| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
سسستي واناا .. جزء 2 ( الفريق الاحمر )
كيفكم متزكريني انا؟ اناا جميله يلي حكتلكم مرة عن سستي ! طب حزكركم بقصتها : ستي ي جماعة الخير كبيرة بالعمر اكتر من 80
 |
| | LinkBack | أدوات الموضوع | انواع عرض الموضوع |
|
#1
03-01-2018
| |||||||||||||
| |||||||||||||
سسستي واناا .. جزء 2 ( الفريق الاحمر ) كيفكم متزكريني انا؟ اناا جميله يلي حكتلكم مرة عن سستي ! طب حزكركم بقصتها : ستي ي جماعة الخير كبيرة بالعمر اكتر من 80 سنه عايشه ع ايام زمان والحاضر ابدا ما الها فيه اسألها شو اتغديتي بتحكيلك والله ما بتذكر طيب ي ستي متذكرة لما احتلونا اليهود ؟! وئتها بتصير مؤرخة وبتحكيلك كل شي بأدق التفاصيل بيوم كنت انا وهي قاعدين بالحوش الا بتحكيلي ستي ي جميله قومي هاتي القمحات بدنا نجرشهن ع الطاحونة "ستي اي قمحات بتحكي عنهم " "ولك الي بالبرميل الكبير قومي خلينا نطحن ونعجن قبل ييجي سيدك من الارض مع الغنمات ؛ وقولي لامك تجهز الصاج مشان نخبز شراك" "ستي الله يهديكي من زمان بطلنا نعجن ونخبز ؛هلا بنجيب من المخبز خبز سخن " " ول عليكم من جيل مايل ؛ ولك سيدك ما باكل الا من خبزي" " ي ستي سيدي مات وعظامو صارو مكاحل " ساعتها اطلعت فيي بكره وحزن بنفس الوقت ورجعت تحكيلي " طيب قومي هاتي برميل المي لنروح نعبي من العين " هون انا فرطت من الضحك وحكتلها : " يا ستي فوتي الدار وبدل العين في عشرة " " بعرف ولك بس المي جوة مش طيبه ؛مي العين أطيب" " يا ستي العين الي بتحكي عنها صارت مكب زباله للبلديه من زمان !" رجعت سكتت وصفنت حبيت اناغشها شوي " ستي احكيلي كيف اتعرفتي ع سيدي ؟حبتيه ؟" " حب يرقمك انشالله ؛ عيب ي ستي هالحكي لحدا يسمعنا شو بدك يقولو عنا ؟ بنات فالتات ؟؟" "حقك علي ؛ طيب قوليلي كيف اتعرفتي عليه ؟" " آخ ي جميله ذكرتيني باحلى ايام عمري ؛ كنا ي ستي نرد ع العين لنعبي ؛ وكانو الصبايا يلبسو المطرز والمخرز ؛وتكون الكحله من الحد للحد ؛وشباب البلد يكونو يرعو بالغنمات حد العين وكل وحدة ونصيبها ؛ بيوم شفتو لسيدك أما شو شبوبيه ؛طول بعرض ؛ حسيت رجلي ما حملوني وكنت بدي اقع لوﻻ ستر الله " " اوف من نظرة صار كل هاد " " وﻻ مفكرين متل جيلكم سنه وانتو تتعرفو ع بعض وبعدين تحكو ما اتفقناش!" "طيب كملي كملي" " هم يومين ي ستي وبكيت بدارهم !!" " عنجد ؟!" " اجا ابوه وامه علينا بيوم ؛ وطلبو ايدي وحطو مهري 200دينار ؛وابوي جهزني فيهم وبيومين كنت اتفتل بحوشهم " "200دينار؟؟" "يقطعكم من جيل الواحد منكم ﻻزم يبيع حالو ومالو ليتجوز ؛ اه يختي 200 دينار وﻻ طلبنا دار وﻻ حتى غرفت نوم رحت عندهم باواعيي " " حياتكم كانت حلوة ي ستي" " وﻻ شو مفكرة انتي ؛ مفكرين حياتكم حياه !مقضيينها ع المخسوف وع المسخم هاد الزغير الي بايدك تطقطقو " قصدك الكمبيوتر والجوال ي ستي" " اه هاد الجوال؛قومي فزي اعمليلنا كاسه شاي ؛اجعتي راسي ؛ على امك طالعة ؛ بتخلصيش برم" ________________________ حابه اخبركم عنهااا ووين صصارت اياامها سستي اليوم عمرها 82 سسنه بس الغريب انها كل ما بتكبر بتزيد حلا ! والله خدودهاا متل التفاحةة وعيونهاا بلمعووو والاحلى حكياتهاا صصارو بجنننو امبارح بالسسهرة صصار واحنا نتفرج ع التلفزيون ششافت اخبار سسورياا و هالششي لفت نظرهااا كتير الا بتحكي : " سستي ي جميله بالله تعلي الصوت ششوي " " حاضر ي ستي " " شو صاير بالدنيا ي سستي هاذ الشام يلي بحكو عنها ولا شو " " اي والله ي ستي هاي دمشق والغوطة وحلب عم تنضرب بالنار وبالمدافع " " ول ول ومين بضربهم ولك ؟ اكيد اليهود الله لا يوفقهم " " الله اعلم ي سستي . شو بدك بهالححكي " " والله ي سستي بتزكر اياامنا بدير ابان ب 48. كنا مكيفين وعايششين وراضضين لحتى اجو المسخمطين اليهود وحرقو البيوت واخدو الارض وطردوناا من بلدناا و تشششتتنا وصرنا تحت رحمة يلي ما بخاف الله . هلا ي كشيلهم الشاميين وين بدهم يروحو ؟" " حبيبتي ي سستي عملولهم خيم وبوزعو عليهم اكل وشرب . ما تهكلي همهم " " قلتي خيم ولك ؟ ليش والخيم شو بتعمل بهالسسقعه ؟ " " الهم الله ي سستي . خليهم بهمهم وخلينا بهمناا احناا " " عنجد مثل امك انتي . الله يغص بالك ع بالها " " اوف ي سستي ششو حكيتلك انااا ؟ " " مهي لو عرفت تربيكك ما قلتي خليهم بهمهم وخليناا بهمناا ليش همهم مش همناا وهمناا مش همهم . شو صصاير بالدنيااا ؟ " طب احكولي ي جماعه لو خبرتها عن العراق وليبياا واليمن ومصر والسسودان ووووووو سستي ششو ممكن تعمل فيااا ! ي ريتنااا ي سسستي متلكك بسسس ! المصدر: منتديات بنات فلسطين - من قسم: حصريـات بـنات فلٍسطين sssjd ,hkhh >> [.x 2 ( hgtvdr hghplv ) dQN  |
|
03-01-2018
| #2 | |
 
 |  كانت ايام البساطه واللمه الحلوه والله بعدك يا ستي اتفرقنا وكل واحد صار عايش لوحده جوات نفسه الاخ بحكي مع اخته عالفيس تعي يا ستي وشوفي وين وصلنا بجد كلام ولا اجمل ان شاء الله تعود هاي الذكريات مع ولادنا واولادهم ويكون وضعهم احسن من اليوم شكرا الك ملك تقييمي | |
| |
|
03-01-2018
| #3 | |
 
|
كلمات جميله ومؤثرة من الجدة حبيتها وربي راقيه جدددددددا استمري بجلب حروفككك وكلماتكك الراقيه فعلاااا كلامهااا صحيح ايام زمان ع ايامهم كانت تجنن وربي اخ ي قلبي عوافي قلبي | |
| |
|
03-01-2018
| #4 | ||
 
| اقتباس:
عملت العكسس . قربت البعيد وبعدت القريب ! الله يصصلح الحال ي رب وترجع اياامك ي سستي حضضوؤر راقي كدايماا وردود تليق بششخصصك كل الاحترام | ||
| |
|
03-01-2018
| #5 | ||
| اقتباس:
ووجودك زاد الجمال جمااال كتير سسعيدة بمروركك تحيااتي لالك | ||
| |
|
03-01-2018
| #7 | |
 
|
زكرتيني بستي الله يرحمها والله القعدة مع الكبار حلوة وحكياتهم متل قلوبهم يسلمو وكتير يا ملك حبيت القصة | |
| |
|
03-01-2018
| #10 | ||
| اقتباس:
يعافيكي ي قمر | ||
| |
|
| الكلمات الدلالية (Tags) |
| .., الاحمر, الفريق, يَآ, سسستي, واناا |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يا ناس شوفتوا حلاوتة يا ناس الفريق الاحمر | اميرة | عـدسـة الأعضاء | 7 | 03-07-2018 02:06 PM |
| صديقتي..بقلمي..الفريق الاحمر~♡~ | عٌبِقِ أّلَيِّأَّّسمَيِّنِ | ابداعات أعضاء بنات فلسطين الشعرية والنثرية | 13 | 03-01-2018 09:30 PM |
| كَلَّمَـےـاتِـ معبره..الفريق الاحمر~♡~ | عٌبِقِ أّلَيِّأَّّسمَيِّنِ | زوايا عامة | 9 | 03-01-2018 09:28 PM |
| تحدى الزمن الفريق الاحمر | اميرة | ابداعات أعضاء بنات فلسطين الشعرية والنثرية | 8 | 03-01-2018 11:03 AM |
| قصصصور أهل القدسس قبل الهجرةة ~ ( الفريق الاحمر ) | ملك روحي | اللمـسات الـفنيـة | 13 | 03-01-2018 07:40 AM |
الساعة الآن 02:26 AM
