|
ادخل وشوف ااي نوع من الاطفال انت؟؟؟؟ بسم الله الرحمن الرحيم السلام عليكم ورحمة الله وبركاته يختلف الاطفال في سلوكهم وتصرفاتهم ونفسيتهم .. لذلك .. هناك نماذج مختلفه من الأطفال كنا في يوم من الأيام مثلهم .. الطفل البريء ... في المنزل تجده حبوووب وطبيعي 100 % لكن مع دخوله المدرسة .. ( تنمحي ) شخصيته .. فتكثر الاصابات في وجهه .. لأنه لايدافع عن نفسه .. الطفل العنيد ... يطبق نظام البيت بالعكس .. يسوي اللي براسه .. مايخاف من الأب أو الأم .. لو قلت له هذا خطر لاتقربه .. عناد فيك يسويه .. يُــضرب كثيراً في طفولته .. ومع ذلك عنيد مايغير رايه .. الطفل الحنون... يستخدم وسيلة الحنية لتلبية رغباته له نغمه خاصه في المنزل .. تلبى رغباته كـُرهاً .. يعانون اهله من الصداع المستمر .. الطفل المادي ... هذا الطفل مايرد السلام الا ( بفلوس ) .. تعامله مع اهل المنزل .. مادي بحت .. يستخدمونه لتوصيل طلبات المنزل .. ونقل السوالف.. وكل شي بحسابه .. الطفل الفتّــان ... تجد عند هذا النوع جميع اخبار المنزل .. يجد المتعه في اذلال غيره بالفتنه عليه .. ماله خاتمه .. هذا الطفل حتى لو شريت سكوته بفلوس .. توقع تلقى اخبارك ثاني يوم في الصفحه الرئيسية .. في الجريدة الرسمية .. الطفل الدلوع ... هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً .. الطفل اللحوح ... يزعجك بأسئلته الي ماتنتهي .. يستفسر من كل شي .. حتى لو عطست .. قالك شلون عطست .. وليش عطست .. وشلون تكونت العطسه .. يحرجك احياناً .. ويمكن دائماً بأسئلته .. مره تجاوب عليه ومره تضربه .. واكثر الاوقات ماتلقى اجابه لاسئلته .. لانك في الحقيقه تجهلها .. الطفل الداج ... هذا الطفل مستحيل يجلس في المنزل .. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر .. من الممكن ان يصبح اذا كبر مهندس طرق .. الطفل الملسون ... يتونسون اهله على سوالفه .. فصيح جداً .. ويلقط العبارات والمفردات بسرعة مذهله .. يسبب احراج دائم لأهله .. من الممكن ان يقول كلمة بالغلط للضيوف او الاقارب .. يتميز احياناً بقلة الذووق والوقاحة اذا انفعل .. لاينصح بأستفزازه ابداً .. الطفل اللزكة ... تلقاه مسنتر عند باب البيت .. محد يطلع الا وهو لازك وياه.. حتى الضيوف من الممكن تلكاه يلزك فيهم ويطلع معاهم .. يـُـضرب كثيراً .. وخاصه من اخوانه اللي اكبر منه .. او خواته .. لانه عباره عن رادار على طلعاتهم .. احياناً يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة ..ويسألهم ليش تأخرتوا عليّ .. الطفل الهادي ... هذا الطفل ماله صوت ابد .. وين ماتحطه تلقاه .. احياناً يهملونه اهله .. لانهم ناسينه .. واحياناً يلقى اهتمام زائد من اهله .. لو يموت من الجوع ميحجي.. في كثير من الاحيان تلقى اهله ناسيه بالسوق او عند الاقارب اثناء الزيارات .. الطفل القوي ... اهله دائماً في احراج و مشاكل مع الناس .. هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع .. يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم .. يلااا كل واحد يدخل يقول من أي الأطفاال كان يالله أعترفوا |
انا عندي اتنين الاول الطفل الملسون ما شاء الله عليه مسحوب من لسانه اما التاني فهو الطفل الحنون اما انا العنيد تحياتي عالموضوع |
موضوع جميل وقيم انا ما بتذكر اي طفل كنت فيها لاني ما بتذكر شي من طفولتي .. موضوع رائع .. يا رائعه |
الطفل الهادي ... بس مو لدرجة ينسو اهله هههه مشكورة علي الموضوع القيم ماننحرم من جديدك دمتي بخير |
احمد الصياد رقة قلب شكرا لردكم الجميل انرتم صفحتي |
ما بعرف .. لو بدي اسال اهلي بطلعوني مشاغب .. فبﻻها ..!! :96: يسلمو عزيزتي .. ^_* |
بجوز كل هدول الأطفال مزيج من كل هدول ما الهم شخصية محددة بس يكبرو شوي بتميز كل واحد بشخصيتو يسلموو عالموضوع مشكوورة |
شكرا لردكم العطر |
يسلمو الايادي يعطيكم ربي الف عافيه تحياتي رياح الصمت |
نورت الموضوع |
| الساعة الآن 02:24 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.