|
عباس رفض طلب هنية بمساعدة غزة عباس رفض طلب هنية بمساعدة غزة أكد القيادي في حركة حماس صلاح البردويل مساء الأربعاء أن رئيس السلطة محمود عباس رفض طلبا من قبل رئيس الوزراء الفلسطيني إسماعيل هنية خلال المنخفض الأخير ال1ي ضرب قطاع غزة بالتنازل عن ضريبة "البلو". وأوضح البردويل في تصريح لفضائية "الأقصى" مساء الأربعاء أن هنية طلب من عباس خلال هذا الاتصال فقط "أن يتنازل عن المطالبة في هذا الظرف القاصي عن ضريبة البلو لكن عباس رفض وقال إنه لا يستطيع لأن وضع السلطة المالي أصعب من وضعكم ماليًا". يذكر أن ضريبة "البلو" هي التي أصرت السلطة الفلسطينية على فرضها على السولار الصناعي الخاص بمحطة توليد الكهرباء الوحيدة بغزة. وبين البردويل أن عباس وافق عقب اتصال هنية بأمير قطر الشيخ تميم بن حمد على إدخال السولار الصناعي لمحطة التوليد بغزة حيث قررت قطر دفع 10 مليون دولار للسلطة الفلسطينية كثمن للضريبة على السولار الصناعي لمحطة الكهرباء بغزة. ولفت البردويل إلى أن هدف مكالمة هنية إضافة إلى مكالمة رئيس المكتب السياسي لحركة حماس خالد مشعل التي جاءت بعد موافقة عباس على توريد السولار لمحطة غزة جاءت بهدف وضع عباس والسلطة أمام مسؤولياته تجاه الشعب الفلسطيني بسبب الكارثة. |
انتا بتغيب بتغيب وبترجع بهيك اخبار رفض !!!! اذا رفض متل ما بتحكى هنية يجى يصلح حالنا بغزة صح هو الولى بتاعنا وهو يلى بيحكمنا ليه يطلب من غيره واذا مش قد هالحكم ليش يحكم من اساسو شكرا الك خيي |
اقتباس:
مشكورة حفيدة عمار |
بعين الله نصدق مين ونكذب مين ما بعرف عملتوووا انقلاب عليه والحين بدوو يصرف عليكم |
والله مش ناسية ومتذكرة كتير منيح وما بدى حد يذكرنى والعفو يا كاتم الاحزان |
ياجماعة الخير ابو مازن بعت مساعدات للمتضرريين من المنخفض عندكو علم بهيك شى وكانت تحت اشراف حركة فتح وحاولت حماس السيطرة على المعونات بس ماطلع بايديها بعون الله |
اقتباس:
عباس لم يحرك ساكنا لما حدث في غزة فأين مساعداته ؟ الشمس لا تغطى بغربال واقول لعباس ولاعوانه اذا اراد الانسان ان يكون رئيسا فلا يجب ان يكون كاذبا .. واذا اراد ان يكون كاذبا فلا يجب ان يكون بهذه الصورة المخزية |
مالك يا كاتم الاحزان عنجد خبر كذب مش لدرجة انت شو دراك بدو ينسي شعب بكففي المساعدات الا اجت |
اقتباس:
هلاء اتأكدت انه حكومة حماس مفترية وشعارها الكذب شخصيا شفت المساعدات ومش مستعدة اوضح لالك اكتر لانك شخص مابيوثق فيه |
اقتباس:
مين الكاذب اسمع منيح يخيي كل حد يدور ع اصلو وبلاش فلسفة زيادة |
اقتباس:
اذا اراد الانسان ان يكون رئيسا فلا يجب ان يكون كاذبا .. واذا اراد ان يكون كاذبا فلا يجب ان يكون بهذه الصورة المخزية هيك حكيتهااا مش غزة اللي بتنسى المعروووف انسان عملتوا علي انقلاب وفوق هادا اللكهرب من عندو والرواتب من عندو والغاز كمان من عندوو والسولار من عندو و الادوية من عندووو .... طيب حمااااس كسلطة شووو من عندهااا تعطي للشعب الغلبان بكفي مسخرة وضحك ع العقول |
كلهم رح ينسألو عشعبهم يوم القيامة الدنيا فانية و القبر بيستنانا ربنا يصلح الحال مشكور عالادراج |
أخ كاتم الأحزان كفاك نقل أخبار ليس لها داعيه تقولون وكأنكم لم تعلموا أن هذا المبلغ ضريبه لأسرائيل وليس لحساب سيادة الرئيس أبو مازن حفظه الله أرسل مساعدات لمن أصابهم الضرر كما قالت الأخت هدوء أنثى حماس تخفي الخبر الصالح وتهتم كثيراً في عكسه وتنشره في كل الأماكن في النهايه لا أعرف كيف لحماس ستقود الرئاسه وهي ما زالت لم تجد حالاً لكهرباء غزه يظنون كرسي الرئاسه كشرب الماء |
وحدوا الله يا جماعة كل الئصة مش مستاهلة وبالاخر احنا الضحية والرئسة هما يلى بتحملو المسؤلية الله يصلح الحال |
أبو مازن رئيساً لفلسطين وفلسطين تفتخر بكونه رئيساً لها وأرجوك لا تقلل أحترامك هنا لا نسمح لك أن تسيئ في حق سيادة الرائيس |
بسم الله الرحمن الرحيم والله انا متابع الردود من اول وبتفرج فالحكي عم بشوفه بزيد والنقاش عم يزيد نار عمار ابن الخطاب بقول لو تعثرة بغله بالعراق لاانسئل عنا يوم القيام لما لم تصلح لها الطريق يا عمر فكيف البشر ومسلمين احنا صرنا مثل الهند كل واحد بعبد أله والشعب الفسطيني صار 3 شعب برا وشعب فتح وشعب حماس شعب حماس وشعب فتح كل واحد بدافع عن حكومته وكأنها منزله من عند ربنا مع العلم انو واجب ديني المساعده لااهل غزة اما نصير نعاير بعض قلبتو عليه وهسا بدكو يساعدكو هاد كلام غير عقلاني مع احترامي للجميع احنا برا البلد عم ندعي لحماس بالنصر ولفتح بالنصر لانو ماشين بخندق واحد والعدو واحد وبالداخل عم نشوف انقسام برفع الراس على شو ( عكرسي ) هاد هو المشكله كل واحد بدو يحكم نسينا الاسرى ونسينا الشهدا ونسينا قضية الاجئين وشغالين حماس وفتح مع احترامي لكل الفصائل بس برئي صار ما ألها اي صوت بضل هالانقسام ابو عمار زار غزة وجلس جنب احمد ياسين عمي من الاخر رجال فتح وحماس ما برجعو وانتو يا شبابها لازم اتكونو اوعى من هيك لا تطلعو على مواد تموينيه ومساعدات لااخوانكم بطلب من رئيس حكومه سواء فتح او حماس اطلعو للمعاناه بغض النظر مين سببها والسبب واحد صهيون وشكرا |
أخ وسام كل شيئ في وقته حلو يدعون أبو مازن بالخيانه لماذا لأنه فيه رابط بين السلطه وأسرائيل ولأن السلطه لم تضرب على أسرائيل في حال أقتحامهم للمدن لكن يا صديقي نحن في ظل المفاوضات وقرار عدم أطلاق طلقه من رجال السلطه على دوريه عسكريه اسرائيله هذا قرار من الشيهد القائد ابا عمار رحمه الله كل العساكر لديهم تعليمات أن يصده الأحتلال في حال دخولهم دون تنسيق ولا ننسى الفلتان الأمني كان كل شخص يملك مسدس أو أي قطعة سلاح (يرفع رأسه للسما ويدور بالشوارع خاوه) وكل أنسان يأخد حقه في أيدو كانت حياه عنيفه وفوضى بدون السلطه .. لكن أتحدى اليوم رجلاً يقول عن نفسه رجلاً أن يمشي في الشارع وبجانبه خنجر وليس مسدساً |
شو الواحد بدو يحكي الله يكون بعون اهلنا بسوريا والعراق ومصر وليبيا وتونس وغير من الدول الاسلاميه الي صار الشعب ضحية الكراسي اطفال بتمون من البرد بسوريا تفجيرات بالعراق ليبيا قوات مسلحه للقذافي مصر انقلابات على بعض وكلو اطفال بتموت ونساء تغتصب ورجال تهان وشيوخ شو نحكي لنحكي وفلسطين صهيون كل يوم بلوى فيها اطفال اسرى ونساء اسرى ورجال اسرى دب بالسجن 20 30 40 50 سنه مأبد عادي محنا مش فاضين المهم نعاير بعض ونثبت مين الاقوى والله لننسئل عنهم ونتحاسب مبارح كان صدام حسين يا ارض اشتدي ما حدا قدي وبالاخر شنق ولا واحد حرك ساكن الله يصلح حال المسلمين وخاصه شبابها |
علاء دين الله لا يمنع الجهاد حبيبي اذا بدنا نحط اعذار فهذا تخاذل احنا بنحكي بشكل عام لا اكثر |
اقتباس:
|
اهااا كلام الجميع صحيح حال امتنا لا يحسد عليه شوو بدنا نعمل غير الدعاااء ربنا يثبتنا على طريق الحق و كلمة لا اله الا الله |
اقتباس:
ننتظر هذا العصر بفارغ الصبر .. عصر صلاح الدين |
بعين الله معلش ما تعصب خلي كاتم الاحزان يفرغ على كيف اصلا انا ومن هل كان حبا بحذا اخبار لان عنجد بخلي فيها مشاكل |
اقتباس:
لكن بهمتك وهمة جميع الشباب عصر صلاح الدين هايعوود |
ياريت نرجع على زمن صلاح الدين احلى من هاذا العصر |
اكيد رااجع ليس زمن صلاح الدين بل زمن الصحاابة و زمن يوم كناا اعزاااء ذلك وعد الله سيكوون النصر حليف المسلمين مهما طال الزمن او قصر |
سيعود ولكن حين يتوقف الظلم حين حماس تقف عن ظلمها وخباثتها حين الناس تشعر بقلوب مؤمنه أدعوه الله أن يكون قريباً هذا اليوم |
ان شاء ياريت |
اقتباس:
|
والله أنا مش عارف ليش عباس يدفع ولا يتنازل أصلاً غزة سيطرت عليها حماس وأعلنت إمبراطوريتها وعباس لا يحكم على شبر واحد موجود في غزة لا وبتقولوا وضع عباس والسلطة أمام مسؤلياته تجاه شعبه أي مسؤلية هذه اللي بتحكوا عنها وهو شبر واحد من غزة لا يحكم عليه غزة ومسؤلياتها تقع على عاتق اسماعيل هنية وسلطة حماس غزة لا تدر أي مبلغ على السلطة الفلسطينية وغزة تكلف عباس سنوياً مبلغ وقدره تخيلوا لو عباس أعلن قطاع غزة إقليم متمرد ومنع شيكل واحد يوصل غزة وضيق الخناق والحصار بشكل جدي وملموس على غزة قسماً بالله لتنهار غزة وتصير خرابة والناس تاكل بعضها يعني يا حماس هنيتكم بعباس والله ما يلزمكم واحد زي عباس اللي يعرف يتعامل معكم كويس محمد دحلان ويا ريت يا أعضاء ما أحد يهاجم كاتب الموضوع ناقش وانتقد وهاجم الموضوع نفسه وليس ناقله |
اقتباس:
يعني اقنعني انت كيف انتو مسكين البلد وبدكم سيدكم ابو مازن يصرف عليكم كفاكم اخبار مسمومة |
انا لا ألوم ناقل الموضوع او لاي جهة ينتمي هو او غيرة لكن الرأي والرأي الاخر في اي حوار بيننا يجب ان يكون هادئا ولا يفسد قضية وعندما تتكلمون عن المساعدات الانسانية الاموال ليست من جيوب لا عباس ولا هنية وانا لا انتمي للطرفين بل للشعب المغلوب على امرة المساعدات تأتي من الدول المانحة واهمها الدول الاوروبية والامريكية عن طريق الزابط الامريكي المشهور دايتون ان حالات المنكوبين التي شهدناها ان كانت بالضفة او غزة تدمع لها العين عندما نشاهد في وطننا مشردين منهمكين والاخرون يتصارعون على رئاسة الحكم لقد اضاع العرب نصف الوطن وبعض الفلسطينيون اضاعوا النصف الاخر من اجل كراسيهم العفنة فلم يبقى لنا سوى ان اصبحنا لاجئين نعيش على المساعدات الانسانية ونتسابق ونختلف عليها ونسينا جوهر قضيتنا تحت حجج واهمة اصبحت اسوانة رنانة نسمعها بين الحين والاخر تارة خلافات على مساعدات وتارة اخرى عن النضال وخلافات تحت مسميات اخرى شراطيط من اقمشة ملونة بعضها لونها صفراء واخرى خضراء وسوداء ونسينا علم الام لنجتمع تحت رايتة ونتوحد لنصبح اقوياء من لا يستطيع ان يحمي مواطنية من الصهاينة ولا ان يقدم المساعدات الانسانية لهم فليترك منصبة بكل احترام قبل ان تنجرف الامور الى دوامة وهي بالاصل ليست بعيدة عنا وان الربيع العربي بانتظارنا فهو قادم لان الشعب الفلسطيني لم يعد يتحمل اخطاء الاخرين ان كان داخل الوطن او خارجة بمخيمات الشتات وأملنا ان لا نصل الى حالة يرثى لها اكتفي بهذا القدر حتى لا ندخل في متاهات نحن بالاستغناء عنها حكومات مقالة من الطرفين ان كانت في غزة او الضفة فهي كمعلبات الاكل المنتهية مفعولها الوطن والغربة |
غزة اجاها دعم بيكفى وبيزيد بس المسئولين عن غزة يتقوا الله وبتتصلح كل الامور |
والله الوضع كرب بجد هههه ع كلا انا انسان وين بلاقي الحق بمشي معوا وانا مغمض حركة حماس ان شاء الله تكون منهم لكن كل انساان هالدنيا خلق غير كامل فالكمااال لله سبحانه كما اني مشجع للحركه بافعالها وبنفس الوقت انتقدهااا ببعض افعالهاااا كما قال اخي هل كااان حباااا و بعض الاخوة اناا معهم باصم بالخمسة على كلامهم واذا اردت ان انتقد الحركة بتصرفاتهااا الطائشة احيانااا او بمسؤوليهاا سأكتب مجلداً و بنفس الوقت اذا اردت ان اكتب بصبرها وشونضالها وما قدمته من تضحيااات ساكتب مجلداً لكن فارق الصفحاات بين مجلدٍ و مجلدٍ جعلني افتخر بكل الفخر اني منتمي لتلك الحركة العريقة سواء على صعيد السياسي او العسكري تحياتي الك اخي كاتم انتظر مزيدا مزيدا من اخبارك عن الحركة او غيرهاا |
عجبني ردك خالد ورد الجميع بس حط بعين الاعتبار انو ان كانت حركه او فصيل اي كان بالقطاع او خارجه لازم يشتغل لااجل قضيه صار الها من مئات السنين ولا فصيل رح يكون اعز من الي استشهدو زمان والشهاد مو بس على عصر حماس وفتح ولو وكل واحد اتذكر فرعون بالقدم وتذكر صدام بالحاضر اظن الفكره انو الكل رح يزول ويوخد عملو معه لهيك الواحد لا يشجع فئه ضد فئه كلنا تحت علم واحد اسم علم فلسطين واظن كثير ولاد عم شيمنهم بفتح وشي حماس يعني على قولة المثل فالشغله ما بدها مجلدات بتعرف ليش لانو هاد ( واجب وطني وفرض اسلامي على الجميع ) ان طلعت بشاربك وان نزلت بلحيتك ودي للجميع |
اقتباس:
لا اقصد بالمجلدات ورق وكتابة ما هي الا محض كناية فقط استخدمتهااا اكيد هذا واجب كل مسلم وعربي منتمي لامتين ان شاء الله ترجع وحدتناا لانو وحدتناا هي مصدر قوتناااا بارك الله فيك اخي وساام |
الوحدة طريق النصر وفلسطين أكبر من الجميع |
اقتباس:
|
| الساعة الآن 10:51 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.