http://www.filistinashabab.com/media...87569059_L.jpg


تفاؤل كيميائي!!



ولله العظيم بنحاول نتفاءل
بس لما تسمع فلان صار في المنصب الفلاني، ولله الواحد بنهد حيله، بنطنش وبنحاول نتفاءل، بيجيك فلان ثاني شل أمل الشعب بلسانه، بقلولك طار... بتقول في عقلك الحمدلله، برد بكملك الجملة الزلمة طار يعني ترقى، وهون قمة الإحباط.


....
بنهدئ من روعنا وبنشرب H2O وبنحاول نتفاءل! بيجي واحد كبير مفاوضين بقلك بدنا نرجع نفاوض، وثاني يوم أخبار توسيع مستوطنات ومصادرة أراضي .. طبعاً هون كل لوحات اليأس بتخربش وجهك.
برضو بنقول طالعة وبنشم شوية N2O وبنحاول نتفاءل!
بنط المذيع بقلك ضربوا الصحفيين في الخليل وسكروا وكالة اخبارية في غزة واعتقلوا صحفيين وسحبوا شباب من الجامعة، والجامعات ردت بقوة ورفعت الأقساط
والجيوش العربية طلعت جيوش مش معروف لمين تابعة، والمعبر سكر...
واعتقلوا ثلاث فلسطينيات من نابلس.. وأسرى مضربين وما حدا سائل فيهم، وأسرى محررين وبطالبوا بحد أدنى من الحياة الكريمة وحالات شنق وقتل بتزيد في البلد.. وقرار برافر وقرار الاستيلاء على أملاك الغائبين..
بس الحلو في الموضوع إني متفائل وانو الجميع في البلد عندو أمل نوصل لإشي مثالي في هالبلد، وبعكس التفاعلات الكيميائية فإن هذا التفاؤل لا يحتاج إلى محفزات (catalysts).. وأنه لايتأثر لا بالعوامل الخارجية ولا الداخلية..