منتديات بنات فلسطين - تورتة الفراشة

http://up.3dlat.com/uploads/13804066414.gif

تورتة الفراشة من التورتات اللى بيكون شكلها جميل وكمان الاطفال بيحبوها عشان فيها الوان كتير وانا عملتها بطريقة بسيطة

مكونات الكيكة الاسفنجية

نصف كيلو دقيق سبونش جاهز(طبعا دقيق الاسبونش مضاف ليه السكر والبيكنج بودر والمحسن)

6 بيضات كبار

نصف كوب ماء

فانيليا(اختيارى)

مكونات الكريم شانتى للحشو:

ربع كيلو كريم شانتى بودرة خام

نصف كوب لبن بودرة

7 معالق كبيرة سكر بودرة

2 وربع كوب ماء مثلج او حسب مايحتاج الكريم شانتى(وطبعا ممكن نستبدل الماء المثلج واللبن البودرة بلبن حليب بس انا بحب اعمله بالطريقة دى)

وللتزيين:

فارمسيل ملون

ملبس ملون

شوكليت شيبس

كريز

الطريقة

اول شىء انا المرة دى قسمت دقيق الاسبونش لنصفين يعنى هخفق ربع كيلو مع 3 بيضات كبار وربع كوب ماء وهيبقى عندنا كيكتين عشان فيه ناس كتير اشتكت من صعوبة تقسيم الكيكة ل3 شرايح فحبيت انقلكم الفكرة دى هنا التقسيم هيبقى اسهل لأننا هنقسم الكيكة لشريحتين بس طبعا الكلام ده معروف لكل واحدة بتعمل تورتة بس الفكرة دى حلوة للمبتدئات فى التورتات

فى اناء هنحط ربع كيلو دقيق الاسبونش مع البيض والماء والفانيليا

http://i57.servimg.com/u/f57/15/33/51/98/111.jpg

ونخفقهم بالمضرب على اعلى سرعة من مدة 5 ل7 دقايق متواصل وهنلاقى قوامه تكاثف

http://i57.servimg.com/u/f57/15/33/51/98/211.jpg

وهنحط الخليط فى صينية مدهونة مقاس 24

http://i57.servimg.com/u/f57/15/33/51/98/311.jpg

http://i57.servimg.com/u/f57/15/33/51/98/411.jpg

هنخبز الكيك فى فرن مسخن مسبقا انا بخبزه على حرارة هادية بس طبعا كل فرن بيختلف عن التانى ولما نحس ان الكيكة قربت تستوى نختبرها بالشوكة او بالعصا الخشبية من النصف ان طلعت نضيفة مفيهاش عجينة نطلعها من الفرن

http://i57.servimg.com/u/f57/15/33/51/98/511.jpg

ونقلبها على ورق خبز

http://i57.servimg.com/u/f57/15/33/51/98/611.jpg

ونكرر كل الكلام اللى فات مع الربع كيلو التانى من دقيق الاسبونش وهيبقى عندنا كيكتين

http://i57.servimg.com/u/f57/15/33/51/98/711.jpg

ونحطهم فى التلاجة لمدة يوم كامل ونخرجهم تانى يوم ونبدأ نجهز ادواتنا للتقطيع والفرد

[IMG]hhttp://i57.servimg.com/u/f57/15/33/51/98/811.jpg[/IMG]

وهنقسم كل كيكة لشريحتين زى ماقلنا فى البداية

http://i57.servimg.com/u/f57/15/33/51/98/912.jpg

ونجهز الكريم شانتى ونحشى بيه الكيكة

http://i57.servimg.com/u/f57/15/33/51/98/1011.jpg

وطبعا هنحط الكيكتين فوق بعض والنتيجة كيكة مرتفعة وهنقسمها من النصف بالظبط بعد مانغلفها بالكريم شانتى

http://i57.servimg.com/u/f57/15/33/51/98/1111.jpg

وحاولت اتخيل شكل الفراشة فقسمت جزء صغير منها من تحت وطبعا قبل مابقسم بقيس بالمسطرة عشان كل المسافات تبقى متساوية

http://i57.servimg.com/u/f57/15/33/51/98/1211.jpg

ونغلف الاجزاء اللى متغلفتش منها بالكريم شانتى وبقية الكريم شانتى هنحطله ربع معلقة صغيرة لون طعام برتقالى بودرة ونقطتين ماء ونضربه بالمضرب هيبقى لونه برتقالى او اى لون تانى تختاروه حسب الرغبة وباللون ده هعمل وردات على التورتة وخيوط متساوية من الوردات وبينهم هحط الشوكليت شيبس وفى الجنب هنحط الفارمسيل الملون وفى النص هنحط الكريز والملبس اخترت اللون اللبنى وطبعا التزيين ده حسب الرغبة يعنى ممكن تزينوها بطريقة تانية خالص حسب ماتحبوا

وده شكلها النهائى

http://food.fatakat.com/photos/4258.jpg