|
على سبيل الحب خطبتي .. تزوجتي .. عنستي .. ترملتي صحيتي .. مرضتي .. نصحتي .. نحفتي تذكرتيني .. نسيتيني .. حبيتيني .. كرهتيني حسيتي .. تمسحتي .. شفتي هالكتابة .. أو ما شفتي ما بنساكي .. الله يوفقك بكل خطوة , وبلا و لا شي .. بحبك :136: |
ما حدا بشقني غير العالم اللي بتسب العرب و بروحو ينتسبو للحزب القومي العربي !! |
كنا بالشام وعم نقدم فحص خلص أخي فحص و هو راجع عالبيت صار اشتباك عند الداخلية و توفى أخي . . نزحنا عاللادقية .. اليوم كنت مع صديقي الوحيد المقرب بمعنى الكلمة قبل الفحص بشي ربع ساعة فتنا عالكافيتيريا نشرب قهوة كنا عم نحكي و كان إسفان .. قلي هالدنيا ما بعرف كيف ماشية هالدنيا ماشية بلا ميزان كتير علقو براسي هالجملتين خلصنا فحص و طلعنا اتفقنا انو انا روح عالمكتبة جيب محاضرات الي و الو وهو يروح عالبولمان يحجز كرتين الي و الو انا وعم جيب المحاضرات سمعت صوت انفجار ما عرفت وين .. تاري الانفجار ب كراج البولمانات لما وصلت هنيك حتى عرفت لما وصلت لهونيك كان الي صديق مقرب و ما عد الي صديق مقرب 6 قتلى و 83 جريح باللادقية بفعل 4 صواريخ من القرى الى المدينة صاروح في البولمان .. صاروخ بالرمل .. صاروخ ب شارع 8 اذار .. صاروخ بشارع الاسكنتوري الوفيات نساء أطفال طلاب فعلا يا صديقي .. هالدنيا ما بعرف كيف ماشية هالدنيا ماشية بلا ميزان الله يرحمك |
|
هال كم سنة .. شو تغيرت فينا الدني كبرنا عمر .. دقنا القهر متل الشجر منموت و ما مننحني https://www.youtube.com/watch?v=NtdY...layer_embedded |
ايران لم تستقبل لاجئاً شيعياً واحداً لا من العراق ولا من سوريا السعودية لم تستقبل لاجئاً سنياً واحداً لا من العراق ولا من سوريا ذهب اللاجئون من كلا البلدين الى اليونان وبلجيكا والنمسا والمانيا رغم أن ايران والسعودية اقرب لهم بكثير مع ذلك تجد غالبية العراقيين الشيعة مقتنعين بأن ايران تحميهم وتدافع عنهم وتريد مصلحتهم، وتجد غالبية السنة يظنون هكذا بالسعودية ماذا نفعل لهؤلاء كي يصدقوا أن ايران والسعودية تركبهم كالحمير وتستخدمهم مثل العبيد وترميهم مثل النفايات عند انتهاء حاجتها لهم ؟؟ كل الأدلة أمامهم يقرأها الأعمى و يسمعها الأصم لكن الطائفية والولاء المذهبي اكبر من كل دليل ! |
|
"لم يترك الأغنياء للفقراء شيئا،سوى الله" -نيتشه |
لما درست الجريمة حاولت اتعمق بزاوية كتير صغيرة أهملها كل الفقه أو بالاحرى ما اعطاها الحجم الكافي بالنسبة لأهميتها هالزاوية هي دراسة شخصية المجرم وبالذات كنت مفتون بدراسة العقل المضطرب عند دراسة الواقعة الجرمية و من بين كل الأمراض ما قدرت فكر بشي أكتر قسوة من الاضطراب و الجنون يلي بيسلب من الرجل عقلو و كرامتو و روحو نفسها و بخلي المجرم يعمل أشياء غير راضي عنها ببطء شديد و دون ندم عندي الرغبة اني كون الرضا الناجم عن مساعدة هالاشخاص الموجودين بأسفل جهنم بنظري بدراسة الواقعة الجريمة عن طريق وضع نصوص عرفية مرنة متحركة ما بتتواجد بنصوص ثابتة جامدة بالدساتير لانو كل حالة من هالحالات بدها دراسة منفردة وعقوبة منفردة و مختلفة مع اختلاف الخطورة العقلية و النفسية وبدون نصوص مدونة بظن بهاد الجزء المهمل رح يكون بحثي القانوني لما خلص جامعة حلم بدأ يتحول لحقيقة الله يمضي هالايام على خير |
لو لو لو .. لو لا لي , لو لو لو لا لي الله محيي شوارعنا يا بلادنا المطمورة . |
شو هو الحزن شو يعني مؤقت وشو يعني دائم الانسان رح يجي مرة و رح يروح مرة طب لما يروح بتزعلو عليه حزن مؤقت او دائم ؟ كيف مؤقت و كيف دائم ؟؟ في حزن دائم ؟ اذا دائم ليش بتحزنو ؟ مدام بعد كم يوم او كم سنة رح تنسو الام اللي استشهد ابنها من 5 سنين بتعيد غير اللي توفى من سنتين ليش ؟ رجع ابنها او راح حزنها ؟ او كان حزنها دائم و بطلت حزينة وكيف ؟ شو يعني حزن دائم ؟ شو هالمفهوم العجيب ؟ ليش الموضوع مشربك لهلدرجة ؟ وليش ما عم يدخل براسي ؟ وليش فتت بالحيط ؟ فهمتو عليي !! الحياة كبيرة ورح تمردغنا لانو نحنا صغار كلشي بالحياة مؤقت أصدقائي لا تحزنو كتير لانو الحزن الى زوال وأكبر حزن بالعالم مؤقت البقاء للقوي و الباق في القاع وصدقني ما حدا بزعل عليك حزن دائم الا نفسك الله يفرجها على الحزانى كل عيد وانتو بخير رغم المنشور اللي مالو علاقة بالعيد :136: |
الخاروف هو الكائن السوري الاكثر سعادة هذا العام ... لان الناس مشغولين بتدبيح بعض . |
ههه فعلا ما اله علاقةة ب العيد كل عام وانت بخير عمو حكمةة |
نشالله كل ايامك عيد زميلة وانت بخير :136: |
وأنا في طريقي إلى هولندا اتصلو فيني أهلي وقالولي .. الوطن ليس فندقا تغادره حين تسوء الخدمة فيه سكرت بوجهون وكملت طريقي -_- |
اذا رايت الهوى يجول بين سنابل شعرها فخذ من الهوى هوى وانطلق متحدثا باكيا لشعرها واذا مانطقت عبر الاثير تهمس احبك و ارسلت لك مع نسيم فجر منسي خيبتها .. ففجر حبك في ثغرها وان مالاحت تتباهى بملكوت خصرها شد زنادك فوق اسطورة الليل وفجر ثورة وجدانك بلمسة تتوج سحرها وان تناثر بريق ظلها من شمس عانقت مغيب السفح وماتت في ليلها اخلق من نفسك نور يضيء انفاس الاغريق متلئلئا فوق مشارف ظلها كالعنقاء تتربع هي على عرش الالوهية تحمل جنون الكون في مكامن صدرها فعظم جلال وجودها وقدس الاله المحلى في عينها ومزق نفسك بين راحات عطرها فلولا عبق وجودها لما كنت انت و لما كانت عيناك لتخلق لعينها |
يتحرش بالنساء ويغتصب ويتنقل بين سهرات السكر وبنفس الوقت يريد بنت حلال كيف تريد بنت حلال وأنت إبن كلب ؟ |
شايفين هالمقبرة كلها ؟؟ هي بزمانها كانت وطن .. انتبهوا على أوطانكون أحسن ما تلاقوها بين المقابر . |
|
ولادو التلاتة مغتربين منهم قبل الازمة ومنهم بعدها "شبين و صبية" فجاة حس حالو مريض وتعبان و اكتشفوا انو السرطان منتشر بكل جسمو وفضلوا انهم مايخبروه الحقيقه مشان يقاوم اكتر وقالولوا ترقق عظام اجو ولادو شافوه وخلصت اجازاتن من شي اسبوع وسافروا ع الغربة واليوم الصبح اتكل و وكل روحو لرب العالمين عمو(أحمد لطش) الله يرحمك و يصبر الجميع ع فراق حنيتك و روحك الطيبة و اخلاقك العالية ما مننساها و كاسك يا وطن |
|
|
|
|
|
|
|
|
|
| الساعة الآن 05:14 PM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
Search Engine Optimization by vBSEO ©2011, Crawlability, Inc.
HêĽм √ 3.1 BY: ! ωαнαм ! © 2010
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.