| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
المشكله بالمصايب ، احزرو مين!
المشكله بالمصايب ، احزرو مين! الاشخاص اللي بتحكيلهم مصيبتك ، و ردة فعلهم !! يعني مثلا : بتحكي لحدا : والله يا كبير انا انصدمت بشخص و طلع
 |
| | LinkBack | أدوات الموضوع | انواع عرض الموضوع |
|
#1
11-17-2017
| ||||||||||||
| ||||||||||||
المشكله بالمصايب ، احزرو مين! المشكله بالمصايب ، احزرو مين! الاشخاص اللي بتحكيلهم مصيبتك ، و ردة فعلهم !! يعني مثلا : بتحكي لحدا : والله يا كبير انا انصدمت بشخص و طلع عاطل ،، بقولك طول بالك ( لسا ) رح تنصدم بكتير ناس ، هو انتا لسا شفت اشي! بتقول لحدا : امبارح انتصب عليي ب الف شيكل ! بقولك هاهاها ولك ( لسا ) رح ينتصب عليك كثير بحياتك! بتقول لحدا والله انا مريض و سخنان اليوم ! بقولك ييييي لسا الايام جاي و رح تسخن وتمرض ويصيبك حصبة و جدري و بنكرياس! بتيجي لواحد تاني وبتقولو والله طفران ! بقولك بعين الله يا غالي لسا ما شفت اشي بكرا رح تطفر وتشحد و تأكل من فتات الارض و تشتهي اللقمه اصبر! بتقول لحدا والله ضربت السياره اليوم ! بيقولك هو انتا لسا شفت اشي؟ لسا الايام جاي ورح تضربها وتقلبها و تلعن ابو شرفها للسياره وتندعس! بتقول لحدا خالي مات ! بيقولك الله يرحمه طول بالك كلنا رح نموت وخالك الثاني رح يموت وولادو وانتا رح تموت و الجيران والعالم كلها! طب يا عمي اكذب عليي ، داريني ، احتويني ، اخدعني ، اقنعني انها اخر مصيبه ، اقنعني انو الحياة جميلة و غدًا اجمل ، عيش جو المسلسلات معي ، اسرح فيي ، اعبطني وقلي خلص إن شاء الله اللي جاي احلى 😂 - امثلة الخاطبين : مالك يا فدوى؟! اليوم فسخت خطبتي! طولي بالك لسا رح تخطبي مره ومرتين وتسعة وتفسخي وتطلقي و تنطخي بعرسك و تندعسي! مالك يا ابراهيم؟! يا زلمه ابو خطيبتي اكل راسي طلبات! ييييي هو انتا شفت اشي؟ لسا الايام جاي ورح يطلب منك بلاوي زرقا ، لسا قدامك العرس والفندق والضيافه والبطيخ ، يمكن بكرا يطلب منك تعمل تمرين المِعدة عاللوج! - مثال الحزينة الحامل : مالك يا اعتدال ؟ تعبانه شوبانه دوخانه مش قادره مضغوطه قرفانه مش قادره اتحرك! ولك طولي بالك بعدك بالشهر الاول ، بكرا رح تتعبي وتدوخي ويغمى عليكي و تغيبي ومتعرفيش توكلي ، يييي لسا لما تولدي يمكن تولدي سنجاب بري لونو اخضر بقرط بحرف الواو! يا عمي داروهم ، صبروهم ، عيشوهم الحياه الحلوه 😂 اخر مثال والله والله 😂 واحد بعرفو ابنو عمرو سنتين وقع وانطبش براسو ضربه خفيفه ، جارهم بيقولو : لسا ما شفت اشي ، بكرا رح يكبر وينطبش ويندعس ووينفتح راسو و يطلع هامل و يشرب ويتعاطى و ينحبس 😂 الايام جاي ! خلص بس المصدر: منتديات بنات فلسطين - من قسم: زوايا عامة hgla;gi fhglwhdf K hp.v, ldk!  |
|
11-17-2017
| #3 | |
 
 | معناش ثقافه المداراه اضرب بالوجه تقول الناس هبله ولا مستهتره لكن في قليل ناس منيحه بتطعميك المصيبه بالمعلقه شوي شوي يعني بتخفف عنك لكن المعظم يا لطيف الطف تقول بدهم ينتقمو منك فوق انتقام المصيبه رح اسالك انت بتعمل هيك مع الناس ؟ لو جوابك لأ بكون لسا في ناس منيحه ههههههههه | |
| |
|
11-17-2017
| #5 | |
|
كلامك واقعي قصي في اشياء مش لازم نحبط الاخرين فيها بشكيلك لحتى تزيدوا امل وتفاؤل ونت بتعترسها تفكير الناس وصل الجهل مع انه كترت الشهادات بينهم حاسس ما في اشي بتغير بس لكن نحط بردوا تفاؤل ربنا يغير افواه الناس الى الافضل شكرا لطرحك يا راقي | |
| |
|
11-17-2017
| #6 | |
 
| في ناس بتزيد مصيبتك وبتخليك تشوفها اكبر من هي عليك وفي ناس بتنسيك ياها وبتقولك انت لسة احسن من غيرك ومصيبتك اهون لساتها للاسف الناس تشاؤمها صار اكتر من تفاؤلها حبيت الطرح لانه واقعي شكرا لك قصي | |
| |
|
11-20-2017
| #7 | |
 
|
هذا واقعنا للاسف انك تجبر بخاطرو وتساعدو لا لازم تحبضو وتخليه يشعر بالخوف وتعلنو لعن هههه بجد اشي بجلط يعني انا جاييك احكى الا جوايا والا مدايقني تروح تزيدها عليا عنجد لازم معالجة هيك شغلات ربنا يهدي الجميع يا رب يعطيك العافية اخ قصي ع تميزك | |
| |
|
01-29-2018
| #9 | |
 
|
گلَأّمَ وِأّقِعٌيِّ عٌأّدِيِّ مَتّعٌوِدِيِّنِ أّنِهِ نَِّسمَعٌ هِيِّګ حٌګيِّ هِهِهِهِهِ نِظّرةّ َّسلَبيِّهِ جِدِأّ أّلَوِأّحٌدِ فِّيِّنِأّ لَأّزِّمَ يِّنِظّر نِظّرةّ أّمَلَ حٌتّيِّ لَوِ أّلَيِّ حٌوِأّلَيِّنِأّ بِدِهِمَ يِّحٌطّمَوِ هِأّلَأّمَلَ أّلَيِّ ّلََّسَّسأّ مَوِجِوِدِ عٌنِأّأّأّأّأّأّ عٌوِأّفِّيِّ عٌمَوِوِ | |
| |
|
01-29-2018
| #10 | |
|
مزكااهم هيك ناس هما الي بزيدو اصراري للقوة ههههبغض النظر من هيك ناس لزيزة مقرفة .. قوتك وسعادتك وسندك انت لازم يكون مش اي حدن غيرك كلام الناااس لا بيئدم ولا يأخررر عوافي | |
| |
|
| الكلمات الدلالية (Tags) |
| مين!, المشكله, احزرو, بالمصايب |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غرور .. وين المشكله .. بسيط جدا | وسام الملك | مسآحة لـ الإهداء | 16 | 04-02-2016 07:42 PM |
| احزرو مين هادا الي ماسك الثعبان 2 متر في غزه | حبيب العمر | غرائـب وعجائـب | 18 | 10-17-2015 07:32 AM |
| المشكله الثانيه من موضوع أريد حلاً.. | وسام الملك | الـטּـِقآشآتُ الجَّآدة والـפـوَآر..! | 21 | 03-29-2015 07:57 AM |
| المشكله الاوله من موضوع اريد حلاً .. | وسام الملك | الـטּـِقآشآتُ الجَّآدة والـפـوَآر..! | 26 | 03-16-2015 04:56 AM |
| المشكله عند كثير من الرجال .. ؟ | عشق ! | التنمية البشرية والذاتية | 9 | 10-14-2014 04:38 PM |
الساعة الآن 12:22 AM
