي وطولت بالاسئله ههه تحيتي |
منووورة روووز نورك وربي مشوكره يا عسل بنت السلطان على الموضوع خلصتي جامعه ؟ وشو تخصصك؟ ايه خلصت صحآفة وعلاقات عامة وهلأ بدرس لغآت كيف شايفه غزة؟ بتعئد بنآسآ أكيد مين اكتر عضو لفت انتباهك؟ الكل دون إستثنآء شو طمووحك؟ طموحي إفتح قنآة فضآئية لإلي وانشالله ئريباً بيتحئئ بس ببلدي حابه تشتغلي بيوم من الايام ؟ إشتغلت وبعدي عم كفي بإذآعة هون شو اولوياتك في الحياه؟ عندي كتير أولويآت بس أولآ وأهمآ رد على بلدي ومن بعد هيكي بيترتب كل شي فيني حئئه هنيك اكثر الاقسام التي تضعين بصمتك عليها ؟ الأنآقة وبعتئد ملاحظ وبعد رح تشوفوني كتير بقسم رح بنئل فيو كل شي بكتبه انشالله اكثر الاقسام التي تحبين متابعتها؟ كل الاقسام بمر عليا بس أكتر شي بثير إهتمآمي كل شي بيتعلئ بالصبآيآ والأزيأء ماذا تفعلين اول ما تدخلي المنتدى؟ بروح على مواضيعي بشوف مين حب طروحاتي ومين تابعني شكرا ليكي وطولت بالاسئله ههه كل الشكر لالك حيآتي وعآدي جداُ ولو تعي كل يوم ههههه على راسي وكل تحيآتي وودي لالك روز تحيتي |
استمتعا معك كثير اختي rose kazan و بأجوبتك هاي زدنا تقربا من شخصيتك لك مني ورود نرجسية على قبولك دعوتي https://pbs.twimg.com/profile_images...2316/image.jpg |
على راسي يا عيوني ولووو حيآتي بتموني لالي كل الشرف كل تحياتي وودي واحترامي للجميع روز |
يسعدك ربي |
رحبو معي يا جماعة بضيفنا الي ما صرلها كثير في المنتدى بس متألق و مميز ضيفنا nairouz بتمنا انو تستمتع معنا و تكون أسئلتنا خفيفة عليك |
يا هلا خيتو نورتي |
السلاآم عليكم يآ هلاآ بالضيف كيفك ؟ اسمك ؟ من وين حضرتك ؟ كيف شايف المنتدى ؟ اكتر شغلة لفتت انتباهك في المنتدى ؟ بيكفي هيك تحيآتي ~ |
اهلا وسهلا بالضيف الجديد كيفك كيف سجلت بالمنتدى بتعرف حد بالمنتدى شو رايك بالمنتدى والادارة و الاعضاء |
البريئة:) اانا منيح اسمي نيروز.. فلسطيني مقيم بالخارج. لسا ما شفته منيح يعني لسا جديد لفتني تواصلكم حلو وشغلات كتيرة وتحيتي ليكي :) |
ملاك الكون. انا منيح،:) قالتلي عنه صديقتي فسجلت/ اه.لالا كويسين لهلأ ما تعرفت كتير. شكراً ليكي.:) |
يَ هلا نيروزْ، عني مش هسألك انا،^^ وان شاء الله تندمج هونْ، |
معلش انا هلأ مشغول كتير. الي عودة اكيد:) |
بتشرف باي وقت اخي الي عند كم سؤال عندك وردة حمرا و وردة بيضة لمين تعطي كل وحدة فيهم ؟ هل نيروز اذا تضايق يميل الا الكتابة ؟ متى يكون نيروز أناني ؟ حكمتك بالحياة ؟ بيكفي اسئلة اخي بتمنى تستمتع |
نيروووووز نورت اخي اسئلتي خفيفة اطمن عمرك جيت فلسطين؟؟ مؤهلاتك العلميه؟ حاسس انو المنتدى نائصو شي؟ شو حاسس انك ممكن تضيف للمنتدى؟؟ نورت خيوووو اختك ملك |
كيفك نيروز؟ لفت نظري اسمك، هدا اسمك الحئيئي ولا اسم مستعار؟ اذا اسم مستعار شو خلاك تسمي حالك هالاسم؟ خصوصا انه هالاسم بميل للبنات اكتر، نوعا ما .. واذا كان اسمك الحئيئي، متفاجئ انه اسمك هيك؟ اجا ببالك يوم من الايام تغيره؟ اسمك غريب نوعا ما .. وسؤال تاني، بما انك جديد، ولساتك فالبدايه، شو اكتر شغله لفتت نظرك هون فالمنتدى؟ بكتفي بهالسؤالين، :137: .. |
| الساعة الآن 09:59 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.