منتديات بنات فلسطين - رسالة إنسانية

اقتباس:

المشاركة الأصلية كتبت بواسطة سمــره (المشاركة 404270)

وينك يا إنسانيه؟ هههه، بطّل في اشي اسمه إنسانيه بهالحياة اللي وصلنالها اليوم طالما صار كل إنسان صار بئتل خوه الانسان، إنعدم الخير وئضى الشر عليه، مع العلم إنه الحياة زمان كانت مختلفه، يمكن كان مشاكل اه بس مكنتش بهالبشاعه يللي عم نسمعا ونشوفا كل يوم .. الاديان والطوائف هي السبب، لإنه كل ديانه بتآمن إنه هي احسن ديانه من ناحية عادات وتقاليد ومن ناحية كيف بيآمنوا، وخصوصا لمن تيجي تسأل مسلم نئول متلا نسأله عن الآخره، ايش رح يجاوبك؟ رح يئلك الدين الاسلامي هو رح يظل للاخره وبائي الطوائف ع النار، وارجع اسال نفس السؤال لواحد اجنبي شو بجاوبك؟ احنا للاخره والبائي ع النار ونفس الاشي المسيحيه واي طائفه تانيه رح يجاوبوا نفس الاجوبه، ليه؟ لإنه هيك البيئه اللي عاشوا فيها هيك علّمتون من وهني صغار من سيعة ما يخلئوا إنه هيك يآمنوا، طالما كل ديانه بحالها وبتآمن إنها الافضل فكيف بدو يكون في حب بين كل هاي الديانات؟ بين مسلم ومسيحي واجنبي او اي ديانه تانيه،
العرب متلا، العربي بيعلم ابنه لازم تحب كل إنسان اجنبي؟؟ اكيد لاء، لإنه العرب بكونوا شايفين الاجانب عدو ونفس الاشي الاجانب هيك بعلموا ولادون، لهيك هدا كلو خلئ حقد وكراهيه وبالذات عنصريه،
مع إنه كلنا بشر واحد ومنآمن بالله واحد، ولمن تيجي الاخره الله بتطلعش هدا مسلم او هداك مسيحي او هداك اجنبي، الله بتطلع ع النيه، نية الانسان نفسه، اذا كان طول عمره إنسان دغري ومستقيم ونيته منيحه وجواته خير ..
وكل هالمشاكل اللي عم بتصير اليوم بتدل ع اشي واحد، إنه الئيامه ئربت ..

كلامك جميل كتير
وبودي ناقشك فيه لكن رح ادخل ابواب اكبر مني
رح اكتفي بشكرك
نورتي

:136: